對於廣東人收看香港電視的歷史

Ken仔

我聽講話..

我哋廣東人自從有電視以嚟就係睇香港電視為主...

最初聽講收睇香港電視...係喺七幾年...

當時全廣東省啲居民...

祗要擁有魚骨架天綫,喺沒有高建築物障礙之下..

能夠收睇..亞視同無綫4個頻道..

 

不過唔知道係唔係....~?

(PS:本人係1989年出世嘅).....

Lucciora

當時廣州睇香港電視係祇能夠睇遲兩日嘅節目，但係係用魚骨天線、天線鑊、定係用乜方法就唔知囉（要畀錢校），直到94年有省線市線有線電視

 

 

[ 本帖最後由 Lucciora 於 2007-12-22 15:15 編輯 ]

UngooChan

80年代初未有香港電視，不過珠江臺日日播住香港《大地恩情》《霍元甲》呢啲香港劇集。

我呢度係從83年先開始真正有得睇，之後停下開下，89年之後完全停咗差唔多年半先慢慢開返。直到而家，我哋都重未可以睇到完整嘅香港電視。

lhk

記得八十年代，未有得直接收睇香港電視，當時香港親戚會帶好多錄像帶返o黎。好似安德尊有份主持嘅《歷史也瘋狂》等等。

到咗93，94年我記得係同有固定電話差唔多時間，就有得睇香港電視喇，我第一部睇嘅連續劇係TVB嘅《龍兄鼠弟》。

余OK

　　睇嚟重係珠三角四鄉「前衛」，七十年代尾經已有好多民間「魚骨」接收冇受CCP糟蹋嘅香港電視，眞係有福。

ldlhjm

依家好多节目都被CCP封晒。包括讲捞话个个山鸡卫视台照封。

Ken仔

不過..

依傢仲有少數地方可以用魚骨架收翡翠臺...

中山沿海地區,東莞虎門,深圳,....

廣州我諗都冇希望啦,咁多高樓,信號都被擋住曬,想收都難..

我所在嘅江門市..更加冇希望啦..

 

我早排試過,祗能收到珠江臺,彿山臺,南方TVS...但江門電視臺信號反而好差,收唔到香港臺

Lucciora

原帖由 余OK 於 2007-12-22 20:59 發表 　　睇嚟重係珠三角四鄉「前衛」，七十年代尾經已有好多民間「魚骨」接收冇受CCP糟蹋嘅香港電視，眞係有福。

 

當年臺山就係用魚骨就收到香港電視，可能近海，訊號無遮擋，比較好

Ken仔

原帖由 Lucciora 於 2007-12-23 21:54 發表   當年臺山就係用魚骨就收到香港電視，可能近海，訊號無遮擋，比較好

 

按your說法的確係...

不過廣州依傢好多高層建築物,想收都好難除非you住好高層..

臺山?若果係沿海地區應該得,譬如仲有上川...

好似依傢上川還收到...

但依傢用魚骨架收翡翠..深圳九成九都得,祗要冇建築物阻擋就得囖..

但後嚟話用唔準再用魚骨架收,聽講話原因好似係怕幹擾飛機或者雷達設備 頂..

吹咩..我嘅F住喺深圳郊區都係用魚骨架收,收得好清楚

佳君

香港既電視節目有咩好睇..

我喺屋企都睇台灣節目..

港台港台,台灣都有播d香港既節目..

外外星人

原帖由 佳君 於 2007-12-28 19:22 發表 香港既電視節目有咩好睇.. 我喺屋企都睇台灣節目.. 港台港台,台灣都有播d香港既節目..

 

 

台湾冇粵語啩？

滙賢恭會

喺嶺南地區以外嘅地方真係好難睇到粵語節目嘅電視喇！本年前重可以睇到網絡上嘅粵語節目電視台，而家真係都畀封晒喇 希望有人企出嚟評駁恢復原狀啦！