２００７年１１月１５号《南方都市报》

卢总

7·10　用之则行，舍之则藏

 

　　栋笃论语·述而第七　　
　　
　　□子野专栏　　
　　
　　【原文】子谓颜渊曰：「用之则行，舍之则藏，惟我与尔有是夫！」子路曰：「子行三军，则谁与？」子曰：「暴虎冯河，死而无悔者，吾不与也。必也临事而惧，好谋而成者也。」

　　【译文】孔子同阿颜渊话：「有人任用，就入世从政；冇人任用，就出世隐居。能够做到噉样嘅，净得我同你两个喇！」子路听到就话：「如果要你统率三军，你会拣边个同你喺埋一齐？」孔子话：「空手打虎，徒步过河，死咗都无怨无悔嘅人，我系唔会同佢一齐口架。一定要拣嘅话，我就拣嗰啲遇事小心谨慎、识得度桥解决问题嘅人。」

　　【栋笃】孔Sir门下七十二贤人，其实个个都系好叻嘅人——叻就一个字，但系，叻嘅内容，就千差万别。颜渊(回)同子路呢两位，喺叻嘅表现上边，就零舍唔同喇。颜渊，我哋已讲过多次，佢系孔Sir最中意嘅掌门大弟子、衣钵传人。《论语》入边，孔Sir赞呢位弟子嘅话有好多。今次，孔Sir讲嘅系，喺「入得庙堂、出得江湖」上边，只有颜渊能够同佢一样豁达。呢句话，简直可以同阿曹操嗰句「天下英雄，唯使君与操耳」PK喇。曹操嗰句说话，吓到阿刘备筷子都揸唔稳；孔Sir呢句说话，就令到一个人好唔忿气喇。

　　呢个人，就系子路(由)。阿由仔好勇过人，性格耿直，有乜讲乜。佢入咗孔门之后，就冇人再敢闹阿孔Sir喇；孔Sir周游列国，一路多得有佢嘅保护；孔Sir喺灰心嘅时候，亦讲过「道不行，乘桴浮于海，从我者其由与」；佢赞子路嘅话，其实亦都有唔少，比如：「千乘之国，可使治其赋也。」「由也果，于从政乎何有？」等等。佢亦都同阿孔Sir驳过嘴，搞到孔Sir差啲顶唔顺，最出名就系孔Sir见完南子，子路「不悦」，搞到孔Sir要发毒誓话佢如果同南子有乜乜，就叫个天乜乜佢。

　　噉孔Sir赞阿颜渊，子路点解要呷醋呢？嗱，头先讲咗喇，孔Sir本来系讲过，「道不行，乘桴浮于海(舍之则藏)，从我者，其由与。」本来系子路嘅，依家改成咗颜渊，仲加咗个「惟」字，子路冇谂法先奇嘞。所以，佢就举咗一个自己最叻嘅方面嚟问阿孔Sir喇：你咪讲过「千乘之国，可使(我)治其赋」咩？噉如果你要统率三军，你拣边个同你一齐啊？」好明显，子路系要孔Sir赞佢多次，心理平衡返啲。点不知，孔Sir今次面都唔畀，仲借题发挥，讲佢睇唔起嗰啲有勇无谋嘅人，欣赏嗰啲谋略过人嘅人——言下之意，边个都识听喇。

 

http://www.nanfangdaily.com.cn/southnews/dd/dsb/B13/200711150155.asp

卢总

　　【原文】子谓颜渊曰：「用之则行，舍之则藏，惟我与尔有是夫！」子路曰：「子行三军，则谁与？」子曰：「暴虎冯河，死而无悔者，吾不与也。必也临事而惧，好谋而成者也。」

　　【译文】孔子同阿颜渊话：「有人任用，就入世从政；冇人任用，就出世隐居。能够做到噉样嘅，净得我同你两个喇！」子路听到就话：「如果要你统率三军，你会拣边个同你喺埋一齐？」孔子话：「空手打虎，徒步过河，死咗都无怨无悔嘅人，我系唔会同佢一齐ロ架。一定要拣嘅话，我就拣嗰啲遇事小心谨慎、识得度桥解决问题嘅人。」

