合力投票赢大奖，为协会筹款！

卢总

　　一直以嚟，由于执掌权力话事嘅人漠视，加上我哋只不过系非谋利嘅民间团体，所以「粤语协会」好难获得啲乜嘢资金资助或者资源支持。单靠大家一腔热诚，一百几十人每人捐嗰三几十，系唔系就可以解决问题呢？唔好忘记，好多注册会员重系学生，系消费者，并冇经济收入来源。所以我哋要积极拓展财路，为我哋推广粤文化嘅事业筹措资金，并且招揽人才资源。

 

　　正所谓「他山之石，可以攻玉」，与其喺内部呼吁，点解唔走出去攞人哋嘅钱，攞人哋嘅资源去办我哋嘅事，搞我哋嘅事业呢？

 

　　广东省社会科学院哲学文化所研究员、副所长雷铎畀我嗰张名片系噉写嘅：

　　　　受ＣＣＰ领导　领共和国俸禄　做党八股课题　编自个儿文库
　　　　种半分地园林　诵菠萝蜜心经　想一百年光景　做半时辰事情

 

　　我哋系唔系亦可以从中借镜一下呢？既然冇人会帮我哋，噉我哋就自己去争取，攞人哋啲钱嚟搞我哋嘅生意，实行同推普机斗到底！

 

　　如果大家有留意嘅话，都应该知道我参加咗「中国博客网」嘅「博客之星」选举，而且系入硬复赛：

 

　　http://5yearstar.blogcn.com/5yearstar/m/individualshow?rs=1514

 

　　当初我参赛其实都系为咗借船出海，推广广州话，并冇谂过要赢咩大奖。但系照而家个态势嚟睇，我都唔系话冇机会赢——虽然话机会就细啲，但系唔博又点会有摩托呢？

 

　　所以我就谂嘞，点样可以用我呢只草船去借曹军嘅十万支箭呢？冇错嘞，就系需要呐喊！如果冇草船上嘅兵士击鼓、摇旗、呐喊嘅话，诸葛亮又点可以得到嗰十万支箭呢？我唔系自比孔明，而系我觉得如果我哋大家都齐心协力、群策群力嘅话，冇嘢系唔可能嘅！因此我恳请大家都一齐参与呢个投票活动！

 

　　http://5yearstar.blogcn.com/5yearstar/m/individualshow?blogname=general-lo

 

　　为咗保证胜利，在此我呼吁各会员每人起码注册十几廿个ＩＤ，每日投票。如果可以保证每日能够有１５００～２０００票嘅话，相信有机会赢取最终大奖——ｎｏｔｅｂｏｏｋ一部，卖咗佢就有钱攞嚟做经费。以后但凡有类似嘅比赛活动，我哋都可以参照呢种形式去实行。

 

　　各位意下如何？如果你系想为大家出力嘅，如果你好想捐钱但又苦于囊中羞涩嘅，而家我就畀个建议你，只要动员你嘅同学、亲戚、朋友、网友，喺Ｑ群同网站里面组织人员每日去投票，噉就有机会达成到你嘅愿望！

卢总

1. 所有报名参赛的博客或圈子在海选和复赛阶段均能接受投票。
2. 未登录用户投票一次加一票，登录用户投票一次加二票。
3. 未登录用户一个IP一天为一个参赛博客或圈子只能投1次票。
4. Gameblog用户注册为Blogcn用户后既能进行登录投票。

 

　　第一阶段为博客报名及海选阶段：2007年11月26号～2007年12月21号，用户可以报名参赛并进行网上投票，中国博客网根据参赛博客的得票数选出在每个博客参赛类别得票数最多的前十名参赛用户进入复赛，其余的参赛用户将被淘汰。

　　第二阶段为海选结果展示阶段：2007年12月22号～2007年12月23号，进入复赛的所有参赛用户博客展示阶段（此阶段不接受投票）。

　　第三阶段为复赛选手评选阶段：2007年12月24号～2008年1月3号，进行复赛投票评选，进入复赛的参赛者在海选阶段的得票数清零后重新接受网友投票，并加入评委评分。最后各个奖项类别的参赛者按得票数和评委评分加权后计算的总分进行排名（加权算法见奖奖项设置面的说明），总分最高的参赛者获得各奖项的最佳单项奖，其余选手将获得入围奖。

