[转贴]鬼马广州话-highyun移-

木頭公仔

有啲我都唔明,有啲甚至未听过~~~ 鬼马广州话 ============================================== 人之初　－　口多多(童言无忌，口不择言。) 笑骑骑　－　放毒蛇(笑里藏刀。) 舞照跳　－　鸡照叫(冇事发生，冇改变到。) 知少少　－　扮代表(贪功认叻。) 冇几耐　－　扮大袋(大袋是香港的粗俗语，意谓大人物；此句是沙尘嚣张咁解。) 牙斩斩　－　死得惨(祸从口出。) 眼眨眨　－　扮花旦(虽无过犯，面目可憎之辈。) 声大大　－　冇货卖(言过其实。) 眼大大　－　易学坏(青春少艾，容易误入歧途。) 周身郁　－　扮忙碌(郁者，动也；讲多过做。) 眼湿湿　－　扮忧郁(猫哭老鼠。) 嘴藐藐　－　打得少(口花花，撩是斗非。) 静鸡鸡　－　认低威(衰咗畀人；低，认错。) 有早知　－　冇乞儿(世事难料。) 晨早知　－　中三t(三t，香港最多奖金的赛马彩池。) 担凳仔　－　霸头位(惊死执输。) 一张票　－　睇到笑(香港三级色情电影戏院买一张票可以整天任看。) 好好好　－　睇唔到(敷衍了事。) 绕埋手　－　晨早走(练精学懒。) 有得震　－　冇得瞓(大祸临头。震，颤抖。) 搞搞震　－　冇帮衬(搞事破坏份子。) 侧侧膊　－　唔多觉(得过且过，求求其其。) 搏大雾　－　唔使做(使读作洗；混水摸鱼。) 包二奶　－　实听拉(香港人回大陆偷情十分危险。听，等) 噍多件　－　攞嚟贱(自己攞衰。) 有姿势　－　冇实际(虚有其表。) 有交易　－　靠实力(不靠偏门左道。) 七八九　－　饮到呕(「七八九」是卡拉ok夜店的猜枚游戏。) 硬骨头　－　食地球(「地球」指中国六、七十年代生产的地球牌香烟。) 手头紧　－　搵真银(勤力搵钱。) 乌啄啄　－　任人将(做人糊涂，容易被人骗。) 淡淡定　－　有钱剩(凡事处变不惊；剩，音「静」。) 失失慌　－　害街坊(小不忍则乱大谋。) 拿拿林　－　上琼林(琼林是香港一间著名夜总会。) 口旱旱　－　食咳糖(口水都无滴。) 有得赌　－　精神好(烂赌之辈。) 三缺一　－　惨过乞(麻雀术语。) 胜胜振　－　食夹根(忙中有错。) 时运高　－　搏番铺(掌握时机。) 烟kj 　 －　揿住搦(话事啤术语，赢面甚高。) 二仔底　－　冇得睇(「沙蟹」术语，输多赢少。) 随口嗡　－　当秘笈(语不惊人誓不休。) 招乜积　－　中围骰(高傲而好运。) 赢粒糖　－　输间厂(十赌九输。) 赢把遮　－　输架车(前句另一个版本。) 面懵懵　－　做老冯(老冯，意谓奉旨也。) 细细兜　－　容易媾(初出茅庐少女，容易被骗，追求异性也。) 女人心　－　海底针(女人善变。) 无端端　－　箫吹鬈(莫名其妙。) 十八楼　－　自己友(街坊街里，守望相助。) 有窦口　－　早啲抖(安得广厦千万间。) 读书少　－　畀人藐(学识低者，会被人看不起。) 面撞面　－　好面善(似曾相识。) 头[岳頁][岳頁] －　四围度(无聊发闷。) 烂挞挞　－　唔负责(无耻之徒。) 冇晒计　－　发long嚟(意思不按常理做事，全句是赶狗入穷巷也。) 咖喱啡　－　扮阿姐(泥充石斑。) 频频扑　－　冇联络(贵人善忘。) 姿姿整　－　有环境(露出马脚。) 咁人齐　－　等发围(同心协力。) 趁佢病　－　攞佢命(赶尽杀绝。) 出嚟威　－　识抢咪(要懂得争取机会。) 唔想衰　－　埋大堆(围结就是力量。) 有异性　－　无人性(见色忘义。) 有杀错　－　冇放过(宁枉莫纵。) 有胸毛　－　出嚟蒲(恶人形象。) 听唔明　－　扮纯情(装模作样。) 懒癡缠　－　博可怜(做戏咁做。) 大笪地　－　食自己(大笪地，香港平民夜总会，摆档者都是自食其力之人。) 做臭四　－　冇地企(臭四，对不住朋友之徒，必无好下场。地，读“订”音) 眼光光　－　等天光(失眠，满怀心事。) 奀奀脚　－　等人约(无所事事。) 断乜估　－　冇痛苦(难得糊涂。) 撚雀笼　－　迟早穷(败家的形象。) 人工高　－　冇秘捞(秘捞，秘密地去做兼职也。) 唔够班　－　执二摊(未够斤两。) 跟老顶　－　有得醒(老顶，大哥大之辈；醒，有好处是也。) 着草鞋　－　有排捱(着草，是黑语，即走路、避难之意。) 走得快　－　好世界(童年时顺口溜。) 走得[口摩]　－　冇鼻哥(走得慢者，没好下场。) 你老窦　－　大水牛(童年时骂人的顺口溜。) 你老母　－　大风炉(也是童年时的骂人顺口溜。) 大肚dum －　冇良心(童年时顺口溜。) 大恰细　－　俾屎喂(以大欺小，读「虾」音。) 有background　－　冇困难(background，人事背景也。) 有quali －　大餐史(quality指资历声望；餐史，英文字chance，机会。) numberone －　有纹身(numberone，大哥大之辈。) 揸fit人 －　有疤痕(揸fit，黑语，高级领导人。) 密响call－　冇甩拖(将勤补拙。) 手指指　－　扮fan屎(扮熟络状，fan屎，超级歌迷影迷。) 十十吓　－　拉头马(十十吓，「十」即「霎」，香港人极为抵死之用语。意指一个人「霎」吓「霎」吓，表示一个人浑浑噩噩，此句意，傻人有傻福，糊里糊涂，无端端发财。) 中间界　－　骑喱怪(中间界指中间分界的发型，骑喱怪，正字是「骑籬蝈」，意为形象标奇立异古怪出位之人。骑籬，是伏在籬笆上的意思；蝈，是一种墨绿色的蛙类动物。) 唔够皮　－　无面畀(皮，即「皮费」，经营开支洗费。唔够钱用时，甚么人也不卖帐。) 二三线　－　好难变(二三线指不是主角的次级货色。此句语是不好的东西很难会变好的。) 系咁易　－　戴捞屎(表示嚣张，捞屎，劳力士金表也。) 冇啦啦　－　整笪疤(「疤」读「啦」音。) 白白净　－　冇性病(称赞女孩子的美言。) 人吓人　－　好易晕(广东俗语云：人吓人无药医。意思谓畀人吓惨过畀鬼吓。) 稳稳阵　－　做半份(安全第一，办事不要博得尽。) 手头紧　－　卖白粉(狗急跳墙，不择手段，不理后果。) 吹吹水　－　唔抹嘴(吹水，口沫横飞，爱吹牛皮。) 趁你病　－　挞你订(挞订，是地产买卖术语，放弃交易之意，全句解乘人之危落井下石。) 唔用脑　－　等运到(批评那些靠好彩不靠辛勤努力之辈。) 癫癫地　－　唔识死(不知天高地厚。) 赚快钱　－　炒孖展(孖展，高风险的投资方法，如同赌博，可以发大达，又可倾家荡产。) 买蓝筹　－　唔驶愁(蓝筹，高质素股票。) 过大海　－　博好彩(大海，指澳门，香港人假期喜欢到澳门赌场搏杀。) 口水多　－　无尿屙(指喜欢发表伟论的人，香港俗语有云：口水多过茶。口水多到连尿也没有，厉害可想而知。) 四围酒　－　斗叠友(叠友，墨帮背语。指人强马壮。) 当我流　－　抛浪头(流，即假，非真材实料，抛浪头即靠吹牛皮，靠吓。) 出嚟混　－　无责任(指吊儿郎噹，不负责任之人。) 卖大包　－　任人抄(不计较得失。) 日本船　－　迟早完(「丸」日文解「号」，故此日本轮船多写上「××丸」，「完」是「丸」的谐音。)