　　【栋笃】孔Sir门下七十二贤人，其实个个都系好叻嘅人——叻就一个字，但系，叻嘅内容，就千差万别。颜渊(回)同子路呢两位，喺叻嘅表现上边，就零舍唔同嘞。颜渊，我哋已讲过多次，佢系孔Sir最钟意嘅掌门大弟子、衣钵传人。《论语》入边，孔Sir赞呢位弟子嘅话有好多。今次，孔Sir讲嘅系，喺「入得庙堂、出得江湖」上边，只有颜渊能够同佢一样豁达。呢句话，简直可以同阿曹操嗰句「天下英雄，唯使君与操耳」PK嘞。曹操嗰句说话，吓到阿刘备筷子都揸唔稳；孔Sir呢句说话，就令到一个人好唔忿气嘞。［用「嘞」比较符合广州话嘅习惯。］

　　呢个人，就系子路(由)。阿由仔好勇过人，性格耿直，有乜讲乜。佢入咗孔门之后，就冇人再敢闹阿孔Sir嘞；孔Sir周游列国，一路多得有佢嘅保护；孔Sir喺灰心嘅时候，亦讲过「道不行，乘桴浮于海，从我者其由与」；佢赞子路嘅话，其实亦都有唔少，比如：「千乘之国，可使治其赋也。」「由也果，于从政乎何有？」等等。佢亦都同阿孔Sir驳过嘴，搞到孔Sir差啲顶唔顺，最出名就系孔Sir见完南子，子路「不悦」，搞到孔Sir要发毒誓话佢如果同南子有乜乜，就叫个天乜乜佢。

　　噉孔Sir赞阿颜渊，子路点解要呷醋呢？嗱，头先讲咗嘞，孔Sir本来系讲过，「道不行，乘桴浮于海(舍之则藏)，从我者，其由与。」本来系子路嘅，依家改成咗颜渊，重加咗个「惟」字，子路冇谂法先奇嘞。所以，佢就举咗一个自己最叻嘅方面嚟问阿孔Sir嘞：你咪讲过「千乘之国，可使(我)治其赋」咩？噉如果你要统率三军，你拣边个同你一齐啊？」好明显，子路系要孔Sir赞佢多次，心理平衡返啲。点不知，孔Sir今次面都唔畀，重借题发挥，讲佢睇唔起嗰啲有勇无谋嘅人，欣赏嗰啲谋略过人嘅人——言下之意，边个都识听啦。

卢总

　　同声同气　　
　　
　　□阿展专栏　　
　　
　　1.甲：「出年带狗入地铁罚五十蚊呀，你话啱唔啱吖嗱？」(明年带狗进地铁罚五十元呀，你说有没有道理？)

　　乙：「我净系想知啲罚款去晒边啫。」(我只想知道罚款都到哪去了。)

　　——两个靓女等地铁时这样说。

　　2.嗱，求奇噏几个冧靶出嚟，等老窦买返注双色球，中返五百万，噉就边度都唔使去嘞。(随便说几个号码，让爸爸买注双色球，中了五百万，那就哪里都不用去了。)

　　——一个街坊路过一投注站，对身边的小女孩这样说。

　　3.你寻晚袋咗钱就暖笠笠啦，难为我成晚箩箩挛，瞓唔着。(你昨晚赢了钱当然就睡得暖洋洋的，难为我就整晚翻来覆去睡不着。)

　　——一个街坊对邻居这样说，大概说的又是私彩。

　　4.样样都咁贵，喺广州揾唔到两千蚊一个月，不如返乡下耕田罢喇。(什么都贵，在广州挣不到两千块一个月，不如回乡下耕田了。)

　　——酒楼里，一个茶客对另一个茶客这样说。

　　5.畀个书包我拎啦！(快把书包给我。)

　　——一小学门前，一个阿婆看见孙仔放学出来，第一时间帮他拿书包。

 

http://www.nanfangdaily.com.cn/southnews/dd/dsb/B13/200711150156.asp

卢总

　　1.甲：「出年带狗入地铁罚五十文呀，你话啱唔啱吖嗱？」(明年带狗进地铁罚五十元呀，你说有没有道理？)

　　乙：「我净系想知啲罚款去晒边啫。」(我只想知道罚款都到哪去了。)

