[求助]請問"隔涉"應該點寫?

Kathy

請問"隔涉"應該點寫? 呢個詞應該解地方又偏遠又交通不便...

Anl

應該都係寫“隔涉”，同人口流動嘅地方隔得遠，長途跋涉。

highyun

anl在2005-06-26 18:23:01說道：[br]應該都係寫“隔涉”，同人口流動嘅地方隔得遠，長途跋涉。

“隔”同“爿妾”系一对意思相近嘅词，有可能系写“隔爿妾”

dada

𤗈牒[片妾][片枼] 好似係個聯綿詞﹐意思係「小楔﹐一曰簡也。」 同「隔」有啲關係嘅重有「攝」﹕「攝牙罅」﹐論語．先進：「千乘之國，攝乎大國之間。」

itxu2k

「攝灶罅」「攝牙罅」个本字都应该系『爿妾』 http://ifiles.tvb.com/ifiles/fun/fun40.html (tvb度好多典故睇,严重推荐!) 但ungoo度认为『攝』同『楔』,似乎两字唔同音.我语文水平真系又水又平,分唔出 em14: http://www.cantonese.asia/ungoo/master/origin2.htm

highyun

我都犹疑紧“爿妾”呢个本字系咪应该用“攝”代替

dada

「𤗈」[片妾]係就算打出都唔一定顯示到嘅生僻字﹐係本字都冇用。不如用個「攝」字﹐喺《論語》已經用過﹐又已經係動詞。

Anl

今次我除咗用《廣州話詞典》做參考之外，再提供一個網址http://hanyu.chi.cuhk.edu.hk/pinyin2.asp?py=gaak 都係寫“隔涉”，你哋覺得用“片妾”或“攝”會唔會個人認爲呢？

itxu2k

anl在2005-06-28 18:37:10說道：[br]今次我除咗用《廣州話詞典》做參考之外，再提供一個網址http://hanyu.chi.cuhk.edu.hk/pinyin2.asp?py=gaak 都係寫“隔涉”，你哋覺得用“片妾”或“攝”會唔會個人認爲呢？

讲得啱,喺粤语现状系七国咁乱嘅今日,我哋认定任何嘢都要有足够证据 所以而家大家都系靠估,都未足以够说服力

dada

原來「隔涉」本來唔係粵語專用詞彙。 《國語辭典》﹕「隔涉﹐比喻旅途遙遠。明．高明．琵琶記．拐兒脫騙：『你傳示俺八旬爹媽，道與我兩月妻房，隔涉萬水千山。』」 《高級漢語詞典》﹕「又如﹕隔涉（遠隔）」 另外﹐宋朝《朱子語類．卷第七十八》﹕「『殛鯀於羽山』，想是偶然在彼而殛之。程子謂『時適在彼』是也。若曰罪之彰著，或害功敗事於彼，則未可知也。大抵此等隔涉遙遠，又無證據，只說得箇大綱如此便了，不必說殺了。才說殺了，便受折難。」

Anl

dada去邊度搵到咁多資料？你手頭上有咁多資料嘅咩？

dada

《國語辭典》引用明朝資料﹐我好辛苦先搵到宋朝資料﹐都幾歡喜。喺網上搵嘢唔係咁易﹐好多時講彩數。

使君子

一日一句广州话之「隔涉」

类别:人文历史      版次:GA38   版名:广州读本 知道   稿源:南方都市报   2009-12-31

作者:阮慧怡    教师、语言文字爱好者

    例句：2009年最后一期经适房未算隔涉，谂得过，申请啦！

    该经适房位于聚德和郭村两个地方，地处城乡交界，但是由于均价为四千多元一平米，买者还是众多，地段是否「隔涉」，已成为次要考虑因素了。

    诗云「牛郎织女本天仙，隔涉银河路杳然。」牛郎织女由于银河相阻，一年才可会面一次，隔涉的是星途迢迢。现代打工者离乡别井到外地赚钱，与家乡隔涉的是万水千山。

    口语中的隔涉一般指由于所指的地点远隔闹市区，因此带来的交通不便和一系列的生活不便。最近湖南长沙市郊的一个新楼盘打出了四千多元的单价，本来是个非常隔涉的地方，划不来。但是高铁开通后，长沙站就建在那里，它就此变得抢手了。