許冠傑新專輯《人生多麼好》面世！

samkong

千呼萬喚，阿Sam嘅新專輯大碟《人生多麼好》終於面世嘞！
CD全碟收錄有阿Sam全新11首歌曲，另加一張有2首MV嘅DVD添！實際上即係1CD+1DVD嘅Box-set，聞說話仲有限量珍藏版與普通版呢兩種版本之分添（普通版嘅零售價係148元），10月12日將全面上市喇！各位Sam Fans早已期待良久，又點可以錯過！
大家睇下曲目表嘅歌名，就知道全部歌曲乃誠意之作嘞，今時今日，見到呢啲如此感動心靈、倍感親切嘅粵語歌作品，實在令人激動！阿Sam，你係得嘅！

CD
01. 人生多麼好
02. 藍天消失了
03. 鐘聲響起
04. 白雲說
05. 好鬼?你
06. 薔薇
07. 心境改變環境
08. 瞬間永恆
09. 風裹微塵
10. 親手寫我夢
11. 情懷森曲 (Medley)

DVD
1. 鐘聲響起 MV
2. 人生多麼好 MV

[ 本帖最後由 samkong 於 2007-10-7 15:10 編輯 ]

斯巴滔

好啊，真係值得期待啊！

前一段时间听过电台版嘅《钟声响起》、《人生多么好》、《蓝天消失了》呢几首歌，又睇过《风里微尘》、《钟声响起》嘅MV，不过曲目表内所列嘅其他歌曲就未有听过。呢D歌确实好有Sam嘅独特风格，正啊！

albert007

 唔知 我 尼个小城镇几时先有得卖呢？期待啊！    还是那句话，希望有出黑胶

highyun

05. 好鬼?你
好鬼乜嘢你啊？

 

我更期待嗰兩首MV。

maiqin

值得珍藏阿！期待！！！

 

感谢SAMKONG!!

 

让我们拭目以待，共享SAM歌！

lhk

《 情懷森曲》是把多首許冠傑經典金曲，重新錄音並串燒成Medley，當中有「這一曲送給你」、「心裡日記」、「梨渦淺笑」、「天才白痴往日情」、「知音夢裡尋」、「雙星情歌」、「印象」、「難忘你」和「浪子心聲」等。
 

正！

toneliang

真系值得期待的嘞!

霍春恒

正！一定要买啊！

香城浪子

新唱片個封面好正!阿Sam依舊0甘充滿活力.
尤其鐘意果首"藍天消失了",環保題材,誠意之作!

霍春恒

原帖由 highyun 於 2007-10-7 13:36 發表 05. 好鬼?你 好鬼乜嘢你啊？   我更期待嗰兩首MV。

刚睇到歌名，系《好鬼冧你》。

霍春恒

阿Sam《人生多么好》新专辑的所有歌曲下载试听，好正啊！！！！！

 

专辑名称：人生多么好
歌手姓名：许冠杰
唱片公司：东亚唱片
专辑语言：粤语
发行日期：2007年10月12日

　　期待17年，歌神许冠杰(Sam Hui)终于推出全新广东大碟《人生多么好》！大碟以环保又怀旧为主题，主打歌「钟声响起」诉说了对拆卸中的皇后码头、苏屋孔雀楼等旧居的心情，另一曲「蓝天消失了」关注香港环保，当中更featuring儿子许怀的Rap唱和，而「人生多么好」励志非常，整张《人生多么好》再次唤起香港市民的集体回忆，并希望藉新曲勉励大家应珍惜目前，明日革新求变。

　　事隔29年，许冠杰于2007年12月16日再踏香港大球场，举行《许冠杰香港大球场Live音乐会》，届时Sam将以歌会友，在历时三个半小时的音乐会上，一口气唱出约60首歌。17年无出新唱片的Sam，在新碟内重新录音多首经典金曲，并串烧成Medley「情怀森曲」，当中有「这一曲送给你」、「心里日记」、「梨涡浅笑」、「天才白痴往日情」、「知音梦里寻」、「双星情歌」、「印象」、「难忘你」和「浪子心声」等。

专辑曲目：

01.人生多么好
02.蓝天消失了
03.钟声响亮起
04.白云说
05.好鬼冧你
06.蔷薇
07.心境改变环境
08.瞬间永恒
09.风里微尘
10.亲手写我梦
11.情怀森曲 (Medley)