 

详情请参阅：

http://5yearstar.blogcn.com/5yearstar/m/explain

卢总

复赛期间以最后得分为排名依据（选手得票分数*50%+评委分数*50%=最后得分），选手得票分数计算方法见下例：

 

　　A选手复赛期间被得票总数为1000票，为此奖项类别所得票数最高的选手。因此就以A选手的得票数为满分标准，A选手的得票分数为100分。B选手复赛期间被投票总数为800票，因此B选手的得票分数为80分，以此类推。评委分数=十位评委对单个博客的总给分（百分制）/10。假设A选手的评委分数为60分，B选手的评委分数为90分，那么A选手的最后得分=100*50%+60*50%=80分，B选手的最后得分=80*50%+90*50%=85分，B选手获胜。

 

　　如果在最后得分统计时出现得分相同的情况，以评委分数为标准，分数高者获胜。

 

http://5yearstar.blogcn.com/5yearstar/m/awardsettings

卢总

　　由于我系完全用广州话嚟写，所以唔担保啲评委都识睇，但我会尽力去写。同埋我参加嘅系「娱乐博客」选举，最近写嘅亦都比较多系偏重于娱乐方面嘅话题。而且我发觉一啲参选嘅人，虽然票数高，但系文不对题，啲内容完全同娱乐无关，或者根本就好耐冇更新过。所以我哋只要揸住票数方面去做文章，噉就大有胜算嘞！

 

　　举个例，如果我最后得嘅票数系１０万，而我嘅对手Ａ只有３万票、Ｂ只有２万票嘅话，「娱乐博客」里面以我嘅票数最高，噉我嘅票数分就系５０分，而Ａ就只有１５分，Ｂ就只得１０分。评委最终畀分，我得６０分（我估计应该唔会低得过呢个分，否则我会向官方投诉评委歧视我用广州话写嘢，噉我哋又有得玩嘞 ），Ａ得８０分，Ｂ得１００分，噉我嘅评委分就系３０分，Ａ就系４０分，Ｂ就系５０分。加埋最后总分，我就系５０＋３０＝８０，Ａ就系１５＋４０＝５５分，Ｂ就系１０＋５０＝６０分——结果就系我赢。

 

　　但要取得呢个胜利嘅保证，先决条件就系我嘅票数远高于我嘅对手。对此我研究过所有入硬或者有机会入复赛嘅对手，发觉目前票数占优嘅正正就系文不对题或者系好耐冇更新嘅，而文章方面可能占优嘅又冇乜票源，所以如果大家肯发动多啲人去注册ＩＤ同每日投票嘅话，我哋就可以稳操胜券嘞！

卢总

　　可能有啲人会嫌注册、投票好难、好麻烦，但我可以话畀大家知，其实一啲都唔难、唔麻烦！

 

　　你只要入去呢个投票网址里面点「注册」，然后输入你同你班朋友嘅ＱＱ号码或者ＭＳＮ帐号做用户名同密码，邮箱就填返相应嘅，例如１２３４５６７８＠ｑｑ．ｃｏｍ或者ａｂｃｄｅｆｇｈ＠ｈｏｔｍａｉｌ．ｃｏｍ，跟住「提交」，噉就大功告成嘞！全程唔使一分钟！

 

　　如此重复佢十几廿次，你唔使二十分钟就已经可以拥有几十个ＩＤ投票嘞！而且你要记住，只要你用呢啲ＩＤ去投票，就有机会参加抽奖！

 

　　跟住你每日就可以用呢啲ＩＤ去投票嘞！用个ＴＸＴ文件将呢啲ＩＤ全部记低就最方便！只需要做简单嘅「复制」、「粘贴」就可以投票嘞。经我哋计算，噉样投票嘅话，５０个ＩＤ都唔使十五分钟就可以完成投票，噉就已经多咗１００票嘞！加埋访客嗰一票（记得唔好浪费呢一票），总共就１０１票。

 

　　如果每日有十位朋友肯付出呢十五分钟，噉已经可以保证到每日有过千票。即使大家每日只肯付出五分钟，而有超过３０位朋友肯帮手，同样可以保证到呢个效果！所以希望大家唔好吝啬嗰十分钟，最后赢到个比赛，对网站、对协会、对粤文化，乃至对我哋个人都有好处！

