|
今日個活動本來定喺十點半，但我唔知係睇唔清定記唔清，十點鐘未到就喺嗰處等，一路等一路四圍留意一個身穿藍或黑色上面印住「凝聚粵語力量」等文字嘅衫兼面帶幾分猥瑣嘅身影，等咗好耐……等人嘅朋友逐漸散去，得返我仲「ungoo」噉企係嗰度，隔離間皮具店開咗門，個宣傳喇叭好大聲，背景音樂係《Right Here Waiting》，夠晒應景……
等到我有想離開嘅衝動時，終於有一個骨骼精奇，留住條相對馬尾而言太幼，相對老鼠尾而言太長嘅唔知乜尾，着住件海藍色衫嘅人向我yap手，一見呢身造型就知係盧總駕到啦。等齊人之後，傾咗陣決定兵分兩路~~行動開始~
出發前喺廣外影嘅兩張
發型，中國大陸好常見而又好嚴重嘅問題（髮型）
呢句話，先唔講佢意思有冇問題，斷句已經好有問題，如果分開上下嚟讀，根本讀唔通~
本來佢店名叫「果道」係冇問題，但係解作There，就證明佢懶音好嚴重吓~建議佢將英文改成Fruit Way
本次活動評出錯別字榜冠軍就係——尤魚（魷魚），後面陸續有嚟；呢幅相入面仲有一個「雞亦」都係錯字，應寫作雞翼（後面仲有個類似嘅）
雞髀，咁古樸嘅字都寫錯~
呢個唔知點形容~
本次活動錯別字榜亞軍就係——以「什」作「雜」
冇人知佢想請「乜板」，斷估係「砧板」
馬上公布，季軍就係——以「茸」代「蓉」
冠、季軍喺齊度~
一人一口飯？？？（盒飯）
又見雞亦！
「雜」、「什」兩種都寫晒~
轉入美食節~都係佢最高~
水都唔多滴~有幾滋補啊？
呢個唔寫「什」嘞~不過都未寫啱~
另我諗起當年嘅全民簡字運動（蔗糖）
味精雖然係晶體，但更係海藻中味之精華，不過到係建議大家少食味精~
楊州炒飯~~明顯係翻版嘢~揚州嘅就出名啲~
呢篇嘢嘅作者明顯係撈人，但一樣將「速」同「促」撈亂~
電腦輸入問題，將「肉林」寫成「內林」
中午搵地方落腳後，發現份菜牌都好多錯字
蜜汁、雞髀
皮蛋（又係二簡遺留嘅問題）、芫茜
幾個人討論嚟討論去都唔知呢個「稽凶」係乜意思，懷疑係緝兇普通話同音所致
另外仲有啲唔係幾確定，有啲爭議嘅！
呢度應該用「需」定「須」呢？佢用「需」算唔算錯呢？
「缽」、「砵」、「鉢」分別應該點用呢？
呢兩個，邊個先啱呢？我哋當場查過字典，字典話應該寫「珧柱」但一般人平時多寫開「瑤柱」~
有人話「水份」應寫作「水分」，但我覺得呢啲已經約定俗成嘅嘢冇必要去改~
 呢個都比較大爭議，到底個蒙字有冇錯，定抑或只係字體問題~
仲有啲搵到錯字，但冇影到嘅。
一個係某珠寶行中寫到「純然無暇」我哋開玩笑話：乜佢純到咁唔得閒啊？（無瑕）
仲有，采芝林入面有將「川芎」寫成「川弓」嘅，「茨實」寫成「芡實」嘅，最搞笑係「延緩衰老」寫咗「廷媛衰老」等等~
[ 本帖最後由 羊城惜花人 於 2007-10-6 13:44 編輯 ] | 
發表於 2007-10-6 01:23:08
