２００７年９月１３号《南方都市报》Ｂ１２

卢总

广州播客第153期　　同声同气　　□阿展专栏

 

1.

　　咨客：买盒月饼啦，依家（现在）有八折啵。
　　茶客：仲有半个月先中秋啵。（还有半个月才到中秋嘛。）
　　咨客：帮下手啦，我哋（我们）一人一百盒任务呀。
　　茶客：係都迟啲先啦，年年都食到剩嘅。（要买也是迟一点才买，每年都吃不完的。）
　　咨客：迟啲冇八折个啵。（迟一点就没有八折了。）
　　茶客：冇八折有五折就得嘞。
　　——江南大道一茶楼，咨客开始向相熟茶客推销月饼。
2.

　　甲：人地15蚊都中咗四千几万啦，你唔畀我一箸夹中嘎？（别人能十五元中了四千多万，你就不许我也中它一票？）
　　乙：中风有得你中，食多啲大头冲菜啦。（中风就有你份，发梦去吧。）
　　——大沙头一体彩投注站，一个街坊手拿几张彩票走出来，对他的朋友这样说。

 

http://www.nanfangdaily.com.cn/southnews/dd/dsb/B12/200709130307.asp

卢总

1.

　　咨客：买盒月饼啦，而家（现在）有八折啵。
　　茶客：重有半个月先中秋啵。（还有半个月才到中秋嘛。）
　　咨客：帮下手啦，我哋（我们）一人一百盒任务呀。
　　茶客：係都迟啲先啦，年年都食到剩嘅。（要买也是迟一点才买，每年都吃不完的。）
　　咨客：迟啲冇八折个啵。（迟一点就没有八折了。）
　　茶客：冇八折有五折就得嘞。
　　——江南大道一茶楼，咨客开始向相熟茶客推销月饼。
2.

　　甲：人哋15蚊都中咗四千几万啦，你唔畀我一箸夹中嘎？（别人能十五元中了四千多万，你就不许我也中它一票？）
　　乙：中风有得你中，食多啲大头葱菜啦。（中风就有你份，发梦去吧。）
　　——大沙头一体彩投注站，一个街坊手拿几张彩票走出来，对他的朋友这样说。

[ 本帖最後由 卢总 於 2007-9-14 11:56 編輯 ]

卢总

港人讲嘢·黄子华栋笃笑　　□记录：莫夕

 

　　我亦都做过编剧啦。我做电影编剧嗰阵时，有个老细，佢就同我讲，佢话，我啲外文唔好啊，所以就炒咗我。当时我就好嬲嘅，因为我写啲剧本，写畀香港人睇嘅嘛，又唔係写畀外国人睇，点解讲要外文好啫？“你啲外文唔好，你啲翻译就唔会好嘅嘞，你啲翻译唔好，你点写剧本啊？我哋香港啲剧本所有都係靠翻译嘅嘞嘛。”（用台客腔讲）唔係啊嘛老细，我哋香港人都有自己嘅生活，自己嘅一切，使乜下下要翻译人哋嘅剧本，我自己都可以写个剧本出嚟！“啊？你好嘢！你可以写自己嘅剧本啊嘛？你写得出，我就拍咗佢！唔係讲玩笑嘅，你写得出，我就拍！你写啊！三日之后交畀我！”我啊真係写唔出嘞噉就。

 

　　我写唔出剧本，但係我好识欣赏人哋嘅剧本嘎各位。我到依家都认为，全香港写过最好嘅一个剧本，就係香港电台教育电视部制作嘅一个叫做《打电话问功课》嘅剧本，好似依家冇咗我觉得好可惜，因为我觉得佢写得好好就係咩呢，佢里面嘅人物呢，好有英雄感啊！你问佢乜都识答嘅！“耶……请问你咩叫‘发鸡盲’啊？”“哦，呢位同学，‘发鸡盲’呢其实有一个学名叫做‘夜盲症’嘅，佢嘅成因呢就係……”“耶……请问你咩叫做‘二硫氧化氢’啊？”“哦，呢位同学，二硫氧化氢係一种化学品嘅名称，佢有一阵屁噉嘅味道嘎，噉佢嘅化学成分分别係……”“耶，请问你咩叫做‘Ｂｅａｔ　ｔｈｅ　ｓｈｉｔ　ｏｕｔ　ｏｆ　ｈｉｍ’啊？”“哦，Ｂｅａｔ　ｔｈｅ　ｓｈｉｔ　ｏｕｔ　ｏｆ　ｈｉｍ啊，呢位同学，就係出自莎士比亚嘅名著《打到出屎》啊。”“耶，噉请问你咩叫‘人生的意义’啊？”“哦，呢位同学，人生的意义呢就即係两个发鸡盲乘以三个二硫氧化氢，再加上Ｂｅａｔ　ｔｈｅ　ｓｈｉｔ　ｏｕｔ　ｏｆ　ｈｉｍ啊。好嘞，听日同样时间呢我哋再解答埋啊罗同学有关绮梦嘅问题啊……”