　　——两个靓女等地铁时这样说。

　　2.嗱，求祈噏几个冧靶出嚟，等老窦买返注双色球，中返五百万，噉就边度都唔使去嘞。(随便说几个号码，让爸爸买注双色球，中了五百万，那就哪里都不用去了。)［「求祈」系「祈求」嘅倒装，具体系点，各位自己去主页揾答案。］

　　——一个街坊路过一投注站，对身边的小女孩这样说。

　　3.你寻晚袋咗钱就暖笠笠啦，难为我成晚箩箩挛，瞓唔着。(你昨晚赢了钱当然就睡得暖洋洋的，难为我就整晚翻来覆去睡不着。)

　　——一个街坊对邻居这样说，大概说的又是私彩。

　　4.样样都咁贵，喺广州揾唔到两千文一个月，不如返乡下耕田罢喇。(什么都贵，在广州挣不到两千块一个月，不如回乡下耕田了。)

　　——酒楼里，一个茶客对另一个茶客这样说。

　　5.畀个书包我拎啦！(快把书包给我。)

　　——一小学门前，一个阿婆看见孙仔放学出来，第一时间帮他拿书包。

卢总

　　金曲寻味　　
　　
　　□韦倩妮　　
　　
　　佢，完全属于舞台，形象百变，魅力四射；佢，音域广阔，高、中、低音绝美，讲到唱功、现场演绎，几乎可以讲系「零瑕疵」。

　　这边厢，佢可以冶艳妩媚，热情如火。配合呢一形象嘅金曲无数，比如：《烈焰红唇》、《梦姬》、《曼殊沙华》、《似火探戈》……而那边厢，佢又可以温文尔雅，高贵贤淑。呢一形象嘅金曲也不少，比如：《似水流年》、《似是故人来》、《胭脂扣》、《抱紧眼前人》……

　　而《抱紧眼前人》係九十年代电视剧《大闹广昌隆》主题曲。当时作为中学生嘅我，晚晚都追剧，所以对呢首歌尤为熟悉。《大闹广昌隆》係讲二三十年代人鬼恋嘅故事，歌词写得真挚缠绵：「本应相爱／本应相衬／命里注定同行却未能／舍不得不爱／巴不得一世／唯愿抱紧眼前人；匆匆一世／深深一吻／就此以后无从爱别人／若只得今晚／可偷偷走近／谁又理得天锁禁」一听到呢度，又令我想起电影《胭脂扣》里面，十二少同如花嘅一段凄迷情孽。两者剧情相似，两主角人鬼殊途、生死难共。

　　虽然歌词关于人鬼恋，最后爱情无好结果，但只要稍细心留意下歌词，发觉歌词好适合现代人听，因为教人「珍惜眼前人」，所以非常有意义。每次听到佢唱到「爱你就算将跌入永远黑暗／但这一刻抱紧／多么确实无用再觅寻……舍不得不爱／巴不得一世／尽管最后如同过路人／唯愿抱紧眼前人」，就有一种「不在乎天长地久，只在乎曾经拥有」嘅浪漫感觉，非常感动。

　　究竟歌者是谁？之前卖咗咁大个关子，相信大家都知道佢咪係，一代殿堂级歌后——梅艳芳。虽然「梅姐」已经离开咗我哋，但佢嘅歌艺、风采永远活係大家心中。

 

http://www.nanfangdaily.com.cn/southnews/dd/dsb/B13/200711150158.asp

卢总

　　佢，完全属于舞台，形象百变，魅力四射；佢，音域广阔，高、中、低音绝美，讲到唱功、现场演绎，几乎可以讲系「零瑕疵」。

　　这边厢，佢可以冶艳妩媚，热情如火。配合呢一形象嘅金曲无数，比如：《烈焰红唇》、《梦姬》、《曼殊沙华》、《似火探戈》……而那边厢，佢又可以温文尔雅，高贵贤淑。呢一形象嘅金曲亦不少，比如：《似水流年》、《似是故人来》、《胭脂扣》、《抱紧眼前人》……［用「亦」好过用「也」，比较贴合广州话习惯。］

