粵協成員於《南方都市報》之《白話廣州》版專欄連載

highyun

原帖由 pippo 於 2007-12-11 16:56 發表 噉使唔使將我以前寫喺報紙嗰啲都放埋上嚟啊？

 

以前嗰啲就唔使喇，以後嗰啲自動自覺擺上嚟。

余OK

　　以上會員原創專欄文章上稿酬都係統一劃歸到協會共同賬戶嘅，所以其他成員嘅文未有摘錄到此。稿酬預留一部分作為協會發展基金，其餘喺聚會或其他合適時間再分發到個人。

gboss

原帖由 highyun 於 2007-12-12 11:00 發表   睇過精裝追女仔未？入面馮粹凡就係將啲粗口用晒水果代替。你啲粗口唔出得街架，唔改唔得。 G肉佬，繼續寫多啲好嘢啦。

 

 睇過，嗰啲經典嘢點會唔知。我會抽時間寫，難得大家咁支持！

yes

應該把「西關原居民」的大作推上報，可以的話找個出版商，好好發行一下，應該比曉原生那本《粵語口頭禪〉更受歡迎。

卢总

我出年嘅计划之一就系狠批饶原生嗰本《粤语口头禅》，希望大家支持！

UngooChan

奸人语录（二）
得闲奸一奸，大病都好返。
而家做黄飞鸿徒弟，真系咁多着数，系人都知啦。正所谓人间有情，你未死就送你一程①。
我哋啲奸人呢，聪明人就怕我。系啲笨人蠢人先会信我嘅啫。
一个纯情嘅少女忽然间发姣，真系一个谜。
女人过咗六十斤，男女授受不亲。
我哋呢啲浪子，系唔会等女人，只有女人等我。
我哋呢啲浪子，系唔会去揾阿爹，只会阿爹嚟揾我。
人哋扮靓系越扮越靓，唔系越扮越攞命吖嘛！一笃牛屎插朵花，始终都系一笃牛屎，你明唔明呀？②
一条死鱼掉返落海，佢始终系一条死鱼吖嘛，点解你唔接受自己就系一条死鱼呢？
你系丑，但丑系冇罪口架嘛，但系唔知丑就罪大恶极喎。
女人唔系鸡屎鸭屎，就系猪屎啦，我话你牛屎，讲紧你系最高级喎。
古语有云：嘢可以乱食，礼物唔好嫌多。③
宁可信其有，信咗唔使忧
注解：
①：「送人一程」，广州话除咗有「送行」之意，另一个意思表示「送人去死」，系「杀人」嘅委婉讲法。
②：广东俗语「一朵鲜花插喺牛粪上」，意思系「美女配臭男」。
③：巧改自「嘢可以乱食，说话唔可以乱讲」。

Ungoo Chan

UngooChan

「杨箕」点读
Q：前些天我从深圳坐和谐号列车到东站，再转地铁一号线到西门口，听到地铁的广播读「杨（发『仰』音）箕」，觉得有些不习惯。「杨」作为姓氏不是读作「阳光」的「阳」吗？当然如果叫人「老杨」也可以读「仰」。
A：读者此问题音韵学上可纳入「小称变调」范畴，简单嚟讲就系个别地名、昵称或其它词语喺口语中，一字受前后字声调或习惯讲法影响而发生声调改变。粤语常见嘅变调情况系阳平、阳去声变作阴上声，具体变调规则既有规律性又存在特殊性，限于篇幅唔细述。变调嘅成因多系民间为出于讲嘢顺口，改变字音可使之喺词语或句子中更动听（古人尤其注重音韵平仄悦耳）。就省港地名、称谓而言，此变调现象极为常见，兹举数例（加点字须变调）：黄沙、龙洞、沙面、沙河、油麻地、坚道（地名）；老刘、聋耳陈、小王、大肚黄、阿伦（人名）；永隆银行、美林证券（公司名）……
　　须注意另一现象，有啲地名如番禺石碁（「基」音，本应为「其」音，数年前曾有日本人指出过）、都那（「挪」音，非「哪」音）、南海鄱阳（「盘」音，非鄱阳湖之「播」音）等，均为当地约定俗成嘅讲法，若碰到呢种情况最好系名从主人，遵循其习惯讲法。