 

　　有人可能会话，噉样做得唔得，好唔好——我可以话畀你听，呢啲叫做「兵不厌诈」。你唔噉做，难保其他参赛者唔系噉做，问题系人哋嘅人数够唔够我哋多。我谂家下接近八千注册人数，应该都有几十个系肯热心为网站、为协会、为我哋嘅母语、为我哋嘅文化出力嘅！

 

　　总之唔好理人哋点讲都好，做好我哋自己先！因为《国际歌》都有教——「从来就没有什么救世主」，保护我哋嘅母语同文化只能够靠我哋自己！唔好奢望人哋会同情我哋、打救我哋！人哋唔埋嚟踩我哋已经算我哋够运嘞，重要走去还神添！

 

　　一于呼吁多啲人去投票赢个奖返嚟！既赚到经费，又可以话畀嗰啲唔明白我哋嘅人知道，我哋嘅文化系几咁优秀，我哋嘅力量系几咁庞大！

卢总

重有，唔想帮手嘅，唔该唔好在此泼冷水，倒我哋米，乱我军心！

 

否则休怪我哋手下不留情——先小人，后君子，唔好话我唔有言在先！

柳寻风

支持紧.

卢总

哇，乜咁早晨啊？

哈哈哈！多谢支持啊！

我哋一定会成功嘅！ 

yesli

  好似冇乜人气噃！

 

不过我都撑你！冲呀！

鑊鑊金

原帖由 yesli 於 2007-12-20 13:51 發表   好似冇乜人气噃！   不过我都撑你！冲呀！

 

虽然我唔係好得閒，不过我都要撑！！

 

一日投佢几十票！

광동민국

一早就投咗 LO !

 

樓上位鑊鑊金,時時見到你同Cantonian喺石亞當個網站力戰群雄,同班衰人筆戰交鋒,好有Guts!

卢总

你哋而家投冇用咖！

因为２１号（估计系中午左右）一封盘，每个类别嘅前十名都会全部清零，然后２４号再重新开始投过，所以你哋而家要做嘅，应该系大量注册定啲ＩＤ做弹药，到时每日狂投；同时叫多啲人同你哋一齐噉做，噉我哋就有机会胜出咖喇！

有时注册咗啲ＩＤ，自己唔得闲都可以叫人帮你手投吖嘛！

mickey

游客,同注册用户一个IP地址可以投几次?

卢总

游客同注册用户一个ＩＰ地址只可以投一次。

所以大家最好就注册定多啲ＩＤ，一转ＩＰ就记得投游客嘅票－－食得唔好嘥！

而且密食当三番，聚沙可以成塔，集腋可以成裘－－只要大家齐心，乜都做到！

大雄

一个账号，一日可以投4票
Firefox 游客1票，登陆2票, 跟住IE又可以游客1票

Yucky豕

讲咁多做乜啊?

 嗱嗱林申請N多個帳户凖備開波啦~

呢啲嘢~如果係志在必得嘅話~點呼吁都冇咩用~最好都係靠自己~

寫脚本挂機啦!~

卢总

原帖由 大雄 於 2007-12-21 09:20 PM 發表 一个账号，一日可以投4票Firefox 游客1票，登陆2票, 跟住IE又可以游客1票

有啲噉嘅树？用Ｆｉｒｅｆｏｘ可以多一票？

卢总

原帖由 Yucky豕 於 2007-12-22 01:22 AM 發表 讲咁多做乜啊?  嗱嗱林申請N多個帳户凖備開波啦~ 呢啲嘢~如果係志在必得嘅話~點呼吁都冇咩用~最好都係靠自己~ 寫脚本挂機啦!~

嗱，呢种态度就啱嘞！大家要好好学习！

咩叫做「写脚本挂机」？你唔好写投票机帮我投票啊，违规咖！

不过如果你写畀我啲对手，我又唔拘！

卢总

投票开始喇，大家去马喇！

http://5yearstar.blogcn.com/5yearstar/m/individualshow?rs=1514

唔三唔四蠢魚

呢世人至憎人地造马咖嘞！
注册个阵你地千祈唔好写自己係广东人?！
费事影衰我地。