令經典流行曲歌詞錯字「冇埞匿」

Yuok

　　有冇興趣捉晒啲經典流行曲歌詞錯字嚟呢處呢？因為好多謬誤一直流傳至今甚至習非成是。今日我開齋先，《似是故人來》開初一句：「同是過路，同做過夢」，唔知係咪受懶音影響，我接觸過嘅歌詞資料多數將第二隻「過」字寫成「個」，之我反複多次聽梅艷芳都係唱「過」，睇吓其他人有冇人留意到？

卢总

网上传抄嘅歌词大多数系「角乳人」所为，经常都系一知半解就摆出嚟晒，所以通常搜到之后要执过先用得！

huang

原帖由 Yuok 於 2007-11-20 13:16 發表 　　有冇興趣捉晒啲經典流行曲歌詞錯字嚟呢處呢？因為好多謬誤一直流傳至今甚至習非成是。今日我開齋先，《似是故人來》開初一句：「同是過路，同做過夢」，唔知係咪受懶音影響，我接觸過嘅歌詞資料多數將第二隻「過」字寫成「個 ...

 

如果聽許冠傑嘅歌就知歌詞冇邊首話冇錯字嘅，不過有啲都好難怪佢嘅因為有啲字唔係每部電腦都可以顯示嘅！！

 

 

[ 本帖最後由 huang 於 2007-11-20 21:02 編輯 ]

余OK

原帖由 huang 於 2007-11-20 17:44 發表   不過有啲都好難怪佢嘅因為有啲字唔係每台電腦都可以顯示嘅！

　　係每「部」電腦，唔好跟人哋學壞嘴形講「台」，粵協成員應該對自己嚴格要求啲。

huang

原帖由 余OK 於 2007-11-20 19:51 發表 　　係每「部」電腦，唔好跟人哋學壞嘴形講「台」，粵協成員應該對自己嚴格要求啲。

 

好我改！！

 

Anl

粵協成員要對自己嚴格要求，就唔該改一改網站上面轉載返嚟嘅文章入邊啲錯字。自己網站上面都有錯字，憑咩以粵協成員身份嚴格要求其他粵協成員？