２００７年９月２５号《南方都市报》Ｂ１２

卢总

月圆冇得睇

 

　　例汤正　　
　　
　　□老饼专栏　　
　　
　　今日汤料：话说这几年老广中秋出游越来越旺，但今年由于中秋适逢周二，没有假期配合，出游人数锐减。现在专家学者们对于“中秋、清明、端午等传统节日应成为法定节假日”的呼声越来越强烈，有旅行社预测，一旦中秋能成为公众假期，中秋出游将成为主要的过节方式之一。　　

　
　　图：

　　我想去张家界赏月，听讲嗰度嘅月亮最大！　　
　　
　　我想去九寨沟赏月，听讲嗰度嘅月亮最圆！　　
　　
　　最大最圆嘅月亮呢度就有得睇喇！睇完早啲瞓，听日仲要返工返学。

http://www.nanfangdaily.com.cn/southnews/dd/dsb/B12/200709250523.asp

卢总

　　今日汤料：话说这几年老广中秋出游越来越旺，但今年由于中秋适逢周二，没有假期配合，出游人数锐减。现在专家学者们对于“中秋、清明、端午等传统节日应成为法定节假日”的呼声越来越强烈，有旅行社预测，一旦中秋能成为公众假期，中秋出游将成为主要的过节方式之一。　　

　　图：

　　我想去张家界赏月，听讲嗰度嘅月亮最大！　　
　　
　　我想去九寨沟赏月，听讲嗰度嘅月亮最圆！　　
　　
　　最大最圆嘅月亮呢度就有得睇喇！睇完早啲瞓，听日重要返工返学。

卢总

　　街坊话事　　
　　
　　□林德中　　
　　
　　甲：你以前咪开过饼屋做过月饼嘅，你话依家嘅月饼好定係以前嘅月饼好吖嗱？

　　乙：论到花样、包装、卫生梗係依家好过旧时啦。但讲到真材实料好味道、手工精细就梗係今不如昔嘞。

　　甲：係咩？

　　乙：比如“莲蓉月”里面嘅莲蓉，旧时都係百分百用莲子做口架。后尾随住莲子价钱嘅日渐攀升，有人为咗低价竞争，发明咗用番薯、薯仔代替莲子，加啲莲子香精搞掂，“流”风所及，平日喺3星酒店以下卖嘅“莲蓉包”基本係莲蓉成分极低嘅“蕃蓉包”嚟嘅。

　　甲：怪唔知食落去得个甜字啦！噉五仁月里面嘅五仁应该冇假嘞啩？

　　乙：五仁(核桃仁、瓜仁、榄仁、芝麻、杏仁)本来要按一定比例搭配先至合理、好食口架，但随着物价嘅变化，生产商就会将贵嘅如榄仁、核桃仁等放少啲甚至唔用，平嘅其他原料如糖东瓜、冰肉等放多啲啦。

　　甲：即係偷工减料啫！噉月饼个“皮”冇假嘞啩？

　　乙：嗱，月饼皮係用面粉、糖浆、纯正花生油搓成嘅，其实花生油纯唔纯正对质量影响唔少，但为咗降低成本亦可以用平好多棕榈油、菜油啦。

　　甲：噉嗰啲鱼翅、燕窝、天价月饼呢？冇假嘞啩？

　　乙：嗰啲係阿茂整饼——冇嗰样整嗰样啫，显微镜都照唔到几条翅，食水咁深，真假都冇所谓啦！

 

http://www.nanfangdaily.com.cn/southnews/dd/dsb/B12/200709250522.asp

[ 本帖最後由 卢总 於 2007-9-26 05:18 編輯 ]

卢总

　　甲：你以前咪开过饼屋做过月饼嘅，你话依家嘅月饼好定系以前嘅月饼好吖嗱？

　　乙：论到花样、包装、卫生梗系依家好过旧时啦。但讲到真材实料好味道、手工精细就梗系今不如昔嘞。

　　甲：系咩？

　　乙：比如“莲蓉月”里面嘅莲蓉，旧时都系百分百用莲子做ロ架。后尾随住莲子价钱嘅日渐攀升，有人为咗低价竞争，发明咗用番薯、薯仔代替莲子，加啲莲子香精搞掂，“流”风所及，平日喺3星酒店以下卖嘅“莲蓉包”基本系莲蓉成分极低嘅“蕃蓉包”嚟嘅。

