糍巴嗰個「糍」字輕鬆粵語點拼打

滙賢恭會

廣東人鍾意食糍巴，喺度問吓各位高手，糍巴嗰個「糍」字用輕鬆粵語輸入法點拼打出嚟？ 唔該！

Anl

咁簡單都冇人答，呢個論壇啲管理員死嘅。

糍：輕鬆粵拼係打唔出嘅。

此字屬粵字，同「餈」。

huang

原帖由 Anl 於 2007-12-8 22:25 發表 咁簡單都冇人答，呢個論壇啲管理員死嘅。糍：輕鬆粵拼係打唔出嘅。此字屬粵字，同「餈」。

 

唔好咁大火氣！

糍、餈ci 

餈為糍的繁體！

 

 

滙賢恭會

 大家都和氣啲講嘢啦 嶺南人以米為主食，幾千年嚟，米就成為嶺南人一日三餐不可缺少嘅主要食物喇，嶺南人亦都係好勤勞又有智慧嘅，米，係可以做成各式各樣嘅食品啦！噉，糍巴就成為咗嶺南嘅一種食品文化喇，相信糍巴呢種食品喺嶺南地區都係一種好常見嘅食品啦，噉，由於嶺南各地嘅叫法唔同，糍巴嗰個「糍」字都有唔同嘅叫法啦，但係喺嶺南嘅民俗習慣嚟叫「糍」字就係讀：cei4 呢個音，所謂：糍巴 cei4 baa1 噉讀法。糍巴係屬於嶺南嘅一種食品文化，喺度我諗，「糍巴」應該要列入粵語字中！唔知各位嶺南人士有乜嘢唔同嘅睇法同意見或者建議啦！ 多謝！

huang

原帖由 滙賢恭會 於 2007-12-9 13:55 發表  大家都和氣啲講嘢啦 嶺南人以米為主食，幾千年嚟，米就成為嶺南人一日三餐不可缺少嘅主要食物喇，嶺南人亦都係好勤勞又有智慧嘅，米，係可以做成各式各樣嘅食品啦！噉，糍巴就成為咗嶺南嘅一種食品文化喇，相信糍巴呢種食品喺 ...

 

我上個月都發過關於呢個 「糍」字 雖然詩意為 ci 但我嗰度都係讀 cei4音

好似 油糍、發糕糍 等等都係讀 cei4

 

dada

原帖由 huang 於 2007-12-8 22:47 發表    糍、餈ci  餈為糍的繁體！    

傳統字今日淨有「餈」﹔「糍」係「餈」嘅異體字。

《說文解字》﹕「餅﹐麪餈也」、「餈﹐稻餅也。」

鄭玄注《周禮》：「餌、餈皆粉稻米黍米所為也。合蒸曰餌，餅之曰餈。」

中二仔

方言:「餌謂之餻 或謂之粢 或謂之........謂米餅也」

<說文>段注:「如麪餅曰餈 今江蘇餈飯也」

滙賢恭會

糍粑，國語係讀：ci ba音，粵語又讀埋：ci4 baa1音，而唔係按照嶺南地區民俗習慣粵語讀：cei4 baa1音，糍、餈同讀：ci4 音，糍、餈字唔讀：cei4 音，用喺「餈粑」度讀：ci4 baa1 音，就冇讀成：cei4 baa1 音？「糍」 「餈」字粵語中用喺其它地方可以係：ci4 音，但係用喺「糍粑」「餈粑」裡邊可唔可以讀成：cei4 baa1 音？佢哋其中有冇錯誤嘅地方？

 

另外：米餅係米餅，米餅唔係餈粑，佢哋都係用米做嘅，但係佢哋係有分別嘅！食過嘅人就知啦！