[公告]粤语协会启用新论坛-highyun移-

highyun

由于原论坛功能上有所欠缺，经本会成员一致同意，决定沿用新版论坛。新版论坛原先喺ungoo抵死粤语网内部使用，现转为粤语协会论坛，因此界面上嘅图标、连接、文字未能及时修改，不日所有界面问题将会修正，并且论坛将会整个转换为繁体界面。 但系喺呢段时间，所有发帖功能唔会受影响，所有用户嘅发言讨论以后都可以完整保留，因此各位可以尽情放心发帖。 另外，由于旧论坛数据库格式同新论坛唔同，因此将所有注册用户转移到新论坛数据库难度相当大，故此劳烦各位旧用户喺新论坛重新注册。 对各位造成嘅麻烦，本会深表歉意，希望各位一如既往支持本会。

庾庚

支持~

samkong

支持！

SSSSSEGAAAAA

可以唔支持咩？

搅搅阵-桂林

不知道网站是用哪里的正体字(繁体字)，大陆有大陆一套繁体字，台湾与香港也不同，韩国的也有一套汉字。大陆的“綫”，台湾香港是用“線”，大陆“什麽”，台湾是“什麼”，香港是“甚麼”。

Anl

搅搅阵-桂林在2005-05-15 04:26:10說道：[br]不知道网站是用哪里的正体字(繁体字)，大陆有大陆一套繁体字，台湾与香港也不同，韩国的也有一套汉字。大陆的“綫”，台湾香港是用“線”，大陆“什麽”，台湾是“什麼”，香港是“甚麼”。

本網屬廣東網頁，所用繁體字以正規爲主，主要參考《康熙字典》。 本網一律採用“爲”、“綫”、“什麼”、“臺灣”。不過爲求達到共識，可以允許“為”、“線”、“甚麼”嘅出現，但唔允許“台灣”嘅出現。但喺影響字義方面，有時會區分某啲字用法，例如“館、舘”、“匯、滙”。

desmond

anl在2005-05-16 17:23:45說道：[br]本網屬廣東網頁，所用繁體字以正規爲主，主要參考《康熙字典》。 本網一律採用“爲”、“綫”、“什麼”、“臺灣”。不過爲求達到共識，可以允許“為”、“線”、“甚麼”嘅出現，但唔允許“台灣”嘅出現。但喺影響字義方面，有時會區分某啲字用法，例如“館、舘”、“匯、滙”。

匯、滙兩個字喺字義上面有乜分別。

Anl

例如“滙豐銀行”、“百老滙”就絕對唔可以用“匯”囉。其實基本上“匯”同“滙”都係等同嘅，祇係某啲專有名詞有區別。

dada

anl嘅講法唔現實。我哋可以唔支持“台灣” 嘅寫法﹐因為佢半簡半繁﹐但有乜辦法禁止呢﹖ 另一個差唔多嘅問題係粵語用字。如果有人寫“仲有”﹐係咪應該糾正﹖點樣糾正﹖一個帖嘅內容由作者負責﹐好難逐字批評。但係另一方面﹐如果唔糾正﹐可能有第啲人會學錯。大家認為點呢﹖

desmond

係冇辦法禁止嘅，德國政府訂立咗新拼字法好耐啦，又定咗一個廢除舊拼字法嘅日子，都係得教育部、某啲機構同報刊遵守啫，有唔少嘅普羅大眾咪又係習慣用返舊拼字法寫德文。 至於粵語用字問題，首先我哋冇官方機構去推廣粵語正字（唔係本字），所以糾正其他人嗰陣會有困難，粵語協會可以做嘅係提高知名度同權威，樹立一個正確嘅粵語用字規範同風氣，希望對粵語人士增生良性嘅指導作用。 另外，anl 指出咗本論壇嘅兩個錯字，就係「休閑」同「閑情坊」，已經啱啱糾正返做「休閒」同「閒情坊」，正體字眞係博大精深。

Kathy

不好意思~ 小女子不明白為什麼不可以用台灣...不接受台灣這個詞... 基本上大部分人都用台灣...而不用臺灣 況且台灣當局....他的政府,地方,私人網站都用台灣的...

desmond

kathy在2005-05-19 13:16:35說道：[br]不好意思~ 小女子不明白為什麼不可以用台灣...不接受台灣這個詞... 基本上大部分人都用台灣...而不用臺灣 況且台灣當局....他的政府,地方,私人網站都用台灣的...

