[求助]我們仨??真有仨字!

Kathy

前排有首歌嘅歌名叫「我們仨」,起初我唔為意...以為係亂作出嚟嘅字~ 點知原來真係有呢個字... 因為再早一排有本書叫《我們仨》 著名學者錢鍾書的夫人楊絳女士最近寫了一本書，名為《我們仨》。仨，即三個人的意思，寫的是錢鍾書、楊絳和他們的女兒錢媛一家三口的生活回憶。現年九十二歲的楊絳女士本是非常傑出的文學家，寫過《幹校六記》、《洗澡》等好多本書，又翻譯過好多西方經典名著。她在《我們仨》裏，用細緻的文字寫出深刻的感情。她回憶與錢鍾書到英國牛津留學，怎樣在艱苦的環境下堅持學業，苦學有成；他們的女兒楊媛就在牛津出生，一家三口，六十年來不離不棄。無論遇到多大的時代變動和災難，都生活得積極快樂。 哈哈~~~好得意呀...呢個字~ 有無人可以講多d 呢個字俾我聽呀?? em2:

highyun

有呢个字架，不过好少人用，而且一般都唔出现喺粤语，有可能系普通话或者某个方言嘅字。“俩”都极少出现喺粤语，而经常出现喺普通话。 又例如二十喺粤语可以用廿代替，而三十都可以讲“卅”，不过好少用，有冇听过“五卅惨案”？就系指五月30号嘅一场惨案。

dada

《國語辭典》﹕ 「仨﹐北方方言。指三個，使用時不必接量詞『個』。如：『哥兒仨』﹑『他們仨人買了仨大西瓜回來，累得滿頭大汗。』」 我重以為「仨」係三人嘅意思。「倆」同「仨」重有更奇異嘅寫法。 《清．蒲松齡．聊齋俚曲集．蓬萊宴．第一回．神仙大會》﹕ 「賓客密如麻﹐東𢎏𢎏西𠫽𠫽（如果睇唔到﹐呢度係圖片）。八百席一霎安排下﹐玉桌椅彫牙﹐錦裙褥繡花。娘娘真正人家大﹐朝廷家大開玉宴﹐也沒有這樣奢華。」

Kathy

嘩~~~咁寫都得?? 總之唔該晒dada~ 增廣見聞啦我~

木頭公仔

畀滴汗距,咁写都得? 仨字係北方方言.三个.如:哥儿仨;咱们仨.音sa阴平(普通话).

desmond

普通話嘅陰平調即係1234邊個調？我對啲陰陽平上去入眞係好唔敏感……

木頭公仔

呵呵,醒你少少知识啦~ 普通话嘅音调有4种 阴平 阳平 上声 去声,分别指1 2 3 4声 声调符号标在音节的主要母音上.轻声不标.例如(ma为例) 妈 麻 马 骂 吗 阴平 阳平 上声 去声 轻声

dada

唔止你吖﹐desmond﹐我一聞陰陽平上去入嗰啲嘢就頭刺喇。

desmond

我聽到粵語嘅陰陽平上去入重頭cek3吖！cek3字點寫？重有個caau3字（解搵）點寫？

dada

我就係寫頭「刺」。粵語審音配詞字庫﹕刺﹐cek3,「刺cik3」的異讀字。 我好似未聽過個caau3字（解搵）。

desmond

乜「刺」字唔係讀 /ci3/ 咩？粵語打字法嗰度有個「觘」字，讀 /caau3/，唔知係咪就係噉寫？

highyun

回上面各位嘅问题先。 desmond：头“赤”，普通话阴平同粤语阴平嘅高平一样。 木头公仔：“汉语嘅音调有4种” 你呢句话犯咗个好严重嘅错误。你应该改成“普通话嘅音调有四种”

dada

粵語審音配詞字庫話「刺」讀﹕ ci3﹕刺目、刺史、刺字、刺耳、刺股、刺客、刺激、刺繡、芒刺在背 cik3﹕行刺 cek3﹕cik3的異讀字 我唔係好會讀呢個字﹐又唔明白「刺客」點解唔同「行刺」。不過見有「刺痛」呢個詞﹐「刺」又可以讀cek3……

木頭公仔

highyun在2005-05-24 23:55:13說道：[br]回上面各位嘅问题先。 desmond：头“赤”，普通话阴平同粤语阴平嘅高平一样。 木头公仔：“汉语嘅音调有4种” 你呢句话犯咗个好严重嘅错误。你应该改成“普通话嘅音调有四种”

其实我咁讲都系有根据嘅,拼音四调内容系出自"汉语拼音方案".(注意:不是普通话拼音方案) 如果觉得讲"汉语"唔够严谨,太泛指,我觉得"普通话"嘅讲法一样唔够严谨. 以下出自<辞海> 汉语:我国的通用语言.国际通用语言之一.现代汉语指的是以北京语音为标准音,以北方话为基础方言,以典范的现代白话文著作为语法规范的普通话. 普通话:以北京语音为标准音,以北方话为基础方言,以典范的现代白话文著作为语法规范的现代汉民族共同语.普通话不等于北方话或北京话,因为他还吸收其他方言中的成分. 可见,两者大致可以划=号.

highyun

关于普通话同汉语嘅关系，喺好多地方已经争论咗无数次。 再一次表明我嘅观点：普通话系汉语，但汉语唔系普通话。因为汉语重包括咗粤语、吴语、闽语、客家语等等。如果讲汉语同普通话两者划等号，噉其它方言系算系乜？

木頭公仔

唔好劳气,我改翻. em3: 我嘅观点同你有啲唔同.

dada

desmond在2005-05-24 20:00:33說道：[br]粵語打字法嗰度有個「觘」字，讀 /caau3/，唔知係咪就係噉寫？

《玉篇》﹕「觘﹐角上也」。〈粵語打字法〉﹕「畀隻牛觘起」。 有第個讀caau3嘅字﹕「耖」。「耖」係﹕①重新鬆土耕作﹔②一種翻鬆泥土的農具。 caau3係將收埋喺底嘅嘢搵出嚟﹐所以我覺得用個「耖」字幾啱。

itxu2k

"俩""仨"都系北方方言啦... 口语连读后部分音素缺失o既后果 比如,北京话"我们两个"『womenliangge』,讲到出口就成咗"我俩"『womlia』 "我们三个"『womensan'ge』,讲到出口就成咗"我仨"『womsa』 其实就等于白话里面讲"如果"『jyu4gwo2』好多时缺咗『o』而变成"如估"『jyu4gu2』 又或者讲"不如"『bat1jyu4』好多时缺咗『u』而变成"不而"『bat1ji4』 (好似何博士正音后,港人已经唔敢"不而"喽,呵呵)

Anl

《廣州話詞典》都係“頭刺”，不過佢有個異體字“頭赤”。