我嘅身份就係越人

芬1012

我嘅姓雖然係上邊嘅大姓，而且重可能有成億人添，但係即使我真係同上邊有關，如果由嚟到嶺南呢塊偉大嘅土地上而又與我有關嘅，只有一個人，最多就係兩個人。跟住落嚟，由于呢度係嶺南人嘅地方，同我有關嘅嶺南祖先絕對係多數。

 

越人首先喺呢度開天辟地，越人先至係呢度嘅主人。越人嘅山山水水養育咗我哋，越人嘅文化薰陶咗我哋，越人幫助咗我哋，我哋與越人世代相傳到今日。我，係越人嘅子孫，我對越有無限嘅敬仰與感恩。

 

人何時，生于何地，由何人所生，都唔係必然嘅，而且都只不過係一個軀殼。而你之所以係你，你之所以係真正嘅你，就係你嘅意識。只有當越文化根植喺你嘅心，你先至係越人，而且，你必然係越人。所有攻擊越文化嘅行為，都等于攻擊緊你。所有損害、遺棄越文化嘅人，都有愧于呢塊養育你嘅土地，有愧于越人嘅祖先。

粵嚟粵掂

芬記！妳篇嘢雖然好感懷，不過文理脈絡有啲唔係幾順，好易畀啲親撈奴狗咬到咖！而且，喺遣詞用字方面略嫌仲未夠地道徹底噉粵文化。

 

睇下我下邊噉噏法啱唔啱妳嘅初衷？假如有邊度唔啱妳心水，歡迎指正！

 

-----------------------------------------------------------------------------------------------------

 

我嘅姓雖然係大姓，而且可能仲有成億人添，之但係噉又點？即使我真係同北邊嘅中國有關，都係同二千幾年前嘅某個秦朝兵，又或者係一千幾年前嘅某個南遷落難農民有關，可能仲加埋佢哋嘅老婆。但係我嘅幾十世祖落到嚟嶺南呢塊偉大嘅土地之後，世世同嶺南嘅土著越女締結姻親，直到傳到落我呢代。所以，同我有關嘅，嶺南嘅越人祖先絕對係佔大多數。

 

歷史上各時段嘅越人，包括古南越人，狸獠人，佢哋首先喺南粵開天辟地，越人先至係嶺南嘅主人。越人嘅山山水水養育咗我哋嘅歷世先祖，越人嘅文化薰陶著我哋嘅歷世先祖，越人幫助咗我哋嘅歷世先祖喺嶺南安身立命，我哋嘅歷世先祖同越人世代交融相傳，直到形成今日嘅粵民族！我哋粵民族無愧係歷史上各時段越人嘅真正子孫！我對越有無限嘅敬仰與感恩！

 

人幾時出世，喺邊度出世，邊個生妳，都唔係由妳決定到嘅，妳嘅身體髮膚不過係一個軀殼嚟啫。但係妳之所以係妳，妳之所以係獨一無二嘅妳，決定妳嘅，唔係妳嘅身體髮膚，而係妳嘅靈魂！只有粵文化喺妳嘅心髓裡頭生根嘅時候，妳先至係真真正正，徹徹底底嘅粵人！所有攻擊粵文化嘅行為，都等同於攻擊緊你！所有損害、遺棄粵文化嘅人，都有愧於呢塊養育緊佢嘅土地，有愧於我哋粵民族嘅歷世先祖！

 

 

芬1012

你改得好好，唔該哂。