2007年12月18日 《南方都市》

鑊鑊金

                                  少咗一日

老饼专栏
　　
　　今日汤料：话说省气象部门专家透露，今年广州灰霾时间预计达到120天，近三年处在下降状态。不过另有专家称，若按国际普遍标准计算灰霾天数将多得多。

　　新闻背景：《南方都市报》2007年12月11日A38版《「珠三角中广州灰霾最轻」》
　　
　　【未经许可，本版图文不得转载】
　　
　　图：

　　按国家标准计，今年我市灰霾天数系120日，比三年前减少咗20几日。
　　
　　如果按国际标准计唔知又会点呢？

　　我谂，今年都应该比三年前少啲嘅。

　　
　　冇错，今年系365日，三年前系366日

 

http://www.nanfangdaily.com.cn/southnews/dd/dsb/B12/200712180656.asp

[ 本帖最後由 鑊鑊金 於 2007-12-18 21:57 編輯 ]

鑊鑊金

少咗一日

　　今日汤料：话说省气象部门专家透露，今年广州灰霾（天气嘅）时间预计达到120天，近三年处在下降状态。不过另有专家称，若按国际普遍标准计算灰霾天数将多得多。

　　新闻背景：《南方都市报》2007年12月11日A38版《「珠三角中广州灰霾最轻」》
　　
　　【未经许可，本版图文不得转载】

　　图：

　　按国家标准计，今年我市灰霾天数系120日，比三年前减少咗二十几日。
　　
　　如果按国际标准计唔知又会点呢？　

　　我谂，今年都应该比三年前少啲嘅。
　　
　　冇错，今年系365日，三年前系366日

 

[ 本帖最後由 鑊鑊金 於 2007-12-18 22:02 編輯 ]

鑊鑊金

过马路

街坊话事
　　
冯富华　
　　
　　张姨：何姨，你睇住呀，着咗红灯仲搏命噉过马路，好牙烟口架！

　　何姨：你拉住我做乜嘢啫，如果唔系你拉住，跟住我行，我哋经已过咗马路啦。

　　张姨：唔好怪我多嘴，究竟你识唔识过马路嘅啫？

　　何姨：读一年级嗰阵时就学过啦：过马路，左右看……

　　张姨：噉你睇住着咗红灯仲系瘟鸡舂噉行？

　　何姨：架车仲未嚟到点解唔行呗？

　　张姨：前面着咗红灯嘛。

　　何姨：冇车嚟紧，梗系要争分夺秒啦。

　　张姨：噉你又话读一年级嗰时就识得过马路嘅？

　　何姨：哦，梗系讲还讲做还做啦，讲到就做到，好辛苦口架。

　　张姨：学你噉样过马路法，一个唔觉意畀架车撞亲，仲辛苦啊！

　　何姨：边会有咁好彩口架，如果系嘅话，我去买彩票就实中啫。

　　张姨：你铺话法要戒至得啦。你有冇睇电视口架，广州市一日有几多单交通事故，有几多死伤，都系因为佢哋学你噉样有个侥幸心理啰。命系自己嘅，一世人流流长，就算有大把工夫等住做，都唔争嗰几秒钟，争得嚟如果有乜豆腐冬瓜就唔值啦。