歌曲下载地址：http://www.9dyy.com/thread-3974-1-1.html

 

 

[ 本帖最後由 霍春恒 於 2007-10-13 23:12 編輯 ]

samkong

隻碟即將到手嘞，全部歌曲亦都已經聽過，確實正到暈，尤其係《藍天消失了》、《瞬間永恒》、《情懷森曲 (Medley)》呢幾首！

冯永生

好正啊！不过D伴奏音乐嘅电声味就略嫌太重了。唔知响大陆几时先有呢套碟卖呢？

albert007

冯生的见解同我一样！！欢喜中带点失望！失望系指而家的  录音太差了，变味了，无法接受！！

samkong

呢張碟嘅歌確實冇得彈，歌靚詞靚，首首皆精品！

不過個人感覺，都比較認同上面2位細心嘅朋友提出之問題，其實呢個問題具有一定嘅普遍性，現在嘅伴奏音樂，電聲味確實太濃嘞。

如果你哋細聽返以前SAM唱啲歌（例如：《世事如棋》、《天才白癡夢》、《滄海一聲笑》等等），你會發覺嗰種用人手演奏原始樂器、中國民族樂器嘅伴奏音樂之美，《世事如棋》嘅笛子與二胡演奏效果，《滄海一聲笑》嘅彈撥樂效果，都相當醉人；而最經典嘅，就莫過於《天才白癡夢》中間嘅嗰段間奏所加入嘅提琴弦樂效果，簡直正到唔識講！

江善恕

听过了，觉得距状态的确是不减当年啊，好野！

lhk

成張碟整體感覺好好，歌曲題材類型都比較廣泛。香港情懷、鬼馬情歌、浪漫情歌、心路寫照、人生哲理、普世價值，每一首拎出o黎稱都唔輸蝕。

個人最鍾意係《鐘聲響起》、《薔薇》、《瞬間永恆》同《白雲說》。

今次有好多歌都係Sam Hui個人心情寫照，包括《人生多麽好》《瞬間永恆》《親手寫我夢》，喺一個唔同嘅階段看待自己嘅過去同人生，的確係同樂迷一次很好嘅傾訴，亦使聽者感動。特別係《瞬間永恆》，旋律好有7、80年代感覺，歌詞寫得很真摯，能引起歌迷共鳴，有潛質成爲歌神又一經典之作。

另外，喺好多歌詞裏面，用字仍然保留阿Sam一貫風格，通俗口語化得令人倍感親切，會心微笑（好多詞現今中青年人都未必會用）。一聽到呢啲生鬼嘅粵語用字，就知道，阿Sam又返咗o黎我哋身邊。而呢種味道嘅歌詞，由阿Sam把口唱出係最適合不過，可以講捨我其誰。

[ 本帖最後由 lhk 於 2007-10-18 06:02 編輯 ]

小昭

刚拿到CD，封面很漂亮，先听听。

小昭

欣赏了全碟的歌曲多遍了，特喜欢那张DVD上面的两首歌曲《人生多么好》和《钟声响起》的MV，拍得相当的不错；至于那张CD嘛，特喜爱《瞬间永恒》、《薔薇》这两首歌，非常动听，倍觉感人！

samkong

小弟近期亦都懷住興奮心情，反反復復噉好好enjoy阿Sam套新碟，發覺當中歌曲，從歌詞所反映嘅心跡嚟睇，《瞬間永恆》體現嘅意境最深，歌詞句句引起共鳴，可以話係Sam本人多年嘅一個心聲總結與回顧，幾乎毫無疑問噉當選為呢張新專輯中最受歡迎嘅歌曲，其次，《鐘聲響起》亦係一首充滿回歸十年後嘅集體回憶、唱出香港情懷嘅佳作，尤其係睇到嗰張DVD中嘅MV，鐘聲、碼頭......令人感慨萬千......此外，《白雲說》呢首歌，不僅旋律輕柔優美，歌詞亦以溫馨情調、樸實無華嘅字句，嚟表達Sam一貫以來嗰種積極向上、豁達樂觀嘅詞風，冇得彈！其實，其余歌曲亦寫得好靚，大家可以細細噉去欣賞，去品味。