　　而《抱紧眼前人》系九十年代电视剧《大闹广昌隆》主题曲。当时作为中学生嘅我，晚晚都追剧，所以对呢首歌尤为熟悉。《大闹广昌隆》系讲二三十年代人鬼恋嘅故事，歌词写得真挚缠绵：「本应相爱／本应相衬／命里注定同行却未能／舍不得不爱／巴不得一世／唯愿抱紧眼前人；匆匆一世／深深一吻／就此以后无从爱别人／若只得今晚／可偷偷走近／谁又理得天锁禁」一听到呢度，又令我想起电影《胭脂扣》里面，十二少同如花嘅一段凄迷情孽。两者剧情相似，两主角人鬼殊途、生死难共。

　　虽然歌词关于人鬼恋，最后爱情冇好结果，但只要稍细心留意下歌词，发觉歌词好适合现代人听，因为教人「珍惜眼前人」，所以非常有意义。每次听到佢唱到「爱你就算将跌入永远黑暗／但这一刻抱紧／多么确实无用再觅寻……舍不得不爱／巴不得一世／尽管最后如同过路人／唯愿抱紧眼前人」，就有一种「不在乎天长地久，只在乎曾经拥有」嘅浪漫感觉，非常感动。

　　究竟歌者是谁？之前卖咗咁大个关子，相信大家都知道佢咪系，一代殿堂级歌后——梅艳芳。虽然「梅姐」已经离开咗我哋，但佢嘅歌艺、风采永远活喺大家心中。

卢总

　　街坊话事　　
　　
　　□Inzaggio　　
　　
　　重庆家乐福事件过后，12日，该市向其属下各区县商贸流通主管部门、相关行业协会、大型零售企业发出紧急通知，「不准开展粮、油、盐、肉、蛋等日常生活必需品的限时限量促销活动」。

　　睇到呢个紧急通知，可能会令人谂起一句好生鬼嘅俗语——斩脚趾避沙虫。呢句话係讲我哋南方呢便天气太热，以前啲人若果唔注意卫生，就成日会喺脚趾同脚掌之间出现一啲霉烂嘅症状。如果畀污水入面嘅一种俗称「沙虫」嘅生物从伤口侵入，严重嘅就可致人死亡。有人好「叻」，谂到一个彻底解决问题嘅办法：将脚趾全部剁晒！后嚟大家就用「斩脚趾避沙虫」嚟比喻做事得不偿失、不切实际。

　　再讲返呢单嘢，为咗5升庄嘅食用油，一大班人走去逼，走去涌，有人甚至为此付出宝贵嘅生命，你估真係为咗贪好玩咩。无非係因为近年物价不断飙升，尤其是粮油肉蛋等日常生活必需品，广大市民不胜重负。国家统计局13日公布嘅数据显示，10月份全国居民消费价格指数(CPI)同比上升6.5％，涨幅比9月份升咗3个百分点。食品类价格比旧年同月上升咗成18个百分点。大家都觉得依家除咗工资冇加，乜都加。难得见到有生活必需品大减价喔，仲唔仆住去抢啊！

　　呢种嘅紧急通知，畀人感觉好似「斩脚趾避沙虫」，唔係好切合实际，以为一个「禁」字可以解决问题。依家生活压力大，任何些小嘅价格变动都牵动住普罗大众嘅神经。通知嘅本意肯定係好嘅，但係我哋更希望有关部门能够切实做好公共服务同社会保障职能。要从关注民生、关心群众切身嘅利益出发，及时采取实际有效嘅手段，尽量减轻市场价格波动对大众嘅伤害。所以话：与其斩断脚趾，不如多做实事。

 

http://www.nanfangdaily.com.cn/southnews/dd/dsb/B13/200711150159.asp

卢总

　　重庆家乐福事件过后，12号，该市向其属下各区县商贸流通主管部门、相关行业协会、大型零售企业发出紧急通知，「不准开展粮、油、盐、肉、蛋等日常生活必需品的限时限量促销活动」。［唔使问点解！］

　　睇到呢个紧急通知，可能会令人谂起一句好生鬼嘅俗语——斩脚趾避沙虫。呢句话系讲我哋南方呢便天气太热，以前啲人若果唔注意卫生，就成日会喺脚趾同脚掌之间出现一啲霉烂嘅症状。如果畀污水入面嘅一种俗称「沙虫」嘅生物从伤口侵入，严重嘅就可致人死亡。有人好「叻」，谂到一个彻底解决问题嘅办法：将脚趾全部剁晒！后嚟大家就用「斩脚趾避沙虫」嚟比喻做事得不偿失、不切实际。

