２００７年１０月９号《南方都市报》

卢总

羊城「淑男」　

 

　　例汤正　　
　　
　　□老饼专栏　　
　　
　　今日汤料：话说「西关小姐」海选即将启动，面对评选不设门槛、不限地域引来的各种议论，专家认为，粤语作为传播、体现西关文化的重要方式，应该列入评选考察项目，即使是外地女孩参加评选，也应考察其粤语水平。　　
　　
　　图：
　　俺明明是淑女，就因为不是羊城人，竟然不让我参赛！　　
　　
　　你说这不是地域歧视吗？！　　
　　何止呀，仲有性别歧视添！　　
　　
　　我明明係羊城人，就因为唔係淑女，竟然都唔畀我参赛！

 

http://www.nanfangdaily.com.cn/southnews/dd/dsb/B12/200710090489.asp

卢总

 

　　今日汤料：话说「西关小姐」海选即将启动，面对评选不设门槛、不限地域引来的各种议论，专家认为，粤语作为传播、体现西关文化的重要方式，应该列入评选考察项目，即使是外地女孩参加评选，也应考察其粤语水平。　　

　　
　　图：
　　俺明明是淑女，就因为不是羊城人，竟然不让我参赛！　　
　　
　　你说这不是地域歧视吗？！　　
　　何止呀，重有性别歧视添！　　
　　
　　我明明系羊城人，就因为唔系淑女，竟然都唔畀我参赛！

卢总

　　街坊话事　　
　　
　　□韦倩妮　　
　　
　　嘉嘉：妈，学校要交钱买新校服吖。
　　表姨：我都唔知你间学校係咪做「时装表演」嘅。上年你係初中新生，要你买两套夏装、两套冬装校服我冇嘢讲。依家升初二新学期啱先开学，又话要买新校服，你地边着得咁多啊？最重要係有冇咁嘅需要？
　　嘉嘉：学校话要统一形象哦。依家学校外墙翻新过，旧校服颜色同校徽设计都同依家学校形象唔搭配。
　　表姨：咩都由佢噏，当初又唔考虑清楚。好似我地啲家长个个都开银行嘅，有钱冇定使。今次又要交几多钱吖？
　　嘉嘉：340蚊，学校话为节省我地嘅开支，已经订少咗一套冬装啰哦！
　　表姨：有鬼用啊，一样係咁贵。人地请我去饮啊，我去造套西装一百蚊都搞掂。何况，你嗰两套夏装校服仲係短衫短裤，又唔係名牌，都係杂牌工厂生产出嚟嘅ｃｈｅａｐ嘢。
　　嘉嘉：我睇过啲样板，新校服啲颜色老土到死，又係尼龙质地，着上身又係热到死。
　　表姨：总之，你返去同你老师讲，要将啲旧校服退返去啊，唔通放喺屋企等发臭呀？
　　嘉嘉：吓，唔好啩，我好瘀嘎。一係将旧校服捐畀贫困山区嘅学生啦。
　　表姨：平时叫你做嘢就推三推四，学校叫你嘅就照单全收。我辛辛苦苦赚返嚟嘅钱，就用嚟买呢啲废物嘅？一唔要喇，然后就当「垃圾」噉送畀人。
　　嘉嘉：我都好烦，我都唔想嘥你钱。

 

