调查：“掉茶”并唔系“条茶”

卢总

　　寻晚睇《舞动全城》，其中一个场景系讲到喜洋洋公司内部开会，讨论是否增加新产品嘅问题。

 

　　而家啲人开发新产品、开拓新市场都会先做一下“市场调查”以了解情况嘅。当时徐子珊同黎耀祥都系话“掉茶”嘅，系嗰件垃圾马浚伟先至话“条查”——做咗咁耐人，拍咗咁耐戏，讲句对白都唔及一个新人徐子珊，食屎啦卑鄙无耻贱格嘅擦鞋仔！

 

　　“调”字无论喺广州话，抑或喺普通话里面都有两个读音——“掉”同“条”。而且咁啱“调查”都系读“掉茶”，而唔系读“条茶”。

卢总

“调”读“掉”嘅时候一般作以下解释：

1. 调动、安排处置：调职、调换、调兵遣将；
2. 音乐上配合和谐，听落好听嘅一组音：调子、Ｃ大调；
3. 语言中字音嘅声调：调号；
4. 一个地区嘅本地人或居民嘅典型语言习惯：腔调、南腔北调；
5. 意见、观点、主张嘅基本倾向：论调；
6. 计算：调查；
7. 古代赋税嘅一种：汉末、魏、晋有“户调”，唐代有“租庸调”；
8. 人嘅才情风格：格调、才调、雅调；
9. 单个音符或乐音嘅节奏上嘅编列，音乐嘅旋律：曲调、粤曲小调

因此，以下呢啲词语之中嘅“调”字典都系读“掉”音：

　　调拨、调动、调防、调号、调虎离山、调集、调令、调派、调遣、调任、调类、调式、调值、调头、调用、调运……

卢总

“调”读“条”嘅时候一般作以下解释：

1. 使配合得均匀合适：调色、调味；
2. 使和谐：调解、调停、调理；
3. 挑拨，挑逗：调笑、调戏；
4. 配合得均匀合适：调和、风调雨顺；
5. 协调：饮食失调、思觉失调；
6. 改变：调节、调整；

因此，以下呢啲词语里面嘅“调”字读“条”：

　　调幅、调护、调剂、调价、调级、调教、调经、调控、调侃、调料、调弄、调频、调情、调试、调谐、调养、调匀……

卢总

一个系读“掉沛”：调动分配（劳动力、工具、工作等）；

一个系读“条沛”：调和、配合（例如颜料、药物等）。

卢总

一个系读“掉勃”：调动拨付（多指物质），调遣（人员）；

一个系读“条勃”：即系挑拨。

Lucciora

黎耀祥啲廣府話好地道

monfan

卢总果然好细心查证，我谂并唔会有几多身边嘅人会有呢种精神同觉悟，毕竟佢哋听得明沟通到就得了。

 

睇咗卢总介绍，有所收获，清楚两个音嘅词有唔同嘅意思。以后多加留心

highyun

原帖由 monfan 於 2007-9-27 18:26 發表 卢总果然好细心查证，我谂并唔会有几多身边嘅人会有呢种精神同觉悟，毕竟佢哋听得明沟通到就得了。   睇咗卢总介绍，有所收获，清楚两个音嘅词有唔同嘅意思。以后多加留心 ...

 

聽得出問題嘅人唔少，不過有精神同覺悟記低嘅人就好少喇。

外外星人

调查：「掉茶」并唔系「条茶」 ... by highyun - 2008-5-21 02:44

Jean

原帖由 外外星人 於 2008-5-21 08:50 發表 调查：「掉茶」并唔系「条茶」 ... by highyun - 2008-5-21 02:44

嘩！你係邊只眼睇到架？

外外星人

睇咩睇？单眼仔！

 

开咗句玩笑，讲返正经事：我唔系睇，系COPY喎！

越来粤正

垃圾马浚伟......................................................