新版論壇正式啓用

highyun

經過若干晚嘅測試同一個星期六嘅轉換、設置，discuz版本新論壇終於出街。新論壇功能更多，不過可能管理員以及網友都要花一段時間熟習。

 

新論壇啓用伊始，功能設置上有好多地方未完善，希望各位幫手測試，將問題以回帖形式反映。多謝各位支持！

 

--------------------------------------------------------------------------------------------------------------------------

對部分意見嘅處理情况：

 

1、普通字體顔色 （已改黑色）

2、帖內字體大細 （已改大）

3、默認字體（已改爲細明體） 其它問題尚需要時間。

4、專題類別中“其它”擺最後嘅問題。

5、快速回帖問題：由於快速回帖默認用discuz代碼模式，分唔到行，所以唯有唔開放快速回帖。

6、唔可以上傳附件問題，已經解决。唔同級別用戶可以上傳唔同size嘅附件。

 

其中dada所講嘅唔知持ext-B字體嘅截斷問題比較嚴重，要改論壇程序，需要一段時間。喺未改好呢段時間，請先唔好用ext-b發帖，而用圖片或部首組合嘅方法頂住先。

Wai

新論壇個look係型仔。 辛苦晒你哋喇。 有啲地方譬如話 回覆帖嘅自動轉換界面重係簡化字，『回覆』，『回復』好似呢類型。

Wai

意見收集箱嘅英文少咗三隻字母(Suggestions)

余OK

　　發帖上傳圖片嘅水印默認為Discuz嘅logo，要改成有粵協嘅標記。另外好似設置唔到購買帖。

余OK

　　各版塊嘅專題順序要調整吓，尤其是「其它」應該攞到最屘。另外版面「簡潔」呢個理念喺任何時候都唔會錯，無謂嘅功能可以唔要，以使版面更條理。

samkong

新論壇確實好型仔啊，辛苦晒你哋！

飛鳥

恭喜！好似幾好

smallcat2006

機好喔！

余OK

　　喺首頁顯示嘅子版應該要更加突出啲，起碼係用粗體字，睇睇可唔可以實現到。

huang

啲字可唔可以用黑色？？

灰黑色對於近視嘅人唻講睇得唔係好清楚

 

再好將回覆嘅字體都默認為深黑色.........

余OK

　　發帖顯示嘅默認字體最好設為細明體，對應返正體字好睇好多。

Kathy

辛苦各位管理員啦。。。 好彩唔使再注冊過。。。

dada

粵語文庫→每日一句與粵語有關之古詩詞，2007-9-8 23:18 ，壅 一、所有移行冇晒。 二、字型問題﹕ [東漢]劉熙《釋名．釋用器》﹕「[金冓]，溝也…… 新論壇唔支持[金冓]（U+28A8B）﹐就噉斷咗。

粤语卫士

抑：

1、論壇的“發表回復”、“回復/查看”、“快速回復主題”等当中的“回復”是否應寫成“回覆”？

 

2、新論壇型仔嘅講法我就唔多認同，只不過令人有耳目一新嘅感覺啫，我登錄嗰陣明明經已揀咗“詩意田園”風格，但係色水重係咁深沉，唔夠鮮豔；

 

3、好似唔見咗“我發表的主題”和“我參與的主題”功能；

 

4、有啲版門檻設得高咗，之前我都入得到“時事光明頂”，但現在卻出現以下提示：

       您無權進行當前操作，這可能因以下原因之一造成

您不滿足訪問這個版塊所需的條件。
   訪問條件: 在線時間(小時) > 24   並且   發帖數 > 30
   您的信息: 發帖數 = 94   在線時間(小時) = 0  

您已經登錄，但您的帳號或其所在的用戶組無權訪問當前頁面。

 

5、灰色嘅字睇起上來真係有啲難度；

 

6、論壇首頁嘅Banner顯得唔多協調。

 

 

新事物當然有好嘅一面，亦都有欠佳嘅一面。

 

揚：

1、新論壇終於都將我嘅個性簽名顯示出來，而之前無論我怎樣設置，佢就係唔顯示，我都吹佢唔漲。

 

2、其他方面都一切正常。

 

欲揚先抑，忠言逆耳。

論壇工作人員，辛苦晒咁多位！

[ 本帖最後由 粤语卫士 於 2007-9-9 01:02 編輯 ]

Lucciora

應用“回覆”

Ultra

测试：𨪋 ?  gaa3

余OK

　　請各位理解新舊版面論壇嘅轉換需要花費大量嘅手動操作，現時祇單靠一兩人工作無疑負擔非常之重，我哋會逐步完善，畀世人更佳嘅面目。

neogeo

新論壇好似好睇D, 但字好似細咗D

neogeo

我尋日發嘅貼冇咗? 定系搜索功能用唔到? [ 本帖最後由 neogeo 於 2007-9-9 08:54 編輯 ]

libran

我覺得新論壇系好睇D, 字大番小小就OK. 我個IE設咗"不使用網頁中指定的顏色", 所以顏色設置對我無影響.