highyun

好贴！提上精华，部分出现错字，我哋会交畀专家慢慢修改。 本文准备转过粤语文摘版

desmond

highyun在2005-05-22 23:55:25說道：[br]好贴！提上精华，部分出现错字，我哋会交畀专家慢慢修改。 本文准备转过粤语文摘版

專家啱啱cut咗internet，成個月都好難搵到佢幫手啦！點算？

highyun

噉咪等另一位专家出马啰 em7:

有谁共鸣

经典！

dada

講明先﹐我唔係專家﹗ 改幾個字先﹕ 0訓→瞓 囉→攞 早0的抖→早啲唞 頭0岳0岳→頭𩓥𩓥[岳頁] 無面俾→無面畀 走得摩﹕《廣州話方言詞典》寫[口摩]﹐不過我查唔到呢個字。

highyun

dada在2005-06-03 03:18:29說道：[br]講明先﹐我唔係專家﹗ 改幾個字先﹕ 0訓→瞓 囉→攞 早0的抖→早啲唞 頭0岳0岳→頭𩓥𩓥[岳頁] 無面俾→無面畀 走得摩﹕《廣州話方言詞典》寫[口摩]﹐不過我查唔到呢個字。

多谢dada哥正字。 个“摩”字，我觉得系“摸”，以前话人手脚慢，系呢度“摸”吓，嗰度“摸”吓，拖拖拉拉。有个词系“mimi摸摸”，都系形容拖拉

木頭公仔

好,我改改先,多谢大家支持! em12:

desmond

執好啲別字之後，可以登上去粵語文摘度。

木頭公仔

已修改好，专家们睇睇有冇错。

dada

煙kj　 －　撳住搦﹕個「搦」字點解﹖會唔會係「溺」（小便）﹖＾＿＾ 冇訂企﹕粵語審音配詞字庫同http://www.unicode.org/cgi-bin/g ... =5730&useutf8=false都話「地」嘅粵音係dei6 deng6 。

木頭公仔

「搦」就係攞住,攞走咁解,句话係"赢面好大"嘅意思,赢到「搦」晒你啲钱(或筹码) "地"我改翻啦

highyun

“扐” 下面嘅点字插入字表都可以揾到呢个字。

木頭公仔

highyun在2005-06-06 11:34:10說道：[br]“扐” 下面嘅点字插入字表都可以揾到呢个字。

“搦”字先啱，“扐”係简写咗嘅异体字。