學咗日文先發覺中文文字駕馭能力好差

Lucciora

近牌幫朋友翻譯日文文章，點知畀朋友話我翻譯出嚟嘅文章用詞太市井，少咗啲文藝嘅感覺，然後我朋友順手執吓啲字眼，卽時就文縐縐，更重要嘅係，佢用嘅啲詞彙我全部都識嘅，而且重用啲粵語專有嘅成語「大安旨意」「挑通眼眉」「勢兇夾狼」，真係睇就識睇用就唔識用

 

 

頓時orz

[ 本帖最後由 Lucciora 於 2007-12-18 05:39 編輯 ]

광동민국

吾亦有同感, 如余OK講:熟識外文同曉翻譯的確係兩碼事.

余OK

　　翻譯比精通譯入語或譯出語難起碼double，學多幾門外文就會發現自己嘅中文諸多問題，邏輯唔通、歐化式語句、欠缺神韻等現象屢見不鮮。又譬如，中文雖然冇敬語，但傳統見面稱呼、寫信抬頭好講尊卑輩分，其實同敬語有好多相通之處（甚至懷疑日韓嘅敬語模式源自古代中國），呢啲現今喺大陸通通冇晒，正如陶生成日話，想領略中國傳統文化，去日韓朝聖啦。

Yuok

　　貼埋兩個版本嘅譯文去外語版同大家分享吓吖嘛，有對比、互相借鏡先有進步。

卢总

原帖由 Lucciora 於 2007-12-18 05:17 AM 發表

近牌幫朋友翻譯日文文章，點知畀朋友話我翻譯出嚟嘅文章用詞太市井，少咗啲文藝嘅感覺，然後我朋友順手執吓啲字眼，卽時就文縐縐，更重要嘅係，佢用嘅啲詞彙我全部都識嘅，而且重用啲粵語專有嘅成語「大安旨意」「挑通眼眉」「勢兇夾狼」，真係睇就識睇用就唔識用

 

 

頓時orz

你成日群埋啲人ｏｒｚ，有乜办法唔用词市井先得嘎？

讲真，我都未见过你正正经经、认认真真噉写过嘢，真系唔知你啲水平点样！

外外星人

原帖由 Lucciora 於 2007-12-18 05:17 發表 近牌幫朋友翻譯日文文章，點知畀朋友話我翻譯出嚟嘅文章用詞太市井，少咗啲文藝嘅感覺，然後我朋友順手執吓啲字眼，卽時就文縐縐，更重要嘅係，佢用嘅啲詞彙我全部都識嘅，而且重用啲粵語專有嘅成語「大安旨意」「挑通眼眉」「勢兇 ...

 

 

我UNCLE话斋：学外语要先识母语，而且要学得好、学得通顺，噉至可以学好外语咖。

你都几及时，咁快就知道自己欠缺啲乜嘢，趁后生，读多啲书，睇多啲人哋写嘅文章啦，重要十目一行噉睇，理解透先好呀！

Ken仔

唉..譯成語我就弊喇

粵嚟粵掂

用詞市井：用正面啲嘅描述就叫做通俗易懂，貼近生活。

 

文縐縐：講真，其實呢個詞有相當嘅貶義，再刻薄啲踩下，就係猛掉書包，迂腐酸縮。

 

奉勸嗰啲一味追求「傳統」嘅友，妳而家寫緊嘅文體都係冇幾多傳統咖咋，現代撈文有八十年歷史，而當代漢字粵文最多三十年，妳哋想要「傳統」，最好就係重溫返朱明滿清時代嘅八股文，又或者係啲乜書物經之類，包保妳夠晒「古老石山」！

 

 

sokyantat

係啊，我等個翻譯老師做英文譯中文個陣時，次次要請教我等個「北京同學」，重話畀我等知，翻譯出來D作品定要用北方語言，下個學期重有渠個「文學翻譯」堂，真係打我落十八層地獄好過。

광동민국

原帖由 sokyantat 於 2008-1-19 10:47 發表 係啊，我等個翻譯老師做英文譯中文個陣時，次次要請教我等個「北京同學」，重話畀我等知，翻譯出來D作品定要用北方語言，下個學期重有渠個「文學翻譯」堂，真係打我落十八層地獄好過。 ...

 

閣下不妨詐唔知趁機玩吓個 " 佬Ｂ" 英文老鼠,問吓呢句 "ＦＵＣＫＩＮＧ　ＭＡＤＡＲＩＮ」點解?

 

不過可能佢會當堂暴跳如雷,心臟病發都似!

 

 

sokyantat

原帖由 광동민국 於 2008-1-19 11:11 發表   閣下不妨詐唔知趁機玩吓個 " 佬Ｂ" 英文老鼠,問吓呢句 "ＦＵＣＫＩＮＧ　ＭＡＤＡＲＩＮ」點解?   不過可能佢會當堂暴跳如雷,心臟病發都似!     ...

 

如此做法，不係渠心臟病發死，而係渠必定整死我，先不同渠鬥氣，以後有機會討伐渠！

sokyantat

渠係隻死河南佬，講梗英語就好似講梗河南D犬話，我等班全係廣東學生，畀渠隻如此欺，真係幾不甘心！

532847289

的确同贴主有此同感