　　甲：怪唔知食落去得个甜字啦！噉五仁月里面嘅五仁应该冇假嘞啩？

　　乙：五仁(核桃仁、瓜仁、榄仁、芝麻、杏仁)本来要按一定比例搭配先至合理、好食ロ架，但随着物价嘅变化，生产商就会将贵嘅如榄仁、核桃仁等放少啲甚至唔用，平嘅其他原料如糖冬瓜、冰肉等放多啲啦。

　　甲：即系偷工减料啫！噉月饼个“皮”冇假嘞啩？

　　乙：嗱，月饼皮系用面粉、糖浆、纯正花生油搓成嘅，其实花生油纯唔纯正对质量影响唔小，但为咗降低成本亦可以用平好多嘅棕榈油、菜油啦。

　　甲：噉嗰啲鱼翅、燕窝、天价月饼呢？冇假嘞啩？

　　乙：嗰啲系阿茂整饼——冇嗰样整嗰样啫，显微镜都照唔到几条翅，食水咁深，真假都冇所谓啦！

卢总

　　广州往事　　
　　
　　□梁晓珊　　
　　
　　八月十五又到嘞，除咗月饼、芋头呢啲应节食品，我仲会谂起嗰只靓靓嘅纸灯笼……

　　细个嗰阵，一到中秋节，我哋就喺芳村郊区外婆屋企过节。食过团圆饭，月光早就高高噉挂喺晴朗嘅夜空。郊外嘅中秋夜，真係“凉风有信，秋月无边”，月色同夜幕中嘅一切披上银色纱衣，周围都显得零舍安静，偶尔会听到蟋蟀仔唱歌……哇，睇下，有啲一闪一闪嘅绿色灯泡仔飞飞下喔……

　　我同啲小朋友都攞出大大只嘅蝴蝶纸灯笼，点着蜡烛，等佢流“眼泪”，小心翼翼黐喺灯笼底部铁片中央，跟住拉开手风琴褶噉嘅彩纸灯身，再绑喺支筷子度，隐约嘅光影开始晃动，十足一只发光嘅大花蝴蝶。

　　提住花蝴蝶，一帮细路围住花院周围跑，好令佢“飞”起身。纯真嘅笑声打破夜嘅静，朦胧嘅月色与纸灯笼嘅光相交织，映照住趣稚面孔。对细路仔来讲，纸灯笼先係今晚嘅主角，就连美味嘅月饼、田螺都比唔上。之不过，最后结局肯定係蝴蝶于“烈火中永生”。

　　到读小学，市面上有各式各样塑料灯笼，特别係啲卡通人物造型，五花八门，兼配上音乐及闪灯，鬼噉抢眼，价钱都唔平口架噃。呢类灯笼，我很快就玩厌噜。后来，我自己做咗个宫灯形嘅纸灯笼——硬卡纸框架，透光部分係我画嘅四幅花卉国画，光源就拆塑料灯笼嘅连柄电灯泡嚟做。我攞佢参加学校嘅灯笼制作比赛，居然被评上一等奖。嗰年中秋，我提住佢游街，噉特别嘅纸灯笼自然回头率高啦……

 

http://www.nanfangdaily.com.cn/southnews/dd/dsb/B12/200709250521.asp

卢总

　　八月十五又到嘞，除咗月饼、芋头呢啲应节食品，我重会谂起嗰只靓靓嘅纸灯笼……

　　细个嗰阵，一到中秋节，我哋就喺芳村郊区外婆屋企过节。食过团圆饭，月光早就高高噉挂喺晴朗嘅夜空。郊外嘅中秋夜，真系“凉风有信，秋月无边”，月色同夜幕中嘅一切披上银色纱衣，周围都显得零舍安静，偶尔会听到蟋蟀仔唱歌……哇，睇下，有啲一闪一闪嘅绿色灯泡仔飞飞下喔……