　　再讲返呢单嘢，为咗5升庄嘅食用油，一大班人走去逼，走去涌，有人甚至为此付出宝贵嘅生命，你估真系为咗贪好玩咩？无非系因为近年物价不断飙升，尤其是粮油肉蛋等日常生活必需品，广大市民不胜重负。国家统计局13号公布嘅数据显示，10月份全国居民消费价格指数(CPI)同比上升6.5％，涨幅比9月份升咗3个百分点。食品类价格比旧年同月上升咗成18个百分点。大家都觉得依家除咗工资冇加，乜都加。难得见到有生活必需品大减价喔，重唔仆住去抢呀？

　　呢种嘅紧急通知，畀人感觉好似「斩脚趾避沙虫」，唔系好切合实际，以为一个「禁」字可以解决问题。依家生活压力大，任何些小嘅价格变动都牵动住普罗大众嘅神经。通知嘅本意肯定系好嘅，但系我哋更希望有关部门能够切实做好公共服务同社会保障职能。要从关注民生、关心群众切身嘅利益出发，及时采取实际有效嘅手段，尽量减轻市场价格波动对大众嘅伤害。所以话：与其斩断脚趾，不如多做实事。

卢总

　　港人讲嘢·黄子华栋笃笑　　
　　
　　□记录：莫夕　　
　　
　　嗰晚，扣除咗茄喱啡公司嘅佣金，扣除咗我哋食饭钱，扣除咗我哋搭车来回嘅费用，嗰晚，总共赚咗系——10蚊。呢10蚊，我今时今日仲留喺度，因为我觉得佢对我嚟讲，好有意义。

　　喺跟住短短半年，我已经成为咗茄喱啡界里面最高级嘅一个茄喱啡嘞。或者你可能唔知道茄喱啡系点样分法，我哋茄喱啡呢，分三个阶级，六个组别。三个阶级呢，分别就系：可以讲嘢同唔可以讲嘢啦，可以面对镜头同唔可以面对镜头啦，有啲呢，最后嗰个阶级就系，可以喐同唔可以喐。六个组别呢，就系有啲可以面对镜头，可以喐，但系唔可以讲嘢；有啲可以讲嘢，可以喐，但系唔可以面对镜头。短短半年，我已经做到可以喐，可以面对镜头，又可以讲一句对白。系呀，只要有我喺度，所有嗰啲「大王驾到」、「少爷返到」、「小姐冇到」，都系我讲嘅嘞。

　　讲真，嗰阵时呢，我就几钟意呢种生活。第一，你做茄喱啡，八个钟头一组，如果你顶得顺，一日做三组，都揾到啲口架。第二，你谂下，做茄喱啡，唔系企埋一边，就通常就系死嘅嘞。嗰种生活呢，其实几写意下嘅。噉当然第三个好处就系，因为我本身系最高级嘅茄喱啡，即系话如果嗰日我返到去开工，我心情特别靓或者特别唔靓，我都可以同啲低级嘅茄喱啡讲，「乜你咁……猪口架！」有时一个人，嗰种好运一嚟呢，唔到你挡嘅，自己都已经觉得好满意嘞，呢种状态，居然个茄喱啡头仲走埋嚟同我讲：「黄子华，导演呢，好欣赏你，佢应承咗啊，如果你做多半年茄喱啡，升你做特约！」你知唔知做特约有几多福利？我已经恨做特约恨咗几耐！第一，做特约，你可以讲多过一句嘅对白，第二，我好想同嗰啲配角倾偈，做特约就可以同啲配角倾偈嘞……第三，最紧要，你做茄喱啡，你可以有番个名，唔系，做特约啊，对唔住啊。做茄喱啡就系冇名啦，都可以叫得做有嘅，不过同普通人有啲唔同，我哋做茄喱啡唔系叫阿「喂」，就系叫「埋位」嘅嘞。我哋自己倾偈都系噉口架，「阿喂，你就好啦，寻日开三组，揾唔少啦！」「我好？阿‘埋位’仲好啊，一返到嚟落雨，唔使Do都有钱执啊。」「讲开，近嚟唔见阿‘死埋嚟’未喔！」「哦，‘死埋嚟’啊，佢成日迟到，畀导演飞起咗啦。」

