楼市整治，搞清咩事

卢总

　　街坊话事　　
　　
　　□Inzaggio　　
　　
　　阿锋：万五蚊一方，万八蚊一方，哗！点买得落啊……呢度好啲，一万左右，唉，偏到地图入面都差啲揾唔到……

　　斌斌：做咩牙痛噉声啊？唔使问阿贵，肯定又睇紧楼市广告嘞。不过之前唔係又出咗一条政策嘅咩，话将买第二间楼嘅首期提高到四成以上，希望借此打压炒楼风。乜条政策唔work咩？

　　阿锋：係啊，发改委份报告仲话，今后一段时期係房地产市场调控嘅关键期，要喺信贷、税收政策上合力稳定楼价。不过措施好似并未收效啰。

　　斌斌：啲人将啲屋当股票黄金噉爱嚟炒嘛，加之需求又大喔，噉调控措施咪冇乜效啰。

　　阿锋：不过屋唔係普通商品喔，除咗要讲求市场价格外，亦都要考虑非经济性嘅需要。所以其实调控房地产市场，政府就应该要先搞清楚最基本嘅问题，就是点解要调控？究竟要调控啲乜？是要压抑楼价定係防止银行过量提供信贷到房地产，容易产生金融危机嘅风险？抑或广大市民住冇好住，政府必须介入到市场调节？

　　斌斌：冇错，真係要搞清基本问题先可以对症落药。我哋梗係认为目前房地产市场首要目标係帮助市民安居先嘞，安居先可以乐业吖嘛。唔好再鼓励嗰啲带有投资性质嘅商品楼发展嘞。

　　阿锋：要完成呢个转变可能要好耐时间，因为之前其它压抑楼市嘅措施收效都唔显著。不过相信呢种高压态势将会持续相当长嘅一段时间，希望我个孙可以睇到呢一日啦。

　　斌斌：你个孙？谂坏脑啊你，畀啲心机揾钱买间屋结婚先嘞！

 

http://www.nanfangdaily.com.cn/southnews/dd/dsb/B13/200710120549.asp

卢总

　　阿锋：万五蚊一方，万八蚊一方，哗！点买得落啊……呢度好啲，一万左右，唉，偏到地图入面都差啲揾唔到……

　　斌斌：做咩牙痛噉声啊？唔使问阿贵，肯定又睇紧楼市广告嘞。不过之前唔系又出咗一条政策嘅咩，话将买第二间楼嘅首期提高到四成以上，希望借此打压炒楼风。乜条政策唔work咩？

　　阿锋：系啊，发改委份报告重话，今后一段时期系房地产市场调控嘅关键期，要喺信贷、税收政策上合力稳定楼价。不过措施好似并未收效啰。

　　斌斌：啲人将啲屋当股票黄金噉爱嚟炒嘛，加之需求又大喔，噉调控措施咪冇乜效啰。

　　阿锋：不过屋唔系普通商品喔，除咗要讲求市场价格外，亦都要考虑非经济性嘅需要。所以其实调控房地产市场，政府就应该要先搞清楚最基本嘅问题，就系点解要调控？究竟要调控啲乜？系要压抑楼价定系防止银行过量提供信贷到房地产，容易产生金融危机嘅风险？抑或广大市民住冇好住，政府必须介入到市场调节？

　　斌斌：冇错，真系要搞清基本问题先可以对症落药。我哋梗系认为目前房地产市场首要目标系帮助市民安居先啦，安居先可以乐业吖嘛。唔好再鼓励嗰啲带有投资性质嘅商品楼发展嘞。

　　阿锋：要完成呢个转变可能要好耐时间，因为之前其它压抑楼市嘅措施收效都唔显著。不过相信呢种高压态势将会持续相当长嘅一段时间，希望我个孙可以睇到呢一日啦。

　　斌斌：你个孙？谂坏脑啊你，畀啲心机揾钱买间屋结婚先啦！