最长嘅黑夜，你会谂起边个
广州随笔
莫尔多姿
冬至，系全年黑夜最长嘅一日，每年呢日嘅夜晚11点，北斗星勺柄指向北，四千几年前嘅《鹖冠子》里面就有讲「斗柄北指，天下皆冬」。可惜，广州嘅夜空雾茫茫矇查查，已经睇唔到星座啦。
好多年前，你送畀我嗰只天文望远镜，依家重摆喺我嘅书架度。去露营嘅时候，你教我睇北斗星，你讲，北斗星系天体嘅正中央，一路都围住北极星旋转，一年四季都唔会落嚟嘅，如果我喺荒山野岭啲地方迷咗路，唔使惊，北斗星会指引住我行出去嘅。
有时我心情闷极，或者，觉得迷惘嘅时候，我都会喺窗边睇出面嘅夜空，慢慢噉一粒一粒星噉串啲星座出嚟，可惜，睇到星座嘅时候「硬」系好少。
有一本小说，讲有一对相爱嘅后生仔女，嗰个女仔要去火星嘅卫星德摩斯，离别嗰晚，男仔承诺无论事情有乜嘢变化，佢都永远爱着呢个女仔。之后，男仔失去咗嗰（个）女仔嘅音讯，净系知道佢喺嗰个罪恶嘅卫星入边吃尽苦头。所以，男仔就一直托人发消息：「返嚟，返嚟，我重系好似以前咁爱你。」终于有一日，个女仔来到男仔嘅屋门口喊住噉讲：「我已经变咗嘞，变得你唔会再认得我。」嗰男仔听咗，好坚决噉讲：「我唔会唔认得你，我永远都咁爱你」，讲完，佢打开门，发现门口有一点污糟邋遢成身黐住晒血迹嘅狗仔，只狗仔昂起头，佢块面，系嗰个女仔嘅面。原来，喺德摩斯，佢哋竟然将嗰女仔嘅头接咗去狗嘅身上边玩。但系，嗰男仔认真咁睇咗女仔一阵之后，就抱住佢，坚决咁同佢讲：「我永远爱你」。（用「面」多过用「脸」）（「吃尽苦头」换成「成日捱苦」会唔会地道啲？）
真系好遗憾，喺地球呢个蓝色星球上曾经相爱过嘅我哋，始终都系爱自己多一啲。
从心理学上面来讲，依照一般人昼出夜伏嘅习性，无论喺日光日白几硬净都好，到咗入夜夜深，喺佢哋感情防线系最容易松懈最容易真情流露嘅时候，噉，系全年黑夜最长嘅呢一夜，或者呢个时候嘅挂念先系至真。（掛為挂之正體字）
P·S：系嘞，你依家，重有冇晚黑望下天空嘅习惯啊？
發表於 2007-12-21 12:30:24
