南方都市報讀者問題：「婧」嘅讀音

問題讀者

　　本人有一個關於讀音的問題想請教。我女兒名字裏「婧」的廣州音究竟讀什麼？根據普通話「婧jing」與「靜jing」同音，那麼，習慣在廣州音「婧」應該與「靜」同音。但前幾天，香港某電視臺節目主持人讀「婧」為「倩」音。請問究竟在廣州音裏，「婧」與「靜」同音，還是與「倩」同音？請指教！

pippo

zing6

卢总

呢个字的确有多个读法，除咗「静」同「倩」之外，重有读作「精」添！

highyun

「婧」粵語只讀「靜zing6」音，嗰位主持讀成「倩sin6」係錯嘅，怕且係因爲佢誤以為兩個字聲旁相同就發音相同。類似嘅錯誤例子重有「爍」（音削soek3）字，好多人以爲「爍」、「礫」（音靂lik1）同音，就連譚校長首經典嘅「霧之戀」都唱成「或睡或現，閃‘靂’不停」。

中二仔

有咩字唔曉讀唔好走去睇北話...

北話有好多音都唔同廣東話對應(如介界解等从ai韻分化..),一個唔覺意就搞錯哂....

 

婧字主要有"七正""疾井""子盈"三切,讀"靜""精"都無錯.其餘都係俗音.

cingsan

主持讀嘅都未必啱嘅

中二仔

廢話

問題讀者

　　A：查閱現時各類粵音字典，「婧」多以「靜（粵拼zing6）」音標注，亦有人認為此字有其他讀法，但未提供到確鑿理由，故綜合多方意見我哋推薦仍以「靜」音為佳。至於嗰位主持讀成「倩」，怕且係因為佢誤以為兩個字聲旁相同就發音相同，類似嘅錯誤例子重有「爍」（音削soek3），好多人以為「爍」、「礫」（音靂lik1）同音，就連譚校長首經典嘅《霧之戀》都唱成「或睡或現，閃『靂』不停」。既反映當今部分廣播傳媒從業員質素唔過硬，懶音誤音較多，亟待正視；又反映社會上多數人漠視正確讀音、用字，有邊讀邊，「大概五個零」講錯音寫錯字亦不以為然，甚至標新立異（例如有家長為其子改名「鑫」，本為「欽yam1」音，無中生有讀作「鑒gaam3」），凡此種種可謂屢見不鮮。另外，雖然讀者此例子咁啱普粵音可以類比，但盲從以普通話音嚟推導粵語音有時亦未必保險，因為粵語保留古漢語音素較多。所以讀者有疑惑重係多啲查資料或來信本欄吧。

　　以上粵語協會官方回答版本由余OK主筆，其簡化字版載於2007年12月18號《南方都市報》嘅「白話廣州」版（有刪減）。

中二仔

實際上"閃靂"並唔係讀錯,只不過係寫錯...

余OK

原帖由 中二仔 於 2007-12-18 14:54 發表 實際上"閃靂"並唔係讀錯,只不過係寫錯...

　　之前有帖專門討論過呢句歌詞，普遍認為係詞作者為合曲韻又讀錯字音而造成嘅。

中二仔

係錯音都唔係詞作者嘅錯.

呢個音家下都已經俗成喇......好快就會變成粵語嘅"多音字/詞"...........

南汉

主持人靠不住。最好查一查市面上流通的几种广州音字典。

錯覺

『婧』....應該係『靜』..呱？

 

我係噉讀.....

禾苗小昭

原帖由 highyun 於 2007-12-11 20:39 發表 「婧」粵語只讀「靜zing6」音，嗰位主持讀成「倩sin6」係錯嘅，怕且係因爲佢誤以為兩個字聲旁相同就發音相同。類似嘅錯誤例子重有「爍」（音削soek3）字，好多人以爲「爍」、「礫」（音靂lik1）同音，就連譚校長首經典嘅「霧之戀」都 ...

而且谭校长在《冷傲的化妆》里面还把「闪烁耳环」的「烁」唱成「seot1（恤）」，即系话，两首歌都无唱对！

hyq1024k

原帖由 highyun 於 2007-12-11 20:39 發表 「婧」粵語只讀「靜zing6」音，嗰位主持讀成「倩sin6」係錯嘅，怕且係因爲佢誤以為兩個字聲旁相同就發音相同。類似嘅錯誤例子重有「爍」（音削soek3）字，好多人以爲「爍」、「礫」（音靂lik1）同音，就連譚校長首經典嘅「霧之戀」都 ...

闪「削soek3」不停？咁好拗口啵！系唔系词作者本身都搞错呢？

外外星人

标准答案系？

中二仔

原帖由 外外星人 於 2008-4-15 14:37 發表 标准答案系？

晨早有人講咗~