考試三十八

粵嚟粵掂

 

考試三十八

 

西關G肉佬嘅粵文原創好有意境！等我都嚟試下先！

 

情景：八十年代中廣州市嘅一處國營工廠職工宿舍樓裡頭

 

-----------------------------

 

亞媽：開咗學咁耐，未聽妳講過話要測驗考試嘅，仔？

 

蚊仔：得喇。

 

老竇：得咩吖，而咖功課點？快啲講！

 

亞媽：前兩日我先見過妳哋班住喺我哋五樓嘅雯女，佢話佢前兩日先語文測驗嚟，妳張卷呢，仔？

 

蚊仔：喺課室櫃筒，冇帶返嚟。

 

老竇：冇帶返嚟？扐書包過嚟畀老竇睇下，快啲！

 

老竇：唔扐吖話！......  死仔包！呢張咩嚟咖？三十八分！妳讀咩咖？讀屎片吖！食塞米！

 

亞媽：上課唔留心，成日顧著玩，去哨街，去瀝水妳就知碇。

 

蚊仔：唓！今次考得咁難，大把人唔合格喇！十幾廿分嘅不知幾多！我咪算好囉。

 

亞媽：死仔幹！仲喺度叻唔切！

 

老竇：仲敢牙斬斬！捉妳過嚟藤條炆豬肉！

 

蚊仔：亞嫲亞嫲亞嫲！

 

老嫲：細蚊仔慢慢教囉，佢可能一時心塞啫。

 

亞媽：妳隻匪類頭！平時百鬼厭唔突止，而咖仲學識牙尖嘴利添！

 

蚊仔：唓！啲亞叔讀書嗰陣仲屎過我喇！佢哋仲成日群埋群埋班人撩事鬥非添！我咪算好囉！

 

五叔：喂喂喂！做乜擺埋我上檯吖細路？！嗰時係文革，點同咖下吖？

 

亞嬸：噉又係，嗰時冚世界都唔讀書咖喇，考到三十八經已好威水！

 

蚊仔：咪係囉，咪係囉，考到三十八經已好威水咖喇！

 

老竇：我威妳個頭！

 

蚊仔：亞嫲亞嫲亞嫲！...... （慘叫中）！

 

卢总

啲错字就冇肉佬咁多，但系啲「吖」「啊」未识分。

smallcat2006

睇的明喔

cingsan

幾好下

羊城惜花人

原帖由 卢总 於 2007-11-15 21:55 發表 啲错字就冇肉佬咁多，但系啲「吖」「啊」未识分。

盧總唔好淨係執著於咬文嚼字嘅嘢，應該從文章而論~

論壇寫粵文嘅人唔少，肉佬係以情動人，盧總係以理服人，而樓主係不知所云~

gboss

多謝樓主同花仔嘅美言！睇咗你哋嘅對話，我覺得我應該出嚟講兩句。

 

想當初我寫《日常》之時，身邊只有一本79年產嘅《新華字典》，同埋少量喺粵協睇返嚟、問返嚟嘅資料。呢段時間可謂「盲字都唔識多隻」,不過我相信好多人都喺罵聲中成長嘅，畀人贊唔好驕傲，畀人彈亦係動力。

思覺失調

幾好啊～

卢总

原帖由 羊城惜花人 於 2007-12-21 10:40 PM 發表 盧總唔好淨係執著於咬文嚼字嘅嘢，應該從文章而論~ 論壇寫粵文嘅人唔少，肉佬係以情動人，盧總係以理服人，而樓主係不知所云~

寡人对你呢个「以理服人」颇为赞赏！

幸甚！幸甚啊！

飛鳥

哈哈  不知所云。。。