　　我同啲小朋友都攞出大大只嘅蝴蝶纸灯笼，点着蜡烛，等佢流“眼泪”，小心翼翼黐喺灯笼底部铁片中央，跟住拉开手风琴褶噉嘅彩纸灯身，再绑喺支筷子度，隐约嘅光影开始晃动，十足一只发光嘅大花蝴蝶。

　　提住花蝴蝶，一帮细路围住花院周围跑，好令佢“飞”起身。纯真嘅笑声打破夜嘅静，朦胧嘅月色与纸灯笼嘅光相交织，映照住趣稚面孔。对细路仔嚟讲，纸灯笼先系今晚嘅主角，就连美味嘅月饼、田螺都比唔上。之不过，最后结局肯定系蝴蝶于“烈火中永生”。

　　到读小学，市面上有各式各样塑料灯笼，特别系啲卡通人物造型，五花八门，兼配上音乐及闪灯，鬼噉抢眼，价钱都唔平ロ架噃。呢类灯笼，我好快就玩厌噜。后来，我自己做咗个宫灯形嘅纸灯笼——硬卡纸框架，透光部分系我画嘅四幅花卉国画，光源就拆塑料灯笼嘅连柄电灯泡嚟做。我攞佢参加学校嘅灯笼制作比赛，居然被评上一等奖。嗰年中秋，我提住佢游街，咁特别嘅纸灯笼自然回头率高啦……［广州话口语里面，基本上系唔会有“很”嘅。］

卢总

　　同声同气　　
　　
　　□阿展专栏　　
　　
　　1.甲：赏月使乜一定要去白云山啫，人山人海，仲惨过行花街。(赏月不一定要去白云山的，人山人海，比逛花市的人还多。)

　　乙：始终坐高啲食月饼，感觉离个月近啲，好好多。(坐在高处吃月饼，感觉离月亮近点，好点。)

　　甲：今年睇唔睇到月光都未知，就算冇云都有尘啦。蒙查查，边度睇都一样。(今年能不能看到月亮还不知道，就算没有云，都有尘，月朦胧，哪看都一样。)

　　——两个茶客谈起中秋赏月的事。

　　2.话时话，月饼有乜咁好食啫？肥腻兼滞口，正式利口唔利腹。我年年顶晒笼都係食一刹，係咁椅应下节算数。(说起来，月饼真不知有什么好吃的，肥腻还不好消化，我每年都是吃一小块，应节而已。)

　　——一个师奶喝茶时，与友人聊起吃月饼的感受。

　　3.阿婆：係咪收买月饼呀？(收购月饼吗？)

　　黄牛党：阿婆，乜嘢月饼呀？边间酒楼口架？(什么月饼，那间酒楼的？)

　　阿婆：我点知乜嘢馅啫，未食过口架，都话“七星伴月”啰。(我哪知什么月饼，没吃过的，叫“七星伴月”。)

　　黄牛党：阿婆，我哋唔係收月饼，收月饼票咋。(我们不是收月饼，是收月饼票。)

　　——因为附近有一个月饼提货点，炒买月饼票的黄牛党都站到了美术学院门口兜客，一个黄牛追着阿婆交易，结果发现一场误会。

　　4.发得嗰一盒月饼，一旧水购物券，仲衰过旧年。(只发一盒月饼和一百元购物券，还不如去年。)

　　——一个街坊向友人抱怨今年中秋的待遇不如去年。

　　5.攞盒月饼嘥咗我两日时间，呢次真係食咗都补唔返嘞。(提一盒月饼花了我两天时间，这次真是吃了也补不回来。)

　　——一个街坊拿着一张某饼家的冰皮月饼票，一连两天到饼家属下的多间饼屋都提不到货，抱怨说为提一盒月饼浪费两天时间真不值。

　　6.甲：十个苹果，一盒月饼，噉就成嚿水嘞，啲嘢真係贵咗好多。(十个苹果，一盒月饼，这就花了一百元，东西真的涨价不少。)