粤语协会

UngooChan

「刷」字点读
Q：我知道很多广州人都是讲刷牙（读「擦牙」）、刷卡（读「擦卡」），也听过少数人把「刷」读「狮乌压切」的，觉得这样来讲更准确也更加好听。因为「刷」和「擦」都是动词，但具体含义就是有所区别的。我觉得如果把这两者混淆起来的话，粤语会失去一点点精彩了。专家以为然否？
A：此问题非常有趣。将「刷」读作「狮乌压切」怕且系由普通话读音「硬译」成粤语读音，事实上「刷」粤语常见只有一个读音「擦」，查各种粤音字典，另有一异读音「煞（狮压切）」，但唔常用。对于读者提出因同音字会引起混淆，要以唔同读音嚟区分，实不敢苟同，皆因汉字同音字数目不在少数，但从未因此要将汉字读音彻底改革。而将普通话音与粤语音混淆，平白无故强加「刷」字粤语「狮乌压切」音，系不足为训嘅。普粤音混淆嘅例子有唔少，例如若对深笔字认识较深嘅读者，定知「鬱」、「郁」两字粤音唔同（分别为「屈」、「沃」音），五十年代简化汉字将两者合成「郁」，造成现时唔少操粤语人士将「郁闷」讲成「沃闷」，喺呢个层面上粤语确系失去咗一啲精彩。
另外「卡」系由英语card音译过嚟，香港就译作「咭」（与「卡」音有些少出入），粤语讲法多作「碌卡/咭）」，只不过唔少人承袭普通话讲法「刷卡」，先引发咗读者嘅问题，下次最好讲返「碌卡/咭」就冇有使怕「刷」「擦」混淆喇。

粤语协会

UngooChan

奸人语录（三）
牙死不能复生吖，牙牙相报何时了呢？①
我话你听，一个人唔好咁好功夫，你越好功夫呢就越咸湿。
一睇我哋就系苦命鸳鸯一双双。
有人睇到就黄飞鸿，冇人睇到就一条虫。
我啲噉嘅底，正所谓冇人冇物冇山头，唔好话做英雄，做灰熊都唔得啦。
鬼脚七用只脚嚟谂嘢嘅②，弊在佢只脚系跛个噃。
做阿妈已经难，做老举③阿妈更加难，我觉得你应该好好孝顺你阿妈至啱。
唔好爱上一个做大事嘅人。
切忌喺啲细嘅面前失威，你啱啱敷少少药嗌到好似女人生仔噉，你话几丢架。
你冇防范意识嘅，随便就走出街畀人劈，劈到好似猪肉噉，你不如去猪肉档做猪肉啦！
我咁辛苦捉你哋返嚟放咗你哋，我不如食饱饭去扣喉吖。
你够胆嚟我铺头点灯，我就响你门口点火。
哨牙就唔同喇，又易认，又抢眼，离远都见得到，唔见咗又容易揾返。
注解：
①：配合剧中哨牙妹形象，巧改自「冤冤相报何时了」。
②：话人冇脑，通常可以话人用××谂嘢，××可以指人体嘅其它器官，例如pet pet、肚，等。
③：「老举」唔系「老举人」，而系「妓女」，慎用！

Ungoo Chan

UngooChan

2007年12月18號《有問必答》
「婧」嘅读音
Q：本人有一个关于读音的问题想请教。我女儿名字里「婧」的广州音究竟读什么？根据普通话「婧jing

」与「静jing」同音，那么，习惯在广州音「婧」应该与「静」同音。但前几天，香港某电视台节目主持

人读「婧」为「倩」音。请问究竟在广州音里，「婧」与「静」同音，还是与「倩」同音？请指教！
A：查阅现时各类粤音字典，「婧」多以「静（粤拼zing6）」音标注，亦有人认为此字有其它读法，但未