　　何姨：你讲得都有啲道理，但系习惯咗，改唔到。

　　张姨：知道咗就要去改。几十年都过咗啦，系时候享受下人生，如果为咗过马路而享受唔到，落到去阎罗王嗰度，佢都话你唔抵争至算啦。

　　何姨：噉又系，我改，一定改。

鑊鑊金

过马路

街坊话事
　　
冯富华　
　　
　　张姨：何姨，你睇住啊，着咗红灯重搏命噉过马路，好牙烟 ?  ！

　　何姨：你拉住我做乜嘢啫，如果唔系你拉住，跟住我行，我哋经已过咗马路喇。

　　张姨：唔好怪我多嘴，究竟你识唔识过马路嘅啫？

　　何姨：读一年级嗰阵时就学过啦：过马路，左右望/睇……

　　张姨：噉你睇住着咗红灯重系瘟鸡舂噉行？（「舂」正字应该唔係呢个不过网页显示唔到）

　　何姨：架车重未嚟到点解唔行呢？

　　张姨：前面着咗红灯嘛。

　　何姨：冇车嚟紧，梗系要争分夺秒啦。

　　张姨：噉你又话读一年级嗰时就识得过马路嘅？

　　何姨：哦，梗系讲还讲做还做啦，讲到就做到，好辛苦 ?   。

　　张姨：学你噉样过马路法，一个唔觉意畀架车撞亲，重辛苦啊！

　　何姨：边会有咁好彩 ?  ，如果系嘅话，我去买彩票就实中啫。

　　张姨：你铺话法要戒至得喇。你有冇睇电视 ?  ，广州市一日有几多单交通事故，有几多死伤，都系因为佢哋学你噉样有个侥幸心理啰。命系自己嘅，一世人流流长，就算有大把工夫等住做，都唔争嗰几秒钟，争得嚟如果有乜冬瓜豆腐就唔值啦。

　　何姨：你讲得都有啲道理，但系习惯咗，改唔到。

　　张姨：知道咗就要去改。几十年都过咗啦，系时候享受下人生，如果为咗过马路而享受唔到，落到去阎罗王嗰度，佢都话你唔抵争至算啦。

　　何姨：噉又系，我改，一定改。
http://www.nanfangdaily.com.cn/southnews/dd/dsb/B12/200712180653.asp

[ 本帖最後由 鑊鑊金 於 2007-12-18 22:13 編輯 ]

鑊鑊金

 搞Gay&搞Gag

粤讲粤俗
何颖珊专栏

　　L同学是个自由职业者，一天他说要去杭州出差。我故意取笑他：「讲笑咩？你出差？你都冇正当职业。」他解释：「口译啊。」我答：「呢个叫生意唔系出差。」他说：「出差嘅定义就系到外地工作，短期到外地工作。」我倒觉得出差的意思更倾向于公差，「差」字有「被派遣去做的事」，又包含了「公务、职务」之意，词典解释「出差」是「暂时到外地办理公事」，所以如果是自己的工作，用「出差」就觉得怪。我建议他学香港人说的「出Trip」。

　　形容人说一种语言不准、不地道，夹带着乡音或者是别的语言，广州话叫「唔咸唔淡」。如果说话以夹带着别的语言为「唔咸唔淡」的标准，那么「香港话」当中就有很多唔咸唔淡的广州话／英文。

　　「出Trip」是一个，虽然很多时候也用来指出差。但因为「出Trip」没有明确指明是Business　trip，所以普通出门也可以叫「出Trip」。

　　搞Gay可能是最为常见的中英夹带的香港话。同性恋的单词本来是Homosexual，但这个词一直被认为不雅，所以急需另一个词指代同一意思。大约在1953年前后，美国用Gay这个表示「快乐的，爽朗的，轻快的，优雅的」词表示同性恋。传到香港后，指搞同性恋的行为被叫做「搞Gay」。

　　Camp本身是野营、营地、兵营的意思，也表示阵营，指拥护某一主义的人们。所以有一阵子香港将「扮有型、扮有文化」叫做Camp。又因为Camp本身有同性恋的意思，所以后来形容娘娘腔的男孩子为「Camp　camp哋」，就是以前常说的「乸型」(这个程度更甚)。

　　「搞Gag」的使用率也很高。Gag原义是塞口物，引申为言论钳制，也有插科打诨、开玩笑之意。这个词在香港的广泛使用始于许冠文的《双星报喜》，这个笑话节目被称为「Gag　show」。后来就引申出很多：如「Gag位」(搞笑的地方)，「度Gag」(设计搞笑的法子)、「搞Gag」(搞笑)。

[ 本帖最後由 鑊鑊金 於 2007-12-18 22:27 編輯 ]

鑊鑊金

广州播客第202期

同声同气

阿展专栏
　　
　　1.喂，啲纸皮仲要口架！(喂，着纸皮还要的。)

　　——晓港，一个水果档的老板娘眼疾手快地一把从「大袋婆」(拾荒者)手中抢回一个纸皮箱。

　　2.你讲我就信口架嗱？你估我今日先识你咩？系咪当我傻口架？(你说的我就信吗？你以为我今天才认识你吗？当我白痴呀？)

