《羊城小景——唔好意思》

gzshuzha

《羊城小景——唔好意思》
  本月某日，早上八点五十分，江南大道某电信营业部，一个街坊拿出现金要交费时，同电信营业员有以下对话：
  营业员：“唔好意思，我哋唔收现金。”（不好意思，我们不收现金。）
  街坊：“咁我碌卡。”（那我刷卡。）
  营业员：“唔好意思，铺屎机坏咗。”（不好意思，刷卡机坏了。）
  街坊：“咁我买充值卡啦。”（那我买充值卡。）
  营业员：“唔好意思，充值卡卖晒。”（不好意思，充值卡卖完。）
  街坊：“有冇搞错呀，依家几点呀，乜嘢业务都办唔到，咁你哋仲开门营业？”（有没有搞错，现在几点钟啊，什么业务也办不了，那你们还开门营业》）
  营业员：“我哋仲可以查询。”（我们还可以查询啊。）
  街坊：“咁我要查询。”（那我要查询。）
  营业员：“唔好意思，... ... ”（不好意思... ...)
  街坊：“又唔好意思！？”（又不好意思！？）
  营业员：“我叫你攞张叫号纸嗟... ”（我想叫你先拿张叫号纸...)
  街坊：“唔好意思，我唔X问啦，@#$#%$#@! ”(不好意思，我不问了，@#$#%$#@! ）
  ——街坊边骂边走出营业厅。

卢总

江南大道就得一间中国电信嘅营业部，就喺江南大道中广百（即以前南丰商场）旁边，万松园对面，搭车个站就叫“南村”。以后唔使用“某”！

呢个营业部自从装修一新之后就拒绝现金缴费。

但系日日见佢里面灯光火着，就只想到两个字－－浪费！

此举充分表现出中国电信嘅傲慢－－以前好多人在此缴交电话费，经常会听到人声鼎沸，不过家下就门可罗雀，但灯就着齐、冷气就开到鬼咁大。

晨咁早，未到九点，即系重系“辰时”，“巳时”都未到，居然话充值卡卖晒，ＰＯＳ机坏埋，噉呢个营业部如果唔系“废”嘅，唔系“浪费”嘅话，噉我批个头畀你都得！

建议你下次揾晒你可以投诉嘅部门、机构……投诉呢种服务态度－－家下咩时势，重噉样待客都有嘅？

羊城惜花人

搞笑~~~間嘢喺處襯噶？

卢总

花仔讲得啱，间嘢真系喺庶衬嘅！

按照而家嘅潮流嚟讲，呢间嘢嘅作用犹如旗舰店，做唔做到生意系其次。