呢個問題，我同 anl 都詏過，結果佢用「台」字嘅讀音同埋其他用「台」字作偏旁嘅字做考證，說服咗我。詳情都係等佢同妳講返啦。

Anl

desmond在2005-05-19 13:52:22說道：[br][quote]kathy在2005-05-19 13:16:35說道：[br]不好意思~ 小女子不明白為什麼不可以用台灣...不接受台灣這個詞... 基本上大部分人都用台灣...而不用臺灣 況且台灣當局....他的政府,地方,私人網站都用台灣的...

呢個問題，我同 anl 都詏過，結果佢用「台」字嘅讀音同埋其他用「台」字作偏旁嘅字做考證，說服咗我。詳情都係等佢同妳講返啦。[/quote] 都唔可以講係“說服”，我祇係提出觀點啫。 我同desmond講過，“台”應該係讀“怡”音，如“怡、治、始，貽”等字均爲常見字，都係取“台”做聲旁，據《康熙字典》：《唐韻》與之切。《集韻》盈之切。《正韻》延知切。並音怡。 而《康熙字典》亦確實有“堂來切”。音臺。指用於地名。 但實際一句講，“臺灣”本身就係寫成“臺灣”，呢個肯定大家都唔會有異議。而“台灣”嘅出現，到底係點一回事呢？有邊個又可以畀個確切嘅答覆我？係咪有人貪簡單，抑或係受簡體字影響？ 請瀏覽呢兩個相關網址： 台：http://www.arts.cuhk.edu.hk/lexis/lexi-can/search.php?q=%a5x 臺：http://www.arts.cuhk.edu.hk/lexis/lexi-can/search.php?q=%bbo 再問，而家又有幾多人寫“臺階、亭臺樓閣”？“臺”字嘅用法甚多，有幾多係畀“台”字代替咗？點解會代替咗？先反問再辯述。

desmond

anl在2005-05-19 14:22:43說道：[br]都唔可以講係“說服”，我祇係提出觀點啫。 我同desmond講過，“台”應該係讀“怡”音，如“怡、治、始，貽”等字均爲常見字，都係取“台”做聲旁，據《康熙字典》：《唐韻》與之切。《集韻》盈之切。《正韻》延知切。並音怡。 而《康熙字典》亦確實有“堂來切”。音臺。指用於地名。 但實際一句講，“臺灣”本身就係寫成“臺灣”，呢個肯定大家都唔會有異議。而“台灣”嘅出現，到底係點一回事呢？有邊個又可以畀個確切嘅答覆我？係咪有人貪簡單，抑或係受簡體字影響？

有啲反證例子，「怠慢」嘅「怠」、「危殆」嘅「殆」字、同「胎兒」嘅「胎」都讀係讀 toi，同「台灣」嘅「台」字同音（唔同調）。噉樣會唔會代表咗「台」字本身有兩個讀音（/ji/ 同 /toi/）呢？噉樣用「台」字嚟借代「臺」字又係唔係合理呢？

Anl

desmond在2005-05-19 14:32:21說道：[br] 有啲反證例子，「怠慢」嘅「怠」、「危殆」嘅「殆」字、同「胎兒」嘅「胎」都讀係讀 toi，同「台灣」嘅「台」字同音（唔同調）。噉樣會唔會代表咗「台」字本身有兩個讀音（/ji/ 同 /toi/）呢？噉樣用「台」字嚟借代「臺」字又係唔係合理呢？

怠慢，危殆，證明“台”有“臺”音，呢個《康熙字典》都講咗“台”有“臺”音，“台”同“臺”嘅用法係另一回事，唔等同“台”可以代替“臺”字喎。

desmond

anl在2005-05-19 14:37:19說道：[br]怠慢，危殆，證明“台”有“臺”音，呢個《康熙字典》都講咗“台”有“臺”音，“台”同“臺”嘅用法係另一回事，唔等同“台”可以代替“臺”字喎。

許慎嘅說文解字對漢字推行分析嘅六書理論入面有一個叫做同音借代，而用「台」字借代「臺」就好可能係屬於呢一類，目的當然係啲人貪方便，用個筆劃少啲嘅字啦。

dada

我喺總統府全球資訊網查過﹐“台灣”比“臺灣”多幾十倍。 不過﹐除咗“天台”外﹐差唔多都應該寫“臺” 嘅。《國語辭典》淨有“臺灣、臺北”﹐佢話“台”係異體字。

highyun

呢个关于繁体字讨论嘅问题气氛好好，所以将佢移到嚟呢个版，希望各位继续热烈讨论

desmond

啱啱喺舊粵語協會論壇度轉貼咗公告，話新粵語協會論壇已經啟用，引導啲網友過嚟呢度繼續相聚討論。

楚楚

好專業~