|
我嚟試吓身手
解題：「武曌」(「曌」同「照」字)，就是武則天，原本是唐太宗的妃子，太宗死後做了「感業寺」的尼姑，太子繼位，後世稱為「唐高宗」，偶遇武則天，驚為天人。
其時高宗王皇后與蕭淑妃爭寵，王皇后乃促使高宗納武則天為妃，以為己方的本錢。孰知武則天心腸狠毒，得寵後陷害王皇后與蕭淑妃慘死。高宗死後，太子登位為中宗，武則天垂簾聽政，卒之廢帝自立為女皇，改「唐」為「大周」。
徐敬業為太宗朝功臣之後，短時間內聚兵十餘萬，討伐武則天，並請文學界「初唐四傑」之一的駱賓王起草「討武曌檄」，條述起兵的緣由，呼籲各地支持。
「檄」(粵音「核」，普通話是唸 " xi ")是古代文體的一種。此文雖短，但是文氣充沛，句句（字字）珠璣，結構嚴密，不愧為大文豪的作品。傳說武則天看到這文章這樣數臭自己，不但沒有發怒，還大表欣賞，問「有這麼好的人才，為甚麼為宰相以前不羅致來為國家服務？」可見武則天也是一個不簡單的君主。
好似冇 句句珠璣呢個成語？
以下是用廣東話翻譯的「討武曌檄」搞笑版
偽臨朝武氏者，性非和順，地實寒微。
姓武呢件咁（噉）嘅冒牌皇帝，講到品性已經係衰過人，出身又唔好。
昔充太宗下陳，曾以更衣入侍。洎乎晚節，穢亂春宮。
舊時不過(係)做太宗皇帝個近身婢女，服侍皇上着下衫咁（噉），後來居然同太子有「依邑」(咿挹？/咿唈？)。
潛隱先帝之私，陰圖後房之嬖。
太宗原本將佢擺埋一便o架（?）啦（嘞），點知佢姣婆唔守得寡，特登勾引太子，想再入宮做妃嬪。
入門見嫉，娥眉不肯讓人；掩袖工讒，狐媚偏能惑主。
入咗宮之後，爭風呷醋，搞風搞雨；出埋啲屎橋嚟害人，扮晒性感迷惑皇上。
踐元后於翬翟，陷吾君於聚麀。加以虺蜴為心，豺狼成性。
害死皇后，聽自己坐正，搞到皇上子母亂倫。佢正一係毒如蛇蠍、兇似豺狼嘅衰婆呀。
近狎邪僻，殘害忠良；殺姊屠兄，弒君鴆母。
佢群埋成班衰人，專門殘害好人；佢殺自己個大佬同大姐 ，殺皇上同毒死皇后。
人神之所同嫉，天地之所不容。猶復包藏禍心，窺竊神器。
真係人神共憤、天地不容。佢仲（重）立壞心場，想做皇帝。
君之愛子，幽之於別宮；賊之宗盟，委之以重任。
皇上個仔，俾（畀）佢囚禁；個（嗰）班奸人，佢就委以重任。
嗚呼！霍子孟之不作，朱虛侯之已亡。燕啄皇孫，知漢祚之將盡；龍漦帝后，識夏庭之遽衰。
死啦！好似漢朝嘅霍光、劉章咁忠誠嘅人，而家搵件嚟睇下都咁難。好似前朝有啲（嘅）趙飛燕、褒姒啲咁（噉）嘅衰女人，國家幾難唔PK咯！
敬業皇唐舊臣，公侯冢子。奉先帝之成業，荷本朝之厚恩。
我哋大佬阿敬業哥，係功臣個仔；以前太宗皇帝，同而家嘅朝廷，都好睇重佢。
宋微子之興悲，良有以也；袁君山之流涕，豈徒然哉！
古代忠臣宋微子、袁君山，國家有難（嗰）時，都喊得一句句。
是用氣憤風雲，志安社稷，因天下之失望，順宇內之推心。
而家我地（哋）大佬扯晒火，要安定番（返）個國家；因為全世界好唔順，大佬都係體察民情做嘢啫。
爰舉義旗，以清妖孽。南連百越，北盡三河；鐵騎成群，玉軸相接。
我地（哋）舉起支義旗，實行一嘢打殘佢地（哋）。家陣聲勢已經好勁，由南至北，個個都撐我地（哋），非常疊友，戰車又多。
海陵紅粟，倉儲之積靡窮；江浦黃旗，匡復之功何遠！
軍糧充足，要幾多有幾多 。一郁（喐）呀（吖），聲勢真係唔講得笑，要搞掂話咁易！
班聲動而北風起，劍氣衝而南斗平。喑嗚則山嶽崩頹，叱吒則風雲變色。
戰車一開，聲勢利害。人人邋（擸）架生（罉）嗰時，日月無光。怒氣一發地動山搖，人人叫一聲都會風雲變色。（加個「嗰」字會順啲）
以此制敵，何敵不摧？以此圖功，何功不克？
噉嚟同佢地砌，邊個夠我哋嚟。我哋咁（噉）嘅Quali，win硬啦！
公等或居漢地，或協周親，或膺重寄於話言，或受顧命於宣室。言猶在耳，忠豈忘心！
你哋各位，有啲係唐朝宗室，有啲係領朝廷命既（嘅）大臣。以前皇上講嘅嘢言猶在耳，仲（重）記得好清楚呱（啩）！
一抔之土未乾，六尺之孤何託？
高宗皇帝死咗無耐，太子登位之後危危乎，要靠晒各位去扶助o架（?）。
倘能轉禍為福，送往事居，共立勤王之勳，無廢大君之命，凡諸爵賞，同指山河。
如果大家能夠扭轉乾坤，記住先帝對我哋幾（嘅）好，迎立佢啲子孫做番（返）皇帝，事成之日，又點會虧待你哋吖？到時大把着數啦。
若其眷戀窮城，徘徊歧路，坐昧先幾之兆，必貽後至之誅。
如果你地（哋）唔識時務，叫極你都唔支持我哋嘅話，咁（噉）就坐失良機，因住到時我地（哋）同你做忌。
請看今日之域中，竟是誰家之天下！
睇吓你就知，而家個世界邊個最掂吖！
[ 本帖最後由 鑊鑊金 於 2007-12-17 12:20 編輯 ] | 
發表於 2007-12-16 15:00:23
src="http://bbs.cantonese.asia/images/smilies/default/shocked.gif" border=0 smilieid="6">ffice" />ffice