http://www.nanfangdaily.com.cn/southnews/dd/dsb/B12/200710090487.asp

卢总

　　嘉嘉：妈，学校要交钱买新校服啊。
　　表姨：我都唔知你间学校系咪做「时装表演」嘅。上年你系初中新生，要你买两套夏装、两套冬装校服我冇嘢讲。而家升初二新学期啱先开学，又话要买新校服，你哋边着得咁多啊？最重要系有冇噉嘅需要？
　　嘉嘉：学校话要统一形象哦。而家学校外墙翻新过，旧校服颜色同校徽设计都同而家学校形象唔搭配。
　　表姨：乜都由佢噏，当初又唔考虑清楚。好似我哋啲家长个个都开银行嘅，有钱冇碇使。今次又要交几多钱啊？
　　嘉嘉：340蚊，学校话为节省我哋嘅开支，已经订少咗一套冬装啰噃！
　　表姨：有鬼用啊，一样系咁贵。人哋请我去饮啊，我去做套西装一百蚊都搞掂。何况，你嗰两套夏装校服重系短衫短裤，又唔系名牌，都系杂牌工厂生产出嚟嘅ｃｈｅａｐ嘢。
　　嘉嘉：我睇过啲样版，新校服啲颜色老土到死，又系尼龙质地，着上身又系热到死。
　　表姨：总之，你返去同你老师讲，要将啲旧校服退返去啊，唔通放喺屋企等发臭呀？
　　嘉嘉：下，唔好啩，我好瘀咖。一系将旧校服捐畀贫困山区嘅学生啦。
　　表姨：平时叫你做嘢就推三推四，学校叫你嘅就照单全收。我辛辛苦苦赚返嚟嘅钱，就用嚟买呢啲废物嘅？一唔要嘞，然后就当「垃圾」噉送畀人。
　　嘉嘉：我都好烦，我都唔想嘥你钱。

卢总

　　羊城讲古台　　
　　
　　□庞力行　　
　　
　　喺广州一德路有座石室，又叫做圣心大教堂，係一座哥特式风格，双尖塔中西结合嘅花岗岩石建筑物，佢係由法国人设计，中国人建造，历时25年先至建成。雄伟嘅造型同精湛嘅建筑技术，可同法国巴黎圣母院相媲美。
　　喺第二次鸦片战争嘅时候，英法联军攻陷广州，将当时喺一德路嘅清朝两广总督行署夷为平地，法国天主教传教士明稽章似住法国侵略军嘅势力，强占咗依块地用嚟建造圣心大教堂。
　　就喺石室主体工程完成嘅时候，传教士明稽章嚟到石室圣母玛丽亚嘅像前祈祷，话要喺石室广场周围建造一批大小石亭，将圣母、耶稣同各圣徒嘅石像安放上去，供信徒同子民瞻仰、朝圣。谂唔度，圣母玛丽亚真係显现喺讲经坛上面：主啊，看看您的门徒吧，他们在发动战争、杀戮异国子民、烧毁房舍、强占土地，我等有何面目在此土地上面对子民？降罪吧，惩罚这些沾满罪孽的门徒吧！阿门。明稽章原先以为筹建石室有功，安放圣母、耶稣石像係传扬天主教嘅好方式，依家听度圣母噉样怪罪落嚟，先知道自己罪孽已经唔轻吖，当场吓得魂飞魄散，瘫咗喺地下起唔返身咯。呢次之后，明稽章就病咗嘞，口中时时叫住「罪孽」，返度法国后就一命呜呼，死咗嘞。
　　1888年，圣心大教堂全面竣工，明稽章已死咗两年，终归冇睇度石室嘅雄伟全境。广场周围建造石亭安放神像嘅事亦冇人再提起，一百几年嚟，石室广场都係噉个样，一直都係冇石像口架。

 

http://www.nanfangdaily.com.cn/southnews/dd/dsb/B12/200710090486.asp

卢总

　　喺广州一德路有座石室，又叫做圣心大教堂，系一座哥德式风格，双尖塔中西结合嘅花岗岩石建筑物，佢系由法国人设计，中国人建造，历时25年先至建成。雄伟嘅造型同精湛嘅建筑技术，可同法国巴黎圣母院相媲美。
　　喺第二次鸦片战争嘅时候，英法联军攻陷广州，将当时喺一德路嘅清朝两广总督行署夷为平地，法国天主教传教士明稽章恃住法国侵略军嘅势力，强占咗依块地用嚟建造圣心大教堂。[「似」住法军嘅势力有咩用啊？]
　　就喺石室主体工程完成嘅时候，传教士明稽章嚟到石室圣母玛丽亚嘅像前祈祷，话要喺石室广场周围建造一批大小石亭，将圣母、耶稣同各圣徒嘅石像安放上去，供信徒同子民瞻仰、朝圣。谂唔到，圣母玛丽亚真系显现喺讲经坛上面：主啊，看看您的门徒吧，他们在发动战争、杀戮异国子民、烧毁房舍、强占土地，我等有何面目在此土地上面对子民？降罪吧，惩罚这些沾满罪孽的门徒吧！阿门。明稽章原先以为筹建石室有功，安放圣母、耶稣石像系传扬天主教嘅好方式，依家听到圣母噉样怪罪落嚟，先知道自己罪孽已经唔轻嘞，当场吓得魂飞魄散，瘫咗喺地下起唔返身咯。呢次之后，明稽章就病咗嘞，口中时时叫住「罪孽」，返到法国后就一命呜呼，死咗嘞。
　　1888年，圣心大教堂全面竣工，明稽章已经死咗两年，终归冇睇到石室嘅雄伟全境。广场周围建造石亭安放神像嘅事亦冇人再提起，一百几年嚟，石室广场都系噉个样，一直都系冇石像ロ架。

