《撥亂反正》之二十六：粟米、爆穀 Vs 玉米、爆米花

highyun

 

　　有隻叫Tony嘅卡通老虎，成日叫人食佢嘅“家樂氏粟米片”、“又係燒粟米咁巧，粟一燒”……睇住呢個廣告長大，我哋呢代一聽“粟米”就自然而然諗起一種常見嘅澱粉質食品。
　　粟米，廣東亦有地方稱粟米做“包粟”。“粟”本身指代穀類食品，而粟米呢啲高營養食品，往往好容易變壞，變餿，廣府話“餿”、“粟”同音，因此“粟米”既有“糧食”之意，亦有“易餿”之意，一詞相關，體現廣府話嘅靈活生動。
　　當然，品質好嘅粟米每粒都晶瑩亮澤，勝似珠玉，“玉米”一詞亦有其生動嘅比喻之意，不過，既然廣東人有自己嘅“粟米”，點解一定要捨弃自己嘅詞語而轉用人哋嘅詞語呢？見到今日越嚟越多人話要食“玉米”，真係無可奈何。。。
　　講開粟米，順帶講樣用粟米整嘅食物，喺戲院一定會見到嘅。北方鍾意講“爆米花”，而廣東人習慣叫“爆穀”，我就覺得後者嘅音節更能體現入口之後嗰種鬆脆爆開嘅感覺，你又點睇呢？

auyeung

聞說當初月發四稿之事，奈何二月已過只得一？

笑哉。。

highyun

原帖由 auyeung 於 2007-9-29 11:43 發表 聞說當初月發四稿之事，奈何二月已過只得一？笑哉。。

1、呢個月搬遷論壇，加上自己事務繁多。

2、欄目係所有人有份寫嘅，所謂每個星期發一篇，係包括所有人在內，期間有人發過，我就唔發。

3、關注嘅人唔多，影響我積極性。

 

余OK

原帖由 auyeung 於 2007-9-29 11:43 發表 聞說當初月發四稿之事，奈何二月已過只得一？笑哉。。

　　以閣下嘅德行亦敢五十步笑百步，不如繼續折埋好過，又嚟獻世與我等何干？！

卢总

五步都唔知够唔够，况五十步？

lhk

的確留意到呢個現象，奈何Menu上邊冇人寫“爆穀”。

羊城惜花人

原帖由 卢总 於 2007-9-29 14:25 發表 五步都唔知够唔够，况五十步？

 

呢度嘅步數係指逃兵逃嘅步數，所以係越多越唔掂~

卢总

所以话你就唔够进步嘞！

ＯＫ仔既然用得呢个成语，当然就唔可以完全套用原意去诠释啦，反而重应该当系反话嚟睇，否则又何来讥讽幽默嘅意味呢？

[ 本帖最後由 卢总 於 2007-9-29 19:39 編輯 ]

余OK

原帖由 卢总 於 2007-9-29 19:37 發表 所以话你就唔够进步嘞！ＯＫ仔既然用得呢个成语，当然就唔可以完全套用原意去诠释啦，反而重应该当系反话嚟睇，否则又何来讥讽幽默嘅意味呢？

　　在下正是此意，原句內涵在下當然知道，花仔未免太矯枉過正（當然我發帖時亦估到喜雞蛋裏挑骨頭者可能會有異議，但於我又何須辯駁，別人笑我太瘋癲，我笑他人看不穿也），或是未熟識在下一貫行文嘅特點，故作咬文嚼字又一範例。造成看倌如此誤讀，眞罪過罪過也！

茗荷介

只要还有一个观众，都要好好演戏。

 

可能呢度係冷清啲，人气少啲，不过任何事物都係逐渐发展壮大嘅，挫折可能係机遇，唔好轻言放弃。please!

 

其实我都好中意“爆谷”呢个名词（掉转嚟读都有意思） 。“爆谷”对应popcorn，言简意赅。

 

ps：讲个题外话，用阿拉伯数字列举，之后嘅标点应该用“.” ：

第一，
第二，
第三，

……

 

一、

二、

三、

……

1.

2.

3.

 

 

anson451

原帖由 highyun 於 2007-9-28 15:59 發表   　　有隻叫Tony嘅卡通老虎，成日叫人食佢嘅「家樂氏粟米片」、「又係燒粟米咁巧，粟一燒」……睇住呢個廣告長大，我哋呢代一聽「粟米」就自然而然諗起一種常見嘅澱粉質食品。　　粟米，廣東亦有地方稱粟米做「包粟」 ...

