省港傳媒人士懶音大聲討

highyun

特開此帖，希望搵晒啲教壞人嘅傳媒人士出嚟，引起各界注意，減少無辜受毒害者。

 

懶音第一人：廣東體育臺講波佬羅海文

此人前後鼻音唔分，甚至連入聲t、k都唔分，聼其講波異常痛苦。

以下摘錄其一段講波對白：

香“隊”打dat1（得）咁差，國家隊jan4（贏）緊（梗）呢coen4（場）波喇。

 

歡迎回帖繼續捉啲懶音人上嚟做反面教材。

卢总

艺人嘅范围太窄嘞！

不过可以另外开其它帖嘅，例如省港传媒懒音大声讨、省港传媒错音大声讨、省港政要懒音大声讨、省港政要错音大声讨……

highyun

懶音第二人：馮堅雄

可能有人唔熟悉呢個名，不過一講成日同黃俊英何寶文佢哋一齊做小品嗰個baby face嘅“肥仔”，好多人都應該知道喇，如果再唔知可以睇埋下面幅圖：

 

呢位肥仔係典型嘅“港州人”。有一個小品佢要唱《月光光》呢首歌，佢居然唱“月剛剛，照地堂”！

佢同好多港星比，唔算好出名，影響唔算大，噉今次點解要講佢呢？因爲佢出身於省話劇團！出身於省話劇團嘅演員居然有懶音，實在好大問題。如果連話劇團呢啲對發音咁嚴格嘅地方都可以容忍呢啲懶音，噉其他人更加可以肆無忌憚噉懶落去。

huang

睇過外來媳婦本地郎嘅應該都知！我重以為佢係“特登”咁講 ,好似啊嬌噉。

顺德水蛇粥

原帖由 highyun 於 2007-10-3 13:16 發表 特開此帖，希望搵晒啲教壞人嘅傳媒人士出嚟，引起各界注意，減少無辜受毒害者。   懶音第一人：廣東體育臺講波佬羅海文此人前後鼻音唔分，甚至連入聲t、k都唔分，聼其講波異常痛苦。以下摘錄其一段講波對白：香「隊」打dat ...

罗生呢种懒音比较另类，佢系先天性发某啲音有困难，同一般懒音人有啲区别。佢个「大佬」陈维聪同佢同病相怜，病情稍轻，讲得慢嘅时候病症唔明显，讲得快就会露出马脚。

余OK

原帖由 huang 於 2007-10-4 22:12 發表 睇過外來媳婦本地郎嘅應該都知！我重以為佢係「特登」咁講 ,好似啊嬌噉。

　　如果係「特登」就會好作狀，就好似香港傳媒有啲正音人士噉，係就係字正腔圓，但好機械式，聽落好唔自然。

顺德水蛇粥

梁锦辉，讲古佬，省话剧院演员，国家一级演员，近十几年喺话剧式微之后，以讲金庸武侠古仔为主业。

主要难顶懒音、怪音：

郭靖--角靖

杨过--杨个

周伯通--周拍通

横行--环行

郝大通--好大通

刘处玄--刘处弦

顺德水蛇粥

原帖由 highyun 於 2007-10-4 22:04 發表 懶音第二人：馮堅雄可能有人唔熟悉呢個名，不過一講成日同黃俊英何寶文佢哋一齊做小品嗰個baby face嘅「肥仔」，好多人都應該知道喇，如果再唔知可以睇埋下面幅圖： 4287   呢位肥仔係典型嘅「港州人」。有一個小品佢要 ...

http://club.gztv.com/read?b=gztv&t=65065&i=65065&p=1  主题：广州定系「港州」？

我喺广视网论坛炮轰广州电视台啲主持「港州」话，畀人窒，惟有嚟呢度吹鸡班马，各位仁兄得闲去帮下口。

顺德水蛇粥

越来越多人「吴」、「唔」不分，连以口齿伶俐著称DODO郑都一担担

余OK

原帖由 顺德水蛇粥 於 2008-1-12 20:02 發表 5156 梁锦辉，讲古佬，省话剧院演员，国家一级演员，近十几年喺话剧式微之后，以讲金庸武侠古仔为主业。主要难顶懒音、怪音：郭靖--角靖杨过--杨个周伯通--周拍通横行--环行郝大通--好大通刘处玄--刘处弦 ...

　　梁生發音的確好難頂，講古佬當中佢都算懶到出汁！重有顏志圖都係半個「港」州人。 [ 本帖最後由 余OK 於 2008-1-13 14:19 編輯 ]

余OK

原帖由 顺德水蛇粥 於 2008-1-12 20:14 發表 http://club.gztv.com/read?b=gztv&t=65065&i=65065&p=1  主题：广州定系「港州」？ 我喺广视网论坛炮轰广州电视台啲主持「港州」话，畀人窒，惟有嚟呢度吹鸡班马，各位仁兄得闲去帮下口。 ...

　　我尋晚跟咗帖，都算佢識精今次冇刪到。

余OK

原帖由 顺德水蛇粥 於 2008-1-13 10:27 發表 越来越多人「吴」、「唔」不分，连以口齿伶俐著称DODO郑都一担担

　　鄭裕玲有時都「廣」「港」不分。

顺德水蛇粥

老卢，广视网论坛炮轰「小莉」同志行动已经吹鸡：

http://club.gztv.com/read?b=gztv&t=65511&i=65511&p=1

highyun

唔該，要聲討電視臺某人嘅帖另外開過。呢個帖係聲討省港懶音人士。

HKCantonese

大家唔使拗, 繼續討論省港澳懶音大王.

 

有人話, 香港商業電台個李慧玲好重懶音, 唔知你地聽過未?

例如: 曾特首佢口中可能變成真特首...

顺德水蛇粥

原帖由 HKCantonese 於 2008-4-20 18:45 發表 大家唔使拗, 繼續討論省港澳懶音大王.   有人話, 香港商業電台個李慧玲好重懶音, 唔知你地聽過未? 例如: 曾特首佢口中可能變成真特首...

系「真突首」。特、突不同音。

楚申读

电视台估计已经无正音之人，或者培养新人那个本身都晤店，上次去录节目，发现导演都是讲普通话的，真正讲粤语的老导演或者节目监制得个做，做唔到领导……，唯有唏嘘……

UngooChan

彭生對正字、粵語詞彙咁有研究，但竟然懶音懶得咁交關，喺光明頂開咪個陣，「麥嘜」變咗「物乜」。