普譯粵網上自動翻譯系統

desmond

大家唔好畀個標題呃咗，咪咁快開心住…… 「普譯粵網上自動翻譯系統」重未有咖！ 我係噚晚聽到mark仔話想做一個噉嘅翻譯系統出嚟， 所以咪開返個帖，大家傾吓有冇得做囉！ 大家唔好hoe1我，唔好插我…… mark仔做嘅雛型http://www.04gd.com/put2jyut.php

highyun

个人觉得唔系太可行，你睇睇东方快译个英译中功能就知喇，翻译到乱七八糟。 靠机器系冇办法翻译到粤语嘅神髓出嚟。

jumpsey

我睇又唔使咁悲观，因为普粤差别要比英中细得多，期望值唔好太高嘅话，仲系有实用价值嘅。所谓期望值唔好太高系指唔好谂住一步到位，有啲唔系几确定嘅对应关系可以暂时唔郁佢。噉样译出嚟嘅文章会带有相当嘅书面语色彩，但系可读性应该唔成问题，可以满足到议论文、说明文等文体嘅需要，唔会搞到好似东方快译啲英译中噉嘅。关于啲对应关系，可以群策群力。我畀低几个词嘅对应关系先： （这/那/哪）个/些—（呢/嗰/边）个/啲 （不是—唔係）、（不对，—唔啱，）、（不对的—唔啱嘅）、（不对—唔对）

simson2010

翻譯讀音還抑或翻譯解釋. 如果讀音,本身都有普通話音同粵語音,要翻譯唔會太難吧 em5:

木頭公仔

要翻译好语气有啲难~ 直译可能会有语法上嘅唔同. 无论做咩都支持!!

desmond

我都覺得語氣係好難翻譯嘅，粵語嘅語氣詞（咖、喎、咩、啦）可能係粵語學習最難嘅地方。有冇人可以寫個小教材專門講語氣詞呢？

highyun

desmond在2005-05-22 11:30:42說道：[br]我都覺得語氣係好難翻譯嘅，粵語嘅語氣詞（咖、喎、咩、啦）可能係粵語學習最難嘅地方。有冇人可以寫個小教材專門講語氣詞呢？

教程我写紧，不过冇咁快可以面世。 关于普译粤嘅嘢，我虽然觉得难度好大，不过如果有人有志做呢样嘢，我绝对支持。

desmond

聽到 ultra 都有做普譯粵網上自動翻譯系統嘅諗法，所以撈返呢個 post，繼續討論。ultra 都認為翻譯系統要先進行普通話分詞，然後再進行翻譯。北京大學有將簡化字文章分詞嘅網上系統，噉網上有冇傳統字文章嘅分詞系統呢？

蟲子

highyun在2005-05-16 14:18:07說道：[br]个人觉得唔系太可行，你睇睇东方快译个英译中功能就知喇，翻译到乱七八糟。 靠机器系冇办法翻译到粤语嘅神髓出嚟。

我觉得都係嘅。