《悼緬僧》

粵嚟粵掂

 

《悼緬僧》

 

 

浩氣悲悽仰光城，

紅袍袈裟染赤血；

十萬緬僧勢死撐，

唔及軍府鐵腕強！

一早預咗會係噉，

赤手空拳點去爭？

冇炮唔會得自由！

揸槍先至有民主！

 

 

悲悉仰光血案之際，感懷而作！望為緬國民主而獻身嘅諸僧侶立地成佛！早登極樂！

 

呢首《悼緬僧》係即興而作，唔求平仄押韻呢啲噉嘅八股嘢，但求順口，寓意表達清晰，自由噉抒發到我想要抒發嘅嘢就OK！

 

 

余OK

　　掂少，今次我support你！但時刻謹記我哋論壇最多亦好似係緬甸某間好細嘅寺院，我哋嘅版友就係勇敢嘅寺僧，對不公義之事大家都想大聲疾呼，但好似緬甸寺僧一樣會好易死人，除非我哋個伺服器經已係做咗移民國外嘅僧人，任你點咆哮都冇問題。

芬1012

喺香港 示……啊……啊…… 威 嘅時候，通常係噉嘅：三幾個人就會俾差人拉嘅，十幾個人就會俾差人警告，百幾人就會有差人睇實你，一萬人、幾十萬人呢，就會有差人幫你開路兼維持秩序嘞。

Lucciora

希望僧侶同平民嘅血冇白流