　　乙：过节乜都贵口架啦，贵咪食少啲啰。(过节什么都贵点，贵就少吃点。)

　　甲：自己食就好闲咋，最弊人情紧过债，唔买唔得呢！(自己吃就无所谓，最怕就是送礼省不得，不买还不行。)

　　——小区里，一个街坊手拿一袋苹果和一盒月饼，遇上邻居，聊了几句，原来是送礼用的。

 

http://www.nanfangdaily.com.cn/southnews/dd/dsb/B12/200709250519.asp

卢总

　　1.甲：赏月使乜一定要去白云山啫，人山人海，重惨过行花街。(赏月不一定要去白云山的，人山人海，比逛花市还要难受。)［翻译得唔准确！］

　　乙：始终坐高啲食月饼，感觉离个月近啲，好好多。(坐在高处吃月饼，感觉离月亮近点，好得多。)［翻译得唔准确！］

　　甲：今年睇唔睇到月光都未知，就算冇云都有尘啦。。。。朦查查，边度睇都一样。(今年能不能看到月亮还不知道，就算没有云，都有尘，月朦胧，哪看都一样。)

　　——两个茶客谈起中秋赏月的事。

　　2.话时话，月饼有乜咁好食啫？肥腻兼滞口，正式利口唔利腹。我年年顶晒笼都系食一刹（？），系噉意应下节算数。(说起来，月饼真不知有什么好吃的，肥腻还不好消化，我每年都是吃一小块，应节而已。)

　　——一个师奶喝茶时，与友人聊起吃月饼的感受。

　　3.阿婆：系咪收买月饼呀？(收购月饼吗？)

　　黄牛党：阿婆，乜嘢月饼呀？边间酒楼ロ架？(什么月饼，那间酒楼的？)

　　阿婆：我点知乜嘢馅啫，未食过ロ架，都话“七星伴月”啰。(我哪知什么月饼，没吃过的，叫“七星伴月”。)

　　黄牛党：阿婆，我哋唔系收月饼，收月饼票咋。(我们不是收月饼，是收月饼票。)

　　——因为附近有一个月饼提货点，炒买月饼票的黄牛党都站到了美术学院门口兜客，一个黄牛追着阿婆交易，结果发现一场误会。

　　4.发得嗰一盒月饼，一嚿水购物券，重衰过旧年。(只发一盒月饼和一百元购物券，还不如去年。)

　　——一个街坊向友人抱怨今年中秋的待遇不如去年。

　　5.攞盒月饼嘥咗我两日时间，呢次真系食咗都补唔返嘞。(提一盒月饼花了我两天时间，这次真是吃了也补不回来。)

　　——一个街坊拿着一张某饼家的冰皮月饼票，一连两天到饼家属下的多间饼屋都提不到货，抱怨说为提一盒月饼浪费两天时间真不值。

　　6.甲：十个苹果，一盒月饼，噉就成嚿水嘞，啲嘢真系贵咗好多。(十个苹果，一盒月饼，这就花了一百元，东西真的涨价不少。)

　　乙：过节乜都贵ロ架啦，贵咪食少啲啰。(过节什么都贵点，贵就少吃点。)

　　甲：自己食就好闲咋，最弊人情紧过债，唔买唔得呢！(自己吃就无所谓，最怕就是送礼省不得，不买还不行。)

　　——小区里，一个街坊手拿一袋苹果和一盒月饼，遇上邻居，聊了几句，原来是送礼用的。

卢总

　　粤讲粤俗　　
　　
　　□Pippo阮　　
　　
　　“月光光，照地堂，年卅晚，摘槟榔……”虽然唔係过年，但係童谣入边嘅月光以及八月十五都有啲嘢讲吓。

　　原来八月十五都有古仔嘅：古时后羿一嘢射冧九个太阳之后，拯救咗世人，百姓拥佢为王。点知后羿唔生性，做咗皇帝冇几耐就变成暴君，个个憎到佢入骨。后羿惊畀人报复，唔知去边揾咗啲长生不老药丸返嚟。佢嘅老婆，嫦娥，呢位悲情女子惊佢夫君“啪咗丸”之后会更加肆无忌惮害人，就自己静静鸡偷食咗。点知“雪”一声飞咗去月宫度，从此孤零零噉过日子。大家为咗纪念呢位为咗百姓，牺牲自己嘅嫦娥仙子，就将佢八月十五飞天嗰日定为中秋节。

