|
為該樂隊嘅主音歌手 ，蓮花樂隊組成時為演奏樂隊，除咗主音歌手許冠傑以外，其他四名成員包括：周華年（主音結他）、張浚英（鼓手）、蘇雄（低音結他）、李松江（旋律結他）。1967年該樂隊以Lotus名義為鑽石唱片公司（香港環球唱片公司及寶麗多、寶麗金唱片公司之前身）出版細碟《Just a Little》及《I'll be waiting》而喺當時嘅香港樂壇上聲名大噪。
Albert兄：你帖嘅圖片當中，彈結他、戴住副墨超嗰位大隻佬，正係周華年，此君彈結他嘅技藝相當高，甚有才華，仲曾經短暫噉被傳係關菊英嘅男友，佢係蓮花樂隊嘅主音結他手，可惜佢英年早逝，86年就因患白血病離世，而喺85年嘅時候，許冠傑仲專門為佢搞咗一個慈善籌款演唱晚會添，1987年許冠傑喺《相識廿載演唱會》中，仲為咗紀念呢位已仙逝嘅老友而專門唱咗一曲蓮花樂隊時期嘅英文歌《Just A little》.
你貼嘅第二張圖片，冇錯，就係張浚英（鼓手）及蘇雄（低音結他）。幾年前見過張浚英上電視接受采訪，但蘇雄就與另一為成員李松江都不知所蹤嘞。
蓮花樂隊除咗呢幾個人以外，仲曾經喺70年代中後期迎來過另外3位成員黃光耀、蔡建鴻、唐樹芬嘅加盟。 | 
發表於 2007-10-14 12:05:25
發表於 2007-10-14 13:20:13