　　——公园前地铁站，一个师奶在手扶电梯上回电话。

　　3.放心啦，佢份人做乜嘢都系「络住屎忽吊颈」，好稳阵嘅。(放心吧，他干什么都是套着屁股才上吊，很稳妥的。)

　　——酒楼里，一个食客对他的朋友这样说。

　　4.甲：「捞妹」身材好，学历高，皮肤白净，「坨地」好蚀底，冇得挥。(外省妹身材好，学历高，皮肤白净，本地妹占不到便宜，无法比。)

　　乙：唔系咁讲呀，「捞妹」唔识讲广州话啵。(话不能这样说，外省妹不会讲广州话。)

　　——几个靓仔在麦当劳对女仔评头论足。
　　
http://www.nanfangdaily.com.cn/southnews/dd/dsb/B12/200712180649.asp

鑊鑊金

广州播客第202期

同声同气

阿展专栏
　　
　　1.喂，啲纸皮重要 ?  ！(喂，着纸皮还要的。)

　　——晓港，一个水果档的老板娘眼疾手快地一把从「大袋婆」(拾荒者)手中抢回一个纸皮箱。

　　2.你讲我就信 ?   嗱？你估我今日先识你咩？系咪当我傻 ?  ？(你说的我就信吗？你以为我今天才认识你吗？当我白痴呀？)

　　——公园前地铁站，一个师奶在手扶电梯上回电话。

　　3.放心啦，佢份人做乜嘢都系「络住屎窟吊颈」，好稳阵嘅。(放心吧，他干什么都是套着屁股才上吊，很稳妥的。) （「络」系咩嘢意思？）

　　——酒楼里，一个食客对他的朋友这样说。

　　4.甲：「捞妹」身材好，学历高，皮肤白净，「坨地」好蚀底，冇得挥。(外省妹身材好，学历高，皮肤白净，本地妹占不到便宜，无法比。)（有用「坨地」形容本地嘅女仔？坨地费就听过！）

　　乙：唔系噉讲啊，「捞妹」唔识讲广州话噃。(话不能这样说，外省妹不会讲广州话。)

　　——几个靓仔喺麦当劳对女仔评头论足。

 

鑊鑊金

                          7·27　不知而作之

栋笃论语·述而第七
子野专栏
　　
　　【原文】子曰：「盖有不知而作之者，我无是也。多闻，择其善者而从之。多见而识之，知之次也。」

　　【译文】孔子话：「世上大概有无知但够胆生造嘅人，我唔系噉嘅。平时听多啲，拣啲正确嘅嘢跟住去做；睇多啲，而且要记实，噉就系‘知’嘅顺序、过程喇。」

　　【栋笃】其实喺7·19里面，孔Sir就声明咗：「我非生而知之者，好古，敏以求之者也。」佢唔系天生就识嘢嘅人，系后天「敏而求之」得到广博嘅知识口架。喺度，孔Sir再次声明，佢唔系「不知而作之者」。佢嘅知识，嚟自「多闻，多见」。

　　所谓「不知而作之者」，就系嗰啲「识少少，扮代表」嘅人喇。旧年5月4日嗰晚，喺央视嘅「青歌赛」上边，做评委嘅「文化大师」余秋雨，点评歌手表现嘅时候，将孔Sir嗰句「知者乐水，仁者乐山」(6·23)入边嘅「乐」字(朱熹《论语集注》注「五教反」，普通话系yào，白话ngaau6，咬6，喜欢噉解)，读成咗lè。节目啱啱播出，央视即刻就接到好多观众嘅来电，指出余大师嘅误读。但系，余大师回应呢件事嘅时候，就坚持自己冇错，因为「乐yào」系古音，佢话：「语言应该根据人们生活的实际发展来寻找它的支撑点，要用活的语言、通用的语言来激活传统语言。」但系，观众又指出，余大师读成语「杯水车薪」嘅时候，又将嗰个「车」读成古音jū，而唔系依家通用嘅「chē」。睇嚟，大师毕竟系大师，「古今通活」，同一个场合，一字古一字今，完全由得佢把口噏。