 

究竟系打字者嘅问题，还是呢个庞力行乡下嘅问题呢？竟然将个「到」字全部用咗「度」都有嘅！

卢总

　　广州往事　　
　　
　　□冯富华　　
　　
　　喺五十年前，收音机係相当稀缺嘅「家用电器」。好多凉茶铺都会摆部收音机喺柜台，开住部收音机，就会有好多人围埋去听，噉佢哋啲生意咩就好做啰。
　　嗰时啲学生仔，好多都自己嵌收音机口架。不过就唔係而家大家见惯见熟嗰种半导体收音机，而係矿石收音机。嗰啲矿石收音机好易装嵌嘅啫，不过就要喺屋顶安条蜘蛛网天线，仲要戴个耳塞嚟听，好唔方便口架。你以为可以学而家啲后生仔后生女噉，一路行一路听嗰啲ＭＰ3咩，唔得口架！因为佢要拖住条天线至听得到，而且天线越高越好，而嗰阵时，广州多数都係平房，只有个别係三四层楼高嘅楼房啫，所以好难将条天线栋得好高。
　　到咗上世纪六十年代中期，电子管收音机开始普及，大概一个普通工人两个月工资就可以买一部，但仲係有好多人都买唔起口架。到咗一九七几年，半导体收音机真正嘅走入百姓屋企，成为咗大家除咗报纸之外，唯一嘅了解国家大事同埋娱乐嘅工具。

 

http://www.nanfangdaily.com.cn/southnews/dd/dsb/B12/200710090485.asp

卢总

　　喺五十年前，收音机系相当稀缺嘅「家用电器」。好多凉茶铺都会摆部收音机喺柜台，开住部收音机，就会有好多人围埋去听，噉佢哋啲生意就咩都好做嘞。
　　嗰时啲学生仔，好多都自己嵌收音机ロ架。不过就唔系而家大家见惯见熟嗰种半导体收音机，而系矿石收音机。嗰啲矿石收音机好易装嵌嘅啫，不过就要喺屋顶安条蜘蛛网天线，重要戴个耳塞嚟听，好唔方便ロ架。你以为可以学而家啲后生仔后生女噉，一路行一路听嗰啲ＭＰ3咩，唔得ロ架！因为佢要拖住条天线至听得到，而且天线越高越好，而嗰阵时，广州多数都系平房，只有个别系三四层楼高嘅楼房啫，所以好难将条天线戙得好高。[「栋」只系作量词用，或者系「横梁」；而「戙」先至有「竖立」嘅意思。]
　　到咗上世纪六十年代中期，电子管收音机开始普及，大概一个普通工人两个月工资就可以买一部，但重系有好多人都买唔起ロ架。到咗一九七几年，半导体收音机真正噉走入百姓屋企，成为咗大家除咗报纸之外，唯一了解国家大事同埋娱乐嘅工具。

 