 

 http://www.nanfangdaily.com.cn/s ... 12/200709130306.asp

卢总

　　我亦都做过编剧啦。我做电影编剧嗰阵时，有个老世，佢就同我讲，佢话，我啲外文唔好啊，所以就炒咗我。当时我就好嬲嘅，因为我写啲剧本，写畀香港人睇咖嘛，又唔係写畀外国人睇，点解讲要外文好啫？“你啲外文唔好，你啲翻译就唔会好咖嘞，你啲翻译唔好，你点写剧本啊？我哋香港啲剧本所有都係靠翻译咖嘞嘛。”（用台客腔讲）唔係啊嘛老世，我哋香港人都有自己嘅生活，自己嘅一切，使乜下下要翻译人哋嘅剧本，我自己都可以写个剧本出嚟！“啊？你好嘢！你可以写自己嘅剧本啊嘛？你写得出，我就拍咗佢！唔係讲玩笑嘅，你写得出，我就拍！你写啊！三日之后交畀我！”我啊真係写唔出嘞噉就。

 

　　我写唔出剧本，但係我好识欣赏人哋嘅剧本嘎各位。我到依家都认为，全香港写过最好嘅一个剧本，就係香港电台教育电视部制作嘅一个叫做《打电话问功课》嘅剧本，好似依家冇咗我觉得好可惜，因为我觉得佢写得好好就係咩呢，佢里面嘅人物呢，好有英雄感啊！你问佢乜都识答嘅！“耶……请问你咩叫‘发鸡盲’啊？”“哦，呢位同学，‘发鸡盲’呢其实有一个学名叫做‘夜盲症’嘅，佢嘅成因呢就係……”“耶……请问你咩叫做‘二硫氧化氢’啊？”“哦，呢位同学，二硫氧化氢係一种化学品嘅名称，佢有一阵屁噉嘅味道嘎，噉佢嘅化学成分分别係……”“耶，请问你咩叫做‘Ｂｅａｔ　ｔｈｅ　ｓｈｉｔ　ｏｕｔ　ｏｆ　ｈｉｍ’啊？”“哦，Ｂｅａｔ　ｔｈｅ　ｓｈｉｔ　ｏｕｔ　ｏｆ　ｈｉｍ啊，呢位同学，就係出自莎士比亚嘅名著《打到出屎》啊。”“耶，噉请问你咩叫‘人生的意义’啊？”“哦，呢位同学，人生的意义呢就即係两个发鸡盲乘以三个二硫氧化氢，再加上Ｂｅａｔ　ｔｈｅ　ｓｈｉｔ　ｏｕｔ　ｏｆ　ｈｉｍ啊。好嘞，听日同样时间呢我哋再解答埋阿罗同学有关绮梦嘅问题啊……”

卢总

广州说唱　　□　陈家丽　辑　　 　　 　　十月芥菜——起晒心 　　纸扎下巴——口轻轻 　　屎坑关刀——文（闻）又唔得，武（舞）又唔得 　　鼎湖上素——好斋 　　火烧旗杆——长叹（炭） 　　飞机打交——高斗 　　海底石斑——好淤（鱼） 　　鸡食放光虫——心知肚明 　　番鬼佬月饼——闷极（ｍｏｏｎｃａｋｅ） 　　非洲和尚——乞（黑）人憎（僧） 　　潮州二胡——自己顾自己（ｇａｇｅｇｕｇａｇｅ） 　　断柄锄头——冇揸拿 　　猫儿洗面——係噉意 　　棺材铺拜神——想人死 　　蒸生瓜——神神地 　　屎坑关刀——无张利 　　神仙放屁——不同凡响 　　生虫拐杖——靠唔住 　　番薯跌落灶——该煨 　　老公泼扇——凄（妻）凉 　　单眼仔睇老婆——一眼睇哂 http://www.nanfangdaily.com.cn/s ... 12/200709130308.asp

卢总

十月芥菜——起晒心

 

纸扎下巴——口轻轻

 

屎坑关刀——文（闻）又唔得，武（舞）又唔得

 

鼎湖上素——好斋

 

火烧旗杆——长叹（炭）

 

飞机打交——高斗

 

海底石斑——好瘀（鱼）

 

鸡食放光虫——心知肚明

 

番鬼佬月饼——闷极（ｍｏｏｎｃａｋｅ）

 

非洲和尚——乞（黑）人憎（僧）

 

潮州二胡——自己顾自己（ｇｅｇｅｇｕｇｅｇｅ）

 

断柄锄头——冇揸拿

 

猫儿洗面——係噉意

 

棺材铺拜神——想人死

 

蒸生瓜——神神地

 

屎坑关刀——冇张利

 

神仙放屁——不同凡响

 

生虫拐杖——靠唔住

 

番薯跌落灶——该煨

 

老公泼扇——凄（妻）凉

 

单眼仔睇老婆——一眼睇哂

Lucciora

係“重有” 其實南方都市報一直都有好多個錯別字，冇計，冇專門執字粒嘅人同埋啲小編唔係個個嘅粵字修爲都咁好

highyun

原帖由 Lucciora 於 2007-9-14 10:55 發表 係“重有” 其實南方都市報一直都有好多個錯別字，冇計，冇專門執字粒嘅人同埋啲小編唔係個個嘅粵字修爲都咁好

 

希望盧總可以將呢個版做到成爲所有傳媒嘅正字專版，引起廣大媒體注意。

卢总

寡人正有此意！
所以大家以后如果唔想见到啲错别字满天飞，唔想见到火星文横行，唔想畀猪如张小莉呢种仆街音奸，唔想我哋嘅下一代被人教坏晒嘅话，就要团结起嚟，一齐砌低佢哋！

哲水

迟啲冇八折个啵----------------唔係呢個 個啊！  ？？

 

重有  都錯， 應該係 仲 有。

itxu2k

咨客：买盒月饼啦，依家（现在）有八折啵。

 

 

而家多数后生些少嘅都读[依家]...

 

完全冇解