祠堂與族譜嘅區別

芬1012

祠堂與族譜都係以男性姓氏為主嘅，係完全忽略女性嘅存在嘅（喺呢兩樣嘢面前，女性都只不過係為佢哋繁衍后代，延續佢哋嘅姓氏嘅工具而已，「工具」喺粵語入邊叫做「架生」）。

 

唔同嘅就係：

你可以攞住本族譜週圍去，好簡單又方便，好似行李袋噉，好似有根其實冇根。

 

當啲人真係好鐘意一個地方，想喺度生根，佢哋就會喺嗰度起間祠堂，同時亦都係對嗰個地方嘅文化、身份認同，希望完全溶入其中，所有嘢都由此開始。你嘅祠堂喺邊度，你嘅家鄉就喺邊度，你就係邊度人，呢個就係身份認同嘞。

所以話粵語就係我哋嘅祠堂，係我哋共同嘅身份認同。

 

呢度冇排斥外地人，歡迎外地人溶入，但係係唔係一定要先起間祠堂喺度呢？梗係唔係啦，而家噉嘅環境，你想起都冇得你起啦，只需要學粵語、講粵語，尊重同埋接受呢度嘅文化（如果再加埋維護就更好添啦），你就係真真正正、純種嘅本土人。

 

但係若果你嚟到呢度，排斥呢度嘅文化，噉我哋對你就會好反感（換轉係你，若果係有血性嘅，都一樣咖嗟）。

卢总

唔系「溶入」，应该系「融入」。

粵嚟粵掂

原帖由 芬1012 於 2007-10-9 16:00 發表 你可以攞住本族譜週圍去，好簡單又方便，好似行李袋噉，好似有根其實冇根。

 

芬記呢句就點中啲粵左親撈奴才派嘅要害喇！