　　八月十五，本身係一个日期，但喺粤语口语入面我哋多用佢嚟代替中秋节。比如：“今年八月十五你哋点过？係自己煮定係出去食啊？”同时由于八月十五呢日嘅月光特别大，特别圆，睇落有啲似屁股噉，所以“八月十五”又被引申为呢个部位嘅戏称。好似会讲：“B仔，你打出个八月十五周围行做咩啊？丑死怪啊！”又或者：“佢做埋晒咁多阴质嘢，依家畀人断正，听洗干净个八月十五坐花厅啦！”

　　月、月亮，粤语入边多称为“月光”。有意思嘅係，《说文》入面讲：“光，明也”；而亮，亦都係“明也”。我哋表达“明亮”意思嗰阵，多用“光”。例如光猛、光伥伥等等。另外，“光”喺北方方言有“空、净、尽”嘅意思，好似近期新兴词语“月光族”，就係指将自己每个月嘅工资收入都用尽冇保留、着重追求自我享受嘅人群。粤语表达此意会用“晒”，如：用晒、使晒、食晒。而“晒月光”呢，係指青年男女喺月光底下拍拖嘅浪漫韵事。

　　噉今年嘅八月十五，有冇谂住约你心上人去晒下月光啊：)

 

http://www.nanfangdaily.com.cn/southnews/dd/dsb/B12/200709250518.asp

卢总

　　“月光光，照地堂，年卅晚，摘槟榔……”虽然唔系过年，但系童谣入边嘅月光以及八月十五都有啲嘢讲下。

　　原来八月十五都有古仔嘅：古时后羿一嘢射冧（？）九个太阳之后，拯救咗世人，百姓拥佢为王。点知后羿唔生性，做咗皇帝冇几耐就变成暴君，个个憎到佢入骨。后羿惊畀人报复，唔知去边揾咗啲长生不老药丸返嚟。佢嘅老婆，嫦娥，呢位悲情女子惊佢夫君“啪咗丸”之后会更加肆无忌惮害人，就自己静静鸡偷食咗。点知“雪”一声飞咗去月宫度，从此孤零零噉过日子。大家为咗纪念呢位为咗百姓，牺牲自己嘅嫦娥仙子，就将佢八月十五飞天嗰日定为中秋节。

　　八月十五，本身系一个日期，但喺粤语口语入面我哋多用佢嚟代替中秋节。比如：“今年八月十五你哋点过？系自己煮定系出去食啊？”同时由于八月十五呢日嘅月光特别大，特别圆，睇落有啲似屁股噉，所以“八月十五”又被引申为呢个部位嘅戏称。好似会讲：“B仔，你打出个八月十五周围行做咩啊？丑死怪啊！”又或者：“佢做埋晒咁多阴骘嘢，依家畀人断正，听洗干净个八月十五坐花厅啦！”

　　月、月亮，粤语入边多称为“月光”。有意思嘅系，《说文》入面讲：“光，明也”；而亮，亦都系“明也”。我哋表达“明亮”意思嗰阵，多用“光”。例如光猛、光［目掌］［目掌］等等。另外，“光”喺北方方言有“空、净、尽”嘅意思，好似近期新兴词语“月光族”，就系指将自己每个月嘅工资收入都用尽冇保留、着重追求自我享受嘅人群。粤语表达此意会用“晒”，如：用晒、使晒、食晒。而“晒月光”呢，系指青年男女喺月光底下拍拖嘅浪漫韵事。

　　噉今年嘅八月十五，有冇谂住约你心上人去晒下月光啊：)