西班牙嘅粵語——加泰蘭

木棉

我一直都觉得，喺世界其他地方，可能都有一种或者多种语言面对住同粤语类似嘅境况，我哋可以睇下佢哋嘅经验或者教训，更好咁保存同发扬粤语。就依家来睇，有西班牙嘅加泰兰语同英国嘅威尔士语，其中加泰兰语同粤语喺地位、文化等方面尤为相似。下边我哋来睇下。 加泰罗尼亚自治区（Catalunya）位于西班牙东北部，係西班牙最有米嘅省份之一。形似三角形，北部与法兰西共和国和安道尔、西部与阿拉贡、南部与巴伦西亚（Valencia）相邻,东部面向地中海，首府巴塞罗那。呢个地区自古以来就係工商业重镇，喺13、14世纪加泰兰人曾经垄断地中海西部嘅海上贸易，今日佢嘅纺织、冶金、食品、化工、平面艺术等都处于领先地位，旅游业十分之发达。经济好，外来人自然就多，喺巴塞罗那一带就聚集咗大量西班牙内陆人。 加泰兰人热爱自由，中意冒险，性格火爆。佢哋对传统文化十分之珍爱，作为加泰兰人对佢哋係一种无上光荣。安东尼高迪（Antoni Gaudi）,西班牙最伟大嘅天才建筑师，就係加泰兰人。查实佢嗰样唔似嗰边人，但係如果有人够胆同佢咁讲佢当场就会爆炸。同我哋一样，佢哋都好中意美食，尤其係海鲜同大米。 加泰兰语（Catalan, 有啲翻译为伽泰蓝语）係加泰罗尼亚地区嘅语言，通用于巴塞罗那至到巴伦西亚一带，阿拉贡及穆西亚嘅部分地区，安道尔公国同法国南部，目前有大概1200万人使用。喺加泰罗尼亚，佢同卡斯蒂利亚语（标准西班牙语）一样係官方语言。加泰兰语大概形成于10到11世纪，喺欧洲都算历史悠久啦。大概到12世纪下半叶，用加泰兰文书写嘅公文已经出现。 喺十八世纪，波旁王朝嘅腓力五世成为西班牙国王。佢取消咗加泰罗尼亚嘅自治政府，禁止加泰兰语作为官方语言，关闭当地大学。自1716年起，西班牙君王一直喺西班牙其他地区吸收加泰罗尼亚语。不过到19世纪，随住经济同文化嘅复苏，加泰兰语终于喺一批优秀嘅西班牙文学家嘅努力之下重岀江湖。 不过喺当时，加泰兰语重係冇统一嘅书写标准。于是乎，加泰兰语研究学会喺1907年成立，1913年「加泰兰正字法」（应该係「加泰兰文拼写标准」）颁布，1917年同1918年，《加泰兰字典》及《加泰兰语法标准》相继问世。 加泰罗尼亚喺1933年重新获得咗自治权，但係喺1939年西班牙内战之后，国家主义者嘅胜利又为加泰兰语带来咗灾难。佛朗哥政府颁布法律禁止喺公共场所使用加泰兰语，加泰兰语退缩到家门之后。 所幸加泰兰人从来都冇停止过对自由嘅追求。1977年佛朗哥拉柴之后，加泰罗尼亚获得有限嘅自治，1979年获得全面自治。加泰兰语亦都喺1990年被承认为一门独立嘅欧洲语言，并喺1992年嘅巴塞罗那奥运会上作为一门官方语言被使用。 （听闻有巴塞罗那波添要求队员都要识加泰兰文添！我唔睇波所以具体都唔係好清楚）

芬1012

相同嘅歷史……

 

真係好似，真係好似……

木棉

所以就话粤语嘅问题就係世界嘅问题！我哋唔係孤单嘅，世界上重有好多人都面对住同样嘅问题。随住全球化势头越来越劲，咁嘅问题都会越来越严重！我真係希望我哋廣東人都有加泰兰人嘅精神吖～～当然啦，有冇好似加泰兰语咁嘅待遇就难讲咯～

其实本土化嘅问题都值得班推普机思考噶！If佢哋可以以民族统一嘅名义扼杀广东话，咁係咪美国都可以用世界民族大统一嘅理由灭杀汉语，或者任何一种比汉语更加强大嘅，又睇汉语唔顺眼嘅语言就可以汤埋汉语呢？！！

卢总

开推普机嘅人系唔识思考嘅－－因为佢哋通常都系用个屎窟嚟谂嘢嘅，所以佢哋谂出嚟嘅嘢同做出嚟嘅嘢……可想而知！

 

唔该，你咁长篇大论，分一分段先好唔好？