好明显，呢篇文章唔系「写」出嚟嘅，而系「译」出嚟嘅——将普通话直接翻译成广州话，所以有好多唔合理、唔通顺嘅地方。

卢总

　　同声同气　　
　　
　　□阿展专栏　　
　　
　　1.我哋唔使惊佢哋！（我们不用怕他们！）
　　——沈祥福教练带领广州足球队冲超成功。在上海对七斗星赛前接受访问时，他爆出一句粤语。
　　2.呢个黄金周最爽就係瞓觉瞓到自然醒。日日瞓觉、食饭、打机，不过就觉得有啲浪费。（这个黄金周最爽就是睡到自然醒，天天睡觉、吃饭、打机，不过就觉得有点浪费。）
　　——一个街坊这样总结他的黄金周。
　　3.第日早啲出门搭车啦。（以后早点出门坐车吧。）
　　——一大早，一位街坊骑着电动自行车送儿子上学，自己上班，由于比平时迟了十分钟，交警已经上岗，结果被交警罚款50元。开完罚单后，交警很礼貌地跟她这么讲。
　　4.望乜嘢望，未见过靓女呀？（看什么看，没见过美女吗？）
　　——几个穿着校服的学生在一个士多前喝汽水、抽烟，不时引起路人的注目，忽然，一个女学生对一个路过的阿婆这样说。

 

http://www.nanfangdaily.com.cn/southnews/dd/dsb/B12/200710090484.asp

卢总

　　1.我哋唔使惊佢哋！（我们不用怕他们！）
　　——沈祥福教练带领广州足球队冲超成功。在上海对七斗星赛前接受访问时，他爆出一句粤语。
　　2.呢个黄金周最爽就系瞓觉瞓到自然醒。日日瞓觉、食饭、打机，不过就觉得有啲浪费。（这个黄金周最爽就是睡到自然醒，天天睡觉、吃饭、玩电子游戏，不过就觉得有点浪费。）
　　——一个街坊这样总结他的黄金周。
　　3.第日早啲出门搭车啦。（以后早点出门坐车吧。）
　　——一大早，一位街坊骑着电动自行车送儿子上学，自己上班，由于比平时迟了十分钟，交警已经上岗，结果被交警罚款50元。开完罚单后，交警很礼貌地跟她这么讲。
　　4.望乜嘢望，未见过靓女呀？（看什么看，没见过美女吗？）
　　——几个穿着校服的学生在一个士多前喝汽水、抽烟，不时引起路人的注目，忽然，一个女学生对一个路过的阿婆这样说。

卢总

　　粤讲粤俗　　
　　
　　□何颖珊专栏　　
　　
　　周星驰《大话西游》里面，紫霞对至尊宝说：「你而家係我嘅人了，如果有人吓你，你挞我个朵啦。从今日起，我叫盘丝大仙。」——可知「挞朵」很有用，挞一个有分量的人的朵，轻则消费打个折，重则可免却生命危险。
　　「挞朵」是个江湖术语，挞自己的朵就是表明自己的身份、名堂，希望得到好处；挞别人的朵，就是表明自己和那人的关系，借别人身份得到好处：「你老世係我老死喔。」诸如此类。
　　《语海·秘密语分册》里有解释：「挞朵，清末广东盗匪集团指打出靠山的招牌，以吓倒对方。」挞，是打出，亮出，有那种一挥而就的潇洒。至于朵，就说来话长。
　　历史记载，钱塘江上有种大船，船上有女儿人家，天天打扮得花枝招展，脸上涂脂抹粉，插花带朵，终日流连在船头上，勾引公子哥儿上船玩耍。「朵」指花朵，而花朵就是指这些做活招牌的女人们，被引用为招牌。挞朵，就是亮出招牌。
　　黑话变成俗话有很多，我们现在不知不觉中，说不定开口埋口都是黑话呢。ＰＫ以前专指「扑街」，在广州话中算是颇粗的粗口。但自从超女盛行后，ＰＫ由黑转白，变成挑战、搞掂、杀死、末位淘汰等多意，并在报刊、电视所有大众媒介中大行其道。
　　ＰＫ，扑街，原是黑社会中狠毒的咒语。在加入黑社会时要举行一种仪式，并发毒誓，其中有：「死在街头无人识，元宝做棺材，乌蝇做孝子。」可笑的是连咒语都很有意境，苍蝇来叮尸体，居然可以想象是孝子痛哭的形象，真是死得很有想像力。
　　「依间饭店啲嘢食好正斗。」那么正气的「正斗」真想不到也是黑社会的江湖术语。清末天地会引众入会时，以竹插地，糊纸作门，称为「木杨城」，嘱令入会者由此门进入「城」内，结为兄弟。之后黑社会团体以木斗作为木杨城的代替物。每个黑社会都有一个正统的斗，像佛教的衣钵那样代代相传。正统的斗叫正斗，现在早就引申为正牌、正货，好嘢、坚嘢的意思。

