有冇人講吓八九十年代廣東歌壇嘅輝煌史？

余OK

　　可能呢個主題唔係幾適合「粵語歌室」嘅範疇，皆因八九十年代廣東歌壇紅遍大江南北並冇粵語歌嘅功勞，一大批歌手、創作人無論係過江龍抑或地頭蛇，無一例外選擇咗國語歌行頭，造就咗一個時期嘅輝煌。

　　前嗰牌重溫當年盛況嘅節目充斥住本地電視，畀我感覺呢個「歷史」又heat咗起嚟，所以想傾吓呢個話題，再諗諗，細個時亦隨口噏得出幾個本地歌星，但冇乜太深刻嘅感性印象 ，知得唔係太多。如果各位有感而發，不妨入嚟傾幾句。

samkong

記得八、九十年代，真正能夠讓我留低好深刻印象嘅粵語歌手及粵語歌曲唔多，最早期嘅李華勇，乃至於其後嘅廖百威，陳宇佳等，當時都紅過好一段時間，而當中，我覺得李達成就係表表者，佢當時演唱嘅《田園交響曲》，就係我嘅最愛，“綠野青山古樹旁，流溪、河水泛金光......”無論歌詞與旋律，比人嘅感覺就相當清新及優美，嗰種田園風格，就似足區瑞強民歌嘅FEEL。

卢总

应该系“陈汝佳”先啱。

 

不过我一向都唔听／睇所谓“广东歌坛”嘅。

highyun

80年代至90年代初嘅廣東樂壇，同香港當時樂壇相比雖然微不足道，但同今日廣東幾乎空白嘅粵語歌樂壇嚟比，係幾咁值得我哋懷念。

 

30歲以上嘅廣東人，大都聽過李達成、廖百威、陳汝佳等人。最經典嘅歌我都認爲係Samkong所講嘅《田園交響樂》。當時好多廣東製作嘅連續劇都係由廣東人自己創作主題曲，而且全部係粵語，例如《亂世香港》、《冷暖兩心知》等。唔似得今日，就算同香港合拍嘅片，都一律係國語歌行頭。

楚申读

贴翻Ｄ以前比较经典的歌曲的歌词先，得闲再来谈论这个话题，因为正备战讲古比赛！

《公关小姐》主题歌 奉献
都说相爱情似蜜甜
但我的爱涩又酸
情和爱 没宽畅的路途 未知多遥远
爱的悲欢交织在一起
爱的风波心海内飞溅
无论历尽苦或甜
唯愿尽将痴情奉献

都说相爱情似火暖
但我的爱似寒烟
情和爱 没坚固的模型 是天天常在变
置身光辉的天地里
我的青春经受挑战
无论历尽苦或甜
唯愿尽将真诚奉献
《乱世香港》主题曲(粤）
看悠悠香江风清水暖，
却奈何难抗这乱世寒，
又似是秋菊经寒霜
，霜后花更肖一枝傲放，
雨中孤舟驶向彼岸，
浊世纷争哪堪回望，
借一江水洗去污浊，
让我冲出欲海孽望。
美玉蒙污不减高洁，
去尽尘垢更亮堂，
又似是秋菊经寒霜，
霜后花更肖一枝傲放，
雨中孤舟驶向彼岸，
浊世纷争哪堪回望，
借一江水洗去污浊，
让我冲出欲海孽望。
《乱世香港》尾曲“人与人啊”
不见其形，像存在冥冥，
睁眼看分明，利欲熏心争斗没停！
明来强夺，暗里挥刀，如象战争，
刀光剑影，水里浮萍，问谁来照应，
空说姐妹情，厉害之间怎会容情，
浮萍无定，四处飘忽，人在世间，孤身只影
，啊。。。人与 人啊应要珍爱彼此的真情，
人与人啊休要分隔仿佛火与冰，
无价情意将与千里青山相永在，
无厌欲求亦都似是过眼烟飘野岭自

 

 

广播剧《陆小凤》歌词
灵犀一指镇顽敌
人海漂泊永不倦
英姿潇洒
勇挑千斤重任
是非谁能了断
愿将恩怨当浮云
留得真爱与希望
披肝沥胆献出心中爱恨
万死亦无憾
内心的爱恋
都交给知友与天地
万千的痛苦
都将它抑压心里面
江海飘忽
灵犀一指扫妖孽
万死亦无憾

余OK

　　除咗上面幾位提到過嘅歌星外，重有一位印象都幾深刻，就係麥子傑，被譽為「聲音貴族」，而家有時喺電台都重聽到佢客串DJ把聲。其實平心而論，當其時好多本地歌手嘅歌喉不在港台歌星之下，祇係大陸流行歌壇啱啱起步，包裝未夠班，影響力相對冇咁大。

yesli

我个人感觉，到而家为止，广东嘅影视歌星嘅影响力都唔系几大，我希望更有所作为，培养更多粤语影视歌星，推动国人更钟意粤语！

djjack8112

古旋都唔错,佢唱嘅<河畔人家>嘅主题曲好好听阿,不过在网上揾唔到呢只歌,唉....................

斯巴滔

古旋D歌好听啊，觉得佢把声线有D似似地徐小凤。

highyun

原帖由 斯巴滔 於 2007-10-31 17:52 發表 古旋D歌好听啊，觉得佢把声线有D似似地徐小凤。

 

前年我都現場聽過古旋唱小鳳姐首《喜氣洋洋》，九分似。

djjack8112

古璇绝对系属于唱家班级歌手,但点解就一直都唔红呢,奇怪