你哋食过清远鸡未? 寻日,突然想食清远鸡。于是,约埋三五知己,去到盘福路乜乜乐食肆,点知冇位,重冇埋泊车位添。第一时间打电话畀以前嘅街坊、而家嘅食肆老板,佢马上叫手下啲人,帮我哋搵车位、搵座位...等咗成粒钟,先有餐安乐茶饭食! 呢度除咗黄鳝煲出名,就系清远鸡嘞!噍紧鸡髀嗰阵,老板赶到嚟同我哋斟咗几句。原来,我哋噍紧嘅唔系真正嘅「清远鸡」,而系「湖南鸡」,不过,佢有个鸡场喺清远,将啲「湖南鸡」养到一段时间,先至运嚟广州,当咗「清远鸡」噉卖。佢重话,而家真正嘅清远鸡好难食得倒嘞,除非上去清远搵农民屋企养嗰啲啦! 噍完湖南嚟嘅「清远鸡」,先知道「清远鸡」多数系流嘢。以后,大家记得带眼识「鸡」啊! |