****请教一句话粤语怎么说法?****

ww6161

请教 " 花园内到处都是狗的粪便, 请不要让小狗在花园那乱拉屎"

用粤语怎么说,先谢谢了?

卢总

花园内到处都系狗屎，请唔好畀啲狗仔喺花园里面（周围）乱屙屎！

芬1012

唔係「花園度」就得嘅嚕咩？

ww6161

多谢!!卢总

ww6161

请教"小便" "大便"(用作动词)粤语说法是否与普通话不一样 ?   而且人与动物是否应不同讲法? 多谢! 

卢总

两广人出恭系比较正经嘅，一个「屙」字搞掂，而且呢个「屙」字系解「上厕也」，即系有特定嘅场所，唔会乱嚟。

唔似得普通话噉「撒尿」－－好似淋花噉，可见佢哋周不时四围施肥；「拉屎」－－五谷轮回之物唔可以自动排出，要用人手去牵扯，应该同佢哋肉食太多，消化不良有关！

两广地区嘅动物都系「屙屎」「屙尿」，全世界嘅鱼类、鸟类、两栖类同爬行类都系屎尿不分，由同一个出口－－泄殖腔排放嘅！不过普通话区嗰啲都系消化不良嘅－－要「拉」先得。

卢总

原帖由 ww6161 於 2007-11-5 01:26 AM 發表 多谢!!卢总

唔使多谢，唔该得嘞！

畅谈广州话　·　「唔该」同「多谢」系有分别嘅！

http://general-lo.blogcn.com/diary,2223783.shtml

highyun

主帖標題「请教一句话粤语怎么说法?」有若干語病

以下幾種講法：

請教一句話的粵語說法。

這句話的粵語怎麽說？

請教怎麽用粵語說一/這句話。

……

 

都係正確嘅，但標題嗰句，一方面「請教」同「一句話粵語怎麽說法」搭配唔到，另一方面作爲賓語部分嘅「一句話」同「粵語怎麽說法」亦搭配唔到。再者，由「請教」帶出嘅內容，總體上表示陳述，唔可以跟問號。……

誠懇建議樓主學粵語之前先學好中文。

卢总

学好粤语就已经系学好中文啦！

睇下呢个论坛粤语了得嘅人，有边个嘅中文唔系夸啦啦？

睇下其它论坛嗰啲唔识粤语嘅人，唔系经常「高山滚鼓」咩？

唔三唔四蠢魚

花园狗屎多，请勿再来屙。

大雄

原帖由 卢总 於 2007-11-5 13:07 發表 两广人出恭系比较正经嘅，一个「屙」字搞掂，而且呢个「屙」字系解「上厕也」，即系有特定嘅场所，唔会乱嚟。 唔似得普通话噉「撒尿」－－好似淋花噉，可见佢哋周不时四围施肥；「拉屎」－－五谷轮回之物唔可以自动排出，要用人手去牵扯，应 ...

卢总解析得好生动、?鬼吖
[ 本帖最後由 大雄 於 2007-11-7 19:57 編輯 ]

卢总

哈哈哈！指桑骂槐呢家嘢，舍我其谁？

Lucciora

花园内到处都是狗的粪便, 请不要让小狗在花园那乱拉屎

 

花園入邊周圍都係狗屎，唔該唔好畀啲狗仔喺花園度屙屎

 

 

 

中二仔

原帖由 卢总 於 2007-11-5 13:27 發表 唔使多谢，唔该得嘞！畅谈广州话　·　「唔该」同「多谢」系有分别嘅！ http://general-lo.blogcn.com/diary,2223783.shtml

而家普遍上大俗用嘅唔該同多謝好似已經無乜分別喇喎.

ww6161

真系唔该晒卢总,highyun,Lucciora,唔三唔四蠢魚等嘅解答同埋指正！不过，唔知「唔該」同「多謝」究竟有乜野区别啊？

李四

人地幫你忙時，你要講唔該；人地送禮時，你要講多謝。
依家我解答你問題，你要同我講唔該。你今晚請我食飯，我就要多謝你喇。

ww6161

李四嘅解答令到我清楚好多.

 

 再请教多一句 " 请将狗屎收拾(清除) 干净"粤语点样讲啊?   唔该各位先!

卢总

原帖由 ww6161 於 2007-11-14 11:34 AM 發表 真系唔该晒卢总,highyun,Lucciora,唔三唔四蠢魚等嘅解答同埋指正！不过，唔知「唔該」同「多謝」究竟有乜野区别啊？

乜你冇睇到嘅咩？！

畅谈广州话　·　「唔该」同「多谢」系有分别嘅！

http://general-lo.blogcn.com/diary,2223783.shtml

ww6161

唔好意思啊, 卢总, 未仔细睇你嘅博客, 睇黎要好好甘拜读你嘅文章拉!

卢总

正字应该系：

唔好意思啊, 卢总, 未仔细睇你嘅博客, 睇嚟要好好噉拜读你嘅文章先得嘞／喇!