 

http://www.nanfangdaily.com.cn/southnews/dd/dsb/B13/200711150160.asp

卢总

　　嗰晚，扣除咗茄喱啡公司嘅佣金，扣除咗我哋食饭钱，扣除咗我哋搭车来回嘅费用，嗰晚，总共赚咗系——10文。呢10文，我今时今日重留喺度，因为我觉得佢对我嚟讲，好有意义。

　　喺跟住短短半年，我已经成为咗茄喱啡界里面最高级嘅一个茄喱啡嘞。或者你可能唔知道茄喱啡系点样分法，我哋茄喱啡呢，分三个阶级，六个组别。三个阶级呢，分别就系：可以讲嘢同唔可以讲嘢啦，可以面对镜头同唔可以面对镜头啦，有啲呢，最后嗰个阶级就系，可以喐同唔可以喐。六个组别呢，就系有啲可以面对镜头，可以喐，但系唔可以讲嘢；有啲可以讲嘢，可以喐，但系唔可以面对镜头。短短半年，我已经做到可以喐，可以面对镜头，又可以讲一句对白。系呀，只要有我喺度，所有嗰啲「大王驾到」、「少爷返到」、「小姐冇到」，都系我讲嘅嘞。

　　讲真，嗰阵时呢，我就几钟意呢种生活。第一，你做茄喱啡，八个钟头一组，如果你顶得顺，一日做三组，都揾到啲ロ架。第二，你谂下，做茄喱啡，唔系企埋一边，就通常就系死嘅嘞。嗰种生活呢，其实几写意下嘅。噉当然第三个好处就系，因为我本身系最高级嘅茄喱啡，即系话如果嗰日我返到去开工，我心情特别靓或者特别唔靓，我都可以同啲低级嘅茄喱啡讲，「乜你咁……猪ロ架！」有时一个人，嗰种好运一嚟呢，唔到你挡嘅，自己都已经觉得好满意嘞，呢种状态，居然个茄喱啡头重走埋嚟同我讲：「黄子华，导演呢，好欣赏你，佢应承咗啊，如果你做多半年茄喱啡，升你做特约！」你知唔知做特约有几多福利？我已经恨做特约恨咗几耐！第一，做特约，你可以讲多过一句嘅对白，第二，我好想同嗰啲配角倾偈，做特约就可以同啲配角倾偈嘞……第三，最紧要，你做茄喱啡，你可以有番个名，唔系，做特约啊，对唔住啊。做茄喱啡就系冇名啦，都可以叫得做有嘅，不过同普通人有啲唔同，我哋做茄喱啡唔系叫阿「喂」，就系叫「埋位」嘅嘞。我哋自己倾偈都系噉ロ架，「阿喂，你就好啦，寻日开三组，揾唔少啦！」「我好？阿‘埋位’重好啊，一返到嚟落雨，唔使Do都有钱执啊。」「讲开，近嚟唔见阿‘死埋嚟’未喔！」「哦，‘死埋嚟’啊，佢成日迟到，畀导演飞起咗啦。」

卢总

　　例汤正　　
　　
　　□老饼专栏　　
　　
　　今日汤料：话说首届全国和谐家庭高层论坛在广州开幕，有专家在对广州阶层自我认同调查分析中提到，与10年前相比，现在的广州人在阶层归属上认同「中层」的比例明显减少，出现「阶层自我认同偏下」情况。　　

　　新闻背景：《南方都市报》2007年11月13日A38版《六成定位「中低层」》　　

　　我加咗人工嘞！而家月薪达到公司中上水平。　　
　　
　　咦——听讲你哋公司月薪最高系一万，最低系一千，噉你咪至少都有五六千？　　
　　
　　噉又冇咁多，我哋公司有一半人都系一千，我系千一，排喺中间……仲偏上少少。

 

http://www.nanfangdaily.com.cn/southnews/dd/dsb/B13/200711150160.asp

卢总

　　我加咗人工嘞！而家月薪达到公司中上水平。　　
　　
　　咦——听讲你哋公司月薪最高系一万，最低系一千，噉你咪至少都有五六千？　　
　　
　　噉又冇咁多，我哋公司有一半人都系一千，我系千一，排喺中间……重偏上少少。