 

http://www.nanfangdaily.com.cn/southnews/dd/dsb/B12/200710090483.asp

卢总

　　周星驰《大话西游》里面，紫霞对至尊宝说：「你而家系我嘅人喇，如果有人虾你，你挞我个朵啦。从今日起，我叫盘丝大仙。」——可知「挞朵」很有用，挞一个有分量的人的朵，轻则消费打个折，重则可免却生命危险。
　　「挞朵」是个江湖术语，挞自己的朵就是表明自己的身份、名堂，希望得到好处；挞别人的朵，就是表明自己和那人的关系，借别人身份得到好处：「你老世系我老死喔。」诸如此类。
　　《语海·秘密语分册》里有解释：「挞朵，清末广东盗匪集团指打出靠山的招牌，以吓倒对方。」挞，是打出，亮出，有那种一挥而就的潇洒。至于朵，就说来话长。
　　历史记载，钱塘江上有种大船，船上有女儿人家，天天打扮得花枝招展，脸上涂脂抹粉，插花带朵，终日流连在船头上，勾引公子哥儿上船玩耍。「朵」指花朵，而花朵就是指这些做活招牌的女人们，被引用为招牌。挞朵，就是亮出招牌。
　　黑话变成俗话有很多，我们现在不知不觉中，说不定开口埋口都是黑话呢。ＰＫ以前专指「仆街」，在广州话中算是颇粗的粗口。但自从超女盛行后，ＰＫ由黑转白，变成挑战、搞掂、杀死、末位淘汰等多意，并在报刊、电视所有大众媒介中大行其道。
　　ＰＫ，仆街，原是黑社会中狠毒的咒语。在加入黑社会时要举行一种仪式，并发毒誓，其中有：「死在街头无人识，元宝做棺材，乌蝇做孝子。」可笑的是连咒语都很有意境，苍蝇来叮尸体，居然可以想象是孝子痛哭的形象，真是死得很有想象力。
　　「依间饭店啲嘢食好正斗。」那么正气的「正斗」真想不到也是黑社会的江湖术语。清末天地会引众入会时，以竹插地，糊纸作门，称为「木杨城」，嘱令入会者由此门进入「城」内，结为兄弟。之后黑社会团体以木斗作为木杨城的代替物。每个黑社会都有一个正统的斗，像佛教的衣钵那样代代相传。正统的斗叫正斗，现在早就引申为正牌、正货，好嘢、坚嘢的意思。

卢总

　　栋笃论语·雍也第六　　
　　
　　□子野专栏　　
　　
　　【原文】子曰：「知者乐水，仁者乐山。知者动，仁者静。知者乐，仁者寿。」
　　【译文】孔子话：「有智慧嘅人中意水，有仁德嘅人中意山。有智慧嘅人好动，有仁德嘅人爱静。有智慧嘅人比较乐观，有仁德嘅人比较长命。」
　　【栋笃】每个黄金周之前，媒体上、私底下，唔少市民都喺度讲紧黄金周出游有几辛苦、几唔抵，仲发誓话「打死都不出去了」。不过话时话，黄金周一到，虽然每个景点都「趁火打劫」噉提高票价，依然挡唔住浩浩荡荡嘅旅游大军。高山大海，就噉样变成咗人山人海。唔知有冇人统计过，出游嘅人里边，边啲人中意山，边啲人中意水呢？
　　两千年前，孔Ｓｉｒ就噉话畀我哋知：聪明嘅人中意水，仁德嘅人中意山。点解呢？因为，知识就好似流水噉，係不断噉向前发展、与时俱进口架；所以，有知识嘅人，「爱屋及乌」，就中意水、好动嘞。仁德呢，係人心里边最根本嘅嘢，佢係唔会有变动口架，就好似山一样厚重，千年万年，栋喺度一啲都唔会喐。所以，有仁德嘅人，就中意山、爱静嘞。仲有啊，智慧可以帮到人解决好多问题，所以，聪明嘅人就容易开心啲；仁德可以令到人清心寡欲，所以，「仁人」就会长命百岁嘞。
　　听起身，都几唔错噃。但係，点解历史上好多「知者」，都中意静心研究学问，匿埋喺山上隐居呢？点解呢啲「知者」畀人请出嚟做官，係叫做「出山」，而唔係「出水」呢（梗係嘞，「诸葛亮出水」，几鬼难听啊，你以为芙蓉姐姐咩）？点解唔少「知者」因为「众人皆醉我独醒」而活得畀人痛苦呢（比如屈原）？点解好多「仁者」唔单止唔「寿」，仲好短命呢？
　　我宁愿相信，孔Ｓｉｒ嘅原话，讲嘅唔係「人」，而係「知」、「仁」本身：智慧就好似流水，仁德就好似山峰。水，係喺山入边流出嚟嘅，流水动，山峰静。知识带嚟嘅快乐，可以畀人「曾经拥有」，只有仁德，先至係「天长地久」口架。
　　噉样嘅解释，就唔会将「知」同「仁」分开。因为，做一个儒家弟子，本来就係必须要集「知」同「仁」于一身口架。你睇依家中意旅游嘅人，边个唔係「五一上山、十一落水」或者「十一上山、春节落水」口架？