　　我哋啲升斗小民，点同大师比？所以，我哋喺求知嘅过程当中，就要「多闻，择其善而从之」。就好似孔Sir呢句说话最后嘅「知之次也」，有人翻译成「这是次一等的认知」，我对比咗好耐，仲系觉得李泽厚先生翻译嘅「这就是知的次序、过程」比较合理啲，所以就攞嚟用喇。呢种态度，点啊：)

 

http://www.nanfangdaily.com.cn/southnews/dd/dsb/B12/200712180648.asp

鑊鑊金

                          7·27　不知而作之

栋笃论语·述而第七
子野专栏
　　
　　【原文】子曰：「盖有不知而作之者，我无是也。多闻，择其善者而从之。多见而识之，知之次也。」

　　【译文】孔子话：「世上大概有无知但够胆生造嘅人，我唔系噉嘅。平时听多啲，拣啲正确嘅嘢跟住去做；睇多啲，而且要记实，噉就系‘知’嘅顺序、过程喇。」

　　【栋笃】其实喺7·19里面，孔Sir就声明咗：「我非生而知之者，好古，敏以求之者也。」佢唔系天生就识嘢嘅人，系后天「敏而求之」得到广博嘅知识 ?  。喺度，孔Sir再次声明，佢唔系「不知而作之者」。佢嘅知识，嚟自「多闻，多见」。

　　所谓「不知而作之者」，就系嗰啲「识少少，扮代表」嘅人喇。旧年5月4日嗰晚，喺央视嘅「青歌赛」上边，做评委嘅「文化大师」余秋雨，点评歌手表现嘅时候，将孔Sir嗰句「知者乐水，仁者乐山」(6·23)入边嘅「乐」字(朱熹《论语集注》注「五教反」，普通话系yào，白话ngaau6，咬6，喜欢噉解)，读成咗lè。节目啱啱播出，央视即刻就接到好多观众嘅来电，指出余大师嘅误读。但系，余大师回应呢件事嘅时候，就坚持自己冇错，因为「乐yào」系古音，佢话：「语言应该根据人们生活的实际发展来寻找它的支撑点，要用活的语言、通用的语言来激活传统语言。」但系，观众又指出，余大师读成语「杯水车薪」嘅时候，又将嗰个「车」读成古音jū，而唔系依家通用嘅「chē」。睇嚟，大师毕竟系大师，「古今通活」，同一个场合，一字古一字今，完全由得佢把口噏。

　　我哋啲升斗小民，点同大师比？所以，我哋喺求知嘅过程当中，就要「多闻，择其善而从之」。就好似孔Sir呢句说话最后嘅「知之次也」，有人翻译成「这是次一等的认知」，我对比咗好耐，重系觉得李泽厚先生翻译嘅「这就是知的次序、过程」比较合理啲，所以就攞嚟用喇。呢种态度，点啊：)

 

http://www.nanfangdaily.com.cn/southnews/dd/dsb/B12/200712180648.asp

鑊鑊金

粤讲粤白　
Ungoo　Chan
　　
　　1.牙死不能复生吖，牙牙相报何时了呢？①

　　2.我话你听，一个人唔好咁好功夫，你越好功夫呢就越咸湿。

　　3.一睇我哋就系苦命鸳鸯一双双。

　　4.有人睇到就黄飞鸿，冇人睇到就一条虫。

　　5.我啲噉嘅底，正所谓冇人冇物冇山头，唔好话做英雄，做灰熊都唔得啦。

　　6.鬼脚七用只脚嚟谂嘢嘅②，弊在佢只脚系跛个噃。

　　7.做阿妈已经难，做老举③阿妈更加难，我觉得你应该好好孝顺你阿妈至啱。

　　8.唔好爱上一个做大事嘅人。

　　9.切忌喺啲细嘅面前失威，你啱啱敷少少药嗌到好似女人生仔噉，你话几丢架。

　　10.你冇防范意识嘅，随便就走出街畀人劈，劈到好似猪肉噉，你不如去猪肉档做猪肉啦！

　　11.我咁辛苦捉你哋返嚟放咗你哋，我不如食饱饭去扣喉吖。

　　12.你够胆嚟我铺头点灯，我就响你门口点火。

　　注解：①配合剧中哨牙妹形象，巧改自「冤冤相报何时了」。

　　②话人冇脑，通常可以话人用××谂嘢，××可以指人体嘅其它器官，例如pet　pet、肚，等。

　　③「老举」唔系「老举人」，而系妓女，慎用！

 