 

我幫你糾錯。

 

包粟係指成條嘅粟米，而粟米則指一粒粒嘅粟米(伊家人叫慣咗，所以粟米亦可指成條嘅粟米)

爆米花粵語叫「炮穀」唔係「爆榖」

以前「爆米花」係用容器裝入粟米（穀類食物），放係火上燒，等壓力夠數後（燒好後）拿佢對住個豬籠，籠入邊有個麻袋，然後一腳踩落去。然後聽到bomb一聲，穀物都噴到待度。袋裡面就係「炮穀」啦。

 

因為那聲音，同眼見效果就好似放炮咁，因此叫「炮穀」。

[ 本帖最後由 anson451 於 2008-7-10 12:47 編輯 ]

外外星人

爆谷/炮谷同爆玉米花其实系两样嘢：

顾名思义，爆谷/炮谷系用稻谷爆出嚟嘅，我哋讲惯叫肥仔米；

至于爆玉米花呢样嘢，比较捞，细个好少可见到或者食到，故此唔知叫乜。

anson451

原帖由 外外星人 於 2008-7-10 12:57 發表 爆谷/炮谷同爆玉米花其实系两样嘢：顾名思义，爆谷/炮谷系用稻谷爆出嚟嘅，我哋讲惯叫肥仔米；至于爆玉米花呢样嘢，比较捞，细个好少可见到或者食到，故此唔知叫乜。 ...

 

炮穀，香港果邊傳出，廣東呢邊最早叫爆米（同樣有爆粟米，但都係米嘅一種）。

外外星人

乜都话香港传过嚟，晕！

 

你知道广东（尤其珠三角）呢便有几多人传咗落香港冇？

殺人王

原帖由 外外星人 於 2008-7-11 08:33 AM 發表 乜都话香港传过嚟，晕！   你知道广东（尤其珠三角）呢便有几多人传咗落香港冇？

香港传入大陆嘅词都唔少，不过有时我地唔觉啫。例如「冲凉」一词，大家都认为系好「地道」嘅粵语，其实都系由东南亚华人传入香港，再由香港传入广州。而真正「地道」嘅shower一词广州话叫「洗身」。而家又有几个人会讲「洗身」？呢个词相信唔会有人「拨乱反正」啩？

[ 本帖最後由 殺人王 於 2008-7-11 08:52 編輯 ]

anson451

原帖由 外外星人 於 2008-7-11 08:33 發表 乜都话香港传过嚟，晕！   你知道广东（尤其珠三角）呢便有几多人传咗落香港冇？

 

追根問底冇人講得清，我呢袋嗰時係聽香港咁叫，你好似對香港唔係機有好喔。

anson451

原帖由 殺人王 於 2008-7-11 08:50 發表 香港传入大陆嘅词都唔少，不过有时我地唔觉啫。例如「冲凉」一词，大家都认为系好「地道」嘅粵语，其实都系由东南亚华人传入香港，再由香港传入广州。而真正「地道」嘅shower一词广州话叫「洗身」。而家又有几个人会讲「洗 ...

 

頂

頂

頂

頂

外外星人

原帖由 anson451 於 2008-7-11 10:09 發表   追根問底冇人講得清，我呢袋嗰時係聽香港咁叫，你好似對香港唔係機有好喔。

 

玩诛心？

 

咪「段古武辛府」啦！

 

你自己都可以去查下：六十年代，香港有几多人？到咗七十年代，香港又有几多人？点解？

使君子

原帖由 殺人王 於 2008-7-11 08:50 發表 香港传入大陆嘅词都唔少，不过有时我地唔觉啫。例如「冲凉」一词，大家都认为系好「地道」嘅粵语，其实都系由东南亚华人传入香港，再由香港传入广州。而真正「地道」嘅shower一词广州话叫「洗身」。而家又有几个人会讲「洗 ...

 

对对，以前我地嗌「洗身」。

henrywho

粟米，廣東亦有地方稱粟米做「包粟」。
highyun 發表於 2007-9-28 15:59

叫 "包粟", 係因為整條粟米連皮隔水烚熟去賣, 賣的時候粟米重有皮包住.  至於 "包餿" ("包"生仔的 "包", "一定" 的意思) 係一個老笑話:

--------------------
從前有兩兄弟, 阿哥賣豆腐, 細佬賣粟米.  佢地好好感情, 日日一齊擔住 d 貨出去賣.  但係佢地生意一直都唔好, 你知唔知點解?
.
.
.
.
因為佢地一齊叫賣: "豆腐"、"包粟"、"豆腐"、"包粟"、"豆腐"、"包粟"、"豆腐"、"包粟"......
--------------------


我阿媽重話, "包粟" 係一 "cone" "cone" (一條條) 咁買嘅.  請問有冇人知個 "cone" 字點寫?