 

http://www.nanfangdaily.com.cn/southnews/dd/dsb/B12/200710090482.asp

卢总

　　【原文】子曰：「知者乐水，仁者乐山。知者动，仁者静。知者乐，仁者寿。」
　　【译文】孔子话：「有智慧嘅人钟意水，有仁德嘅人钟意山。有智慧嘅人好动，有仁德嘅人爱静。有智慧嘅人比较乐观，有仁德嘅人比较长命。」
　　【栋笃】每个黄金周之前，媒体上、私底下，唔少市民都喺度讲紧黄金周出游有几辛苦、几唔抵，重发誓话「打死都唔出去嘞」。不过话时话，黄金周一到，虽然每个景点都「趁火打劫」噉提高票价，依然挡唔住浩浩荡荡嘅旅游大军。高山大海，就噉样变成咗人山人海。唔知有冇人统计过，出游嘅人里边，边啲人钟意山，边啲人钟意水呢？
　　两千年前，孔Ｓｉｒ就噉话畀我哋知：聪明嘅人钟意水，仁德嘅人钟意山。点解呢？因为，知识就好似流水噉，系不断噉向前发展、与时俱进ロ架；所以，有知识嘅人，「爱屋及乌」，就钟意水、好动嘞。仁德呢，系人心里边最根本嘅嘢，佢系唔会有变动ロ架，就好似山一样厚重，千年万年，戙喺度一啲都唔会喐。所以，有仁德嘅人，就钟意山、爱静嘞。重有啊，智慧可以帮到人解决好多问题，所以，聪明嘅人就容易开心啲；仁德可以令到人清心寡欲，所以，「仁人」就会长命百岁嘞。
　　听起身，都几唔错噃。但系，点解历史上好多「知者」，都钟意静心研究学问，匿埋喺山上隐居呢？点解呢啲「知者」畀人请出嚟做官，系叫做「出山」，而唔系「出水」呢（梗系啦，「诸葛亮出水」，几鬼难听啊，你以为芙蓉姐姐咩）？点解唔少「知者」因为「众人皆醉我独醒」而活得比人痛苦呢（比如屈原）？点解好多「仁者」唔单止唔「寿」，重好短命呢？
　　我宁愿相信，孔Ｓｉｒ嘅原话，讲嘅唔系「人」，而系「知」、「仁」本身：智慧就好似流水，仁德就好似山峰。水，系喺山入边流出嚟嘅，流水动，山峰静。知识带嚟嘅快乐，可以畀人「曾经拥有」，只有仁德，先至系「天长地久」ロ架。
　　噉样嘅解释，就唔会将「知」同「仁」分开。因为，做一个儒家弟子，本来就系必须要集「知」同「仁」于一身ロ架。你睇依家钟意旅游嘅人，边个唔系「五一上山、十一落水」或者「十一上山、春节落水」嘎？