http://www.nanfangdaily.com.cn/southnews/dd/dsb/B12/200712180654.asp

[ 本帖最後由 鑊鑊金 於 2007-12-18 22:53 編輯 ]

鑊鑊金

粤讲粤白　
Ungoo　Chan
　　
　　1.牙死不能复生啊，牙牙相报何时了呢？①

　　2.我话你听，一个人唔好咁好功夫，你越好功夫呢就越咸湿。

　　3.一睇我哋就系苦命鸳鸯一双双。

　　4.有人睇到就黄飞鸿，冇人睇到就一条虫。

　　5.我啲噉嘅底，正所谓冇人冇物冇山头，唔好话做英雄，做灰熊都唔得啦。

　　6.鬼脚七用只脚嚟谂嘢嘅②，弊在佢只脚系跛个噃。

　　7.做阿妈已经难，做老举③阿妈更加难，我觉得你应该好好孝顺你阿妈至啱。

　　8.唔好爱上一个做大事嘅人。

　　9.切忌喺啲细嘅面前失威，你啱啱敷少少药嗌到好似女人生仔噉，你话几丢架。

　　10.你冇防范意识嘅，随便就走出街畀人劈，劈到好似猪肉噉，你不如去猪肉档做猪肉啦！

　　11.我咁辛苦捉你哋返嚟放咗你哋，我不如食饱饭去扣喉吖（用啊可能會好啲）。

　　12.你够胆嚟我铺头点灯，我就响你门口点火。睄

　　注解：①配合剧中哨牙妹形象，巧改自「冤冤相报何时了」。

　　②话人冇脑，通常可以话人用××谂嘢，××可以指人体嘅其它器官，例如pet　pet、肚，等。

　　③「老举」唔系「老举人」，而系妓女，慎用！

 

http://www.nanfangdaily.com.cn/southnews/dd/dsb/B12/200712180654.asp

余OK

　　再接再厲，粵語協會又多咗一位新正字大使，可喜。

UngooChan

原帖由 鑊鑊金 於 2007-12-18 22:58 發表 粤讲粤白　Ungoo　Chan　　　　1.牙死不能复生啊，牙牙相报何时了呢？①　　2.我话你听，一个人唔好咁好功夫，你越好功夫呢就越咸湿。　　3.一睇我哋就系苦命鸳鸯一双双。　　4.有人睇到就黄飞鸿，冇人睇到就一条虫。　　5.我 ...

扣喉吖（用啊可能會好啲）。

 

歡迎加入正字行列！

不過我係睇住齣戲逐句寫出嚟嘅，原聲係aa1（吖），唔係aa3（啊）。

 

 

 

鑊鑊金

原帖由 ungoo 於 2007-12-18 23:33 發表   歡迎加入正字行列！不過我係睇住齣戲逐句寫出嚟嘅，原聲係aa1（吖），唔係aa3（啊）。      

 

多謝大家嘅支持！有邊啲唔啱嘅可以講出嚟大家學習下！

我唔敢包冇改錯或改漏嘅地方！

 

重有我雖然睇過呢齣戲，不過當時唔係好覺，不過從字面上睇用「啊」可能好啲啲 。

哈哈

 

 

余OK

原帖由 鑊鑊金 於 2007-12-19 00:01 發表   多謝大家嘅支持！有邊啲唔啱嘅可以講出嚟大家學習下！我唔敢包冇改錯或改漏嘅地方！   重有我雖然睇過呢齣戲，不過當時唔係好覺，不過從字面上睇用「啊」可能好啲啲 。哈哈     ...

　　啊呀吖三者各有分別，以粵音區分，此處當然係「吖」為正，就算未睇過齣戲都判斷到。