提供到确凿理由，故综合多方意见我哋推荐仍以「静」音为佳。至于嗰位主持读成「倩」，怕且系因为佢

误以为两个字声旁相同就发音相同，类似嘅错误例子重有「烁」（音削soek3），好多人以为「烁」、「

砾」（音雳lik1）同音，就连谭校长首经典嘅《雾之恋》都唱成「或睡或现，闪『雳』不停」。既反映当

今部分广播传媒从业员质素唔过硬，懒音误音较多，亟待正视；又反映社会上多数人漠视正确读音、用字

，有边读边，「大概五个零」讲错音写错字亦不以为然，甚至标新立异（例如有家长为其子改名「鑫」，

本为「钦yam1」音，无中生有读作「鉴gaam3」），凡此种种可谓屡见不鲜。另外，虽然读者此例子咁啱

普粤音可以类比，但盲从以普通话音嚟推导粤语音有时亦未必保险，因为粤语保留古汉语音素较多，所以

读者有疑惑重系多啲查资料或来信本栏吧。

粤语协会

UngooChan

孔乙己（选段3）
原文：我从十二岁起，便在镇口的咸亨酒店里当伙计，掌柜说，样子太傻，怕侍候不了长衫主顾，就在外

面做点事罢。外面的短衣主顾，虽然容易说话，但唠唠叨叨缠夹不清的也很不少。他们往往要亲眼看着黄

酒从昙子里舀出，看过壶子底里有水没有，又亲看将壶子放在热水里，然后放心：在这严重监督之下，羼

水也很为难。所以过了几天，掌柜又说我干不了这事。幸亏荐头的情面大，辞退不得，便改为专管温酒的

一种无聊职务了。
粤译：我由十二岁开始，就喺镇口间咸亨酒店做伙记，掌柜话，我个样傻夹戆，怕招呼唔嚟啲长衫客，喺

出面做啲嘢算嘞。出面啲短衫客，虽然好相与①啲，但系咿咿哦哦九唔搭八嘅都咪话唔少。佢哋耐不时要

余OK

原帖由 yes 於 2007-12-23 08:58 發表 應該把「西關原居民」的大作推上報，可以的話找個出版商，好好發行一下，應該比曉原生那本《粵語口頭禪〉更受歡迎。

　　報社唔係好識貨，由一開始我哋經已推薦西關兄嘅原創專欄畀《南都》，到而家都重未登，而曾經亦問過《羊晚》記者，反應都不以為然。

南汉

我有个提议，讲解一下日常易读错音的字。

例如：茜、抓----

广州路易

（劇情）

周喺面檔攞著碗面後，狂踩！

（對白）

       周：鹼水面冇過冷河，所以成碗湯有鹼水味。魚蛋亦都冇魚味，但係你為咗掩飾，專登加啲咖喱汁將佢造成咖喱魚蛋，但係噉做太天真喇，因為你煮嘅時間唔夠，咖喱味根本只係喺表面，而冇入到裡邊，掂到湯之後仲要沖走埋。好好哋一粒咖喱魚蛋，畀你整到冇魚味亦都冇咖喱味，失敗！蘿蔔冇揀過，太多楂，失敗！豬皮又煮得太腍，冇咬口，失敗！啲豬紅鬆泡~，一夾就散，失敗中嘅失敗！最慘係啲大腸，裡邊都未通乾淨，仲有嚿屎，你有冇搞錯呀？

        周：喂，屎呀！！！

        火雞：攞去抆咗佢呀！

        周：唔好咁幽默好喎！我四圍唱你有屎咖~！

        火雞：唱乜鬼嘢呀？話明拿咋面有兩嚿屎有幾咁奇啊！廿三文呀！

         周：你俾我呀？比下便啦，話晒都係食神呀！

         火雞：食神？~~~

         周：係，食神！！！

        

 

highyun

原帖由 南汉 於 2007-12-24 20:54 發表 我有个提议，讲解一下日常易读错音的字。例如：茜、抓----

 

我都想，不過份報紙唔係我開嘅，唔係我話登乜就登乜。

卢总

咁好嘅提议，点解你唔做？

原帖由 南汉 於 2007-12-24 08:54 PM 發表 我有个提议，讲解一下日常易读错音的字。例如：茜、抓----

xiss

《白話廣州》我追住嚟睇架，加油努力啊粵協，加油努力啊《白話廣州》。

外外星人

白话广州

      ↑

  请厾入呢个网址查询！