你希望增加或者改变边啲版块？

neogeo

原帖由 粵嚟粵掂 於 2007-9-9 22:33 發表 加情色版，方便啲咸味帖有碇落腳。   

 

 

強烈反對! D咸嘢會嚴重削弱我地嘅鬥志. 成日掛住睇咸嘢點做大事?

 

 

我地要維護粵協嘅形象, 唔可以搞到粵協cheap曬, 畀人睇衰!

 

dada

加一個測試區﹐俾方便試各種功能﹕插圖、鏈接、音頻……

粵嚟粵掂

原帖由 neogeo 於 2007-9-11 11:36 發表     強烈反對! D咸嘢會嚴重削弱我地嘅鬥志. 成日掛住睇咸嘢點做大事?     我地要維護粵協嘅形象, 唔可以搞到粵協cheap曬, 畀人睇衰!   ...

 

講笑啫！主要喺用嚟諷刺某啲成日喺粵協發咸味帖嘅友！

余OK

　　意見雖多，但迄今未有邊位提出可行性建議，能夠保證到版面發帖質素同人氣量，同埋自動請纓做版主或表態堅持撐旺嗰個場，呢兩個最重要嘅point都見唔到，的確比較遺憾。我哋一直強調唔係唔想開新版，但睇住好似最新開設嘅外語版而家意興闌珊，同當初咁多人贊成開設此版嘅踴躍氣氛形成極大嘅落差（有record為證：http://bbs.cantonese.asia/viewthread.php?tid=6060），諗諗吓眞係唔想又一次重複歷史而已。

　　此帖期待有實質性嘅建議，而唔係泛泛而談假大空式嘅吹水意見。

[ 本帖最後由 余OK 於 2007-9-11 22:18 編輯 ]

茗荷介

我覺得外語角人煙稀少其中一個問題可能就係定位不明，或者有，但係冇明確表示啩。

 

究竟係所有與外語有關嘅内容都可以post上去，定係話一定係E-C或者C-E呢（C=Cantonese）？

 

如果淨係同粵語有關嘅英語知識，資源比較匱乏，唔係甘好搵。       

不過如果係前者，内容又太泛。建議都係搞特色啲，最好諗幾個主題（暫時未諗到），唔好大雜燴咩都放上嚟，況且呢度都係粵語爲主，要講專業，大把英語學習bbs，人地都冇必要嚟呢度。

       

當然啦，一個或以上有時閒有精力管理板塊嘅版主都係indispensable嘅。

卢总

我早就推荐过“茗荷介”做外语版嘅睇场咖啦，又冇人正视过！

卢总讲嘢你哋要听先得嘎！

茗荷介

原帖由 卢总 於 2007-9-12 00:40 發表 我早就推荐过“茗荷介”做外语版嘅睇场咖啦，又冇人正视过！卢总讲嘢你哋要听先得嘎！

 

唔係呢個意思啊盧總，OK之前都同我講過，不過係我自己保證唔到有時間同精力做咯。

 

不過始終都希望個版可以搞得有聲有色啲。

 

希望大家群策群力，搞好個論壇。提出可行嘅措施，而唔係一味批判同悲觀。

卢总

时间呢家嘢，睇点分配嘅啫。 如果畀咗个权，畀咗个责任你，你自自然然就识得点样分配咖啦！ 况且，有时将某个版嘅责任摆晒喺一个人嘅身上亦唔见得系有利嘅。反而引入一啲良性竞争重可以提高彼此嘅水平！ 卢总讲嘢，你哋要听先得！

粵嚟粵掂

等我嚟正經啲講番兩句喇。

 

 

老實講，粵協裡頭有質素嘅原創帖尤其係用粵文原創嘅比例好少，大多數唔係轉貼，就係齋吹水貼。對於轉貼，保證發帖質素呢樣嘢完全在於發貼者嘅操作習慣。而對於原創粵文帖，妳冇可能要求又多又靚兼夾準時定候發送，一篇靚嘅長篇嘅粵文帖係要落好大心機去搵素材，構思成文，電腦錄入嘅，所以冇可能成日出。

 

 

至於有冇人去睇啲帖，噉關乎帖嘅包裝同內容，所以而咖某啲人利用個帖題大做文章，咸咸哋自然吸引到啲麻粒佬。搞到噉老實講真係好唔應該兼冇意思。

撐旺個場並唔係憑版主隻手之力就可以做到嘅，個版塊要夠吸引某啲趣味相投者至得，所謂築巢招鳳就係呢個道理。

 

 

自動請纓做版主同開地理風光版呢樣嘢我先前有提出過，不過嗰時入嚟冇幾耐，剖咗。而咖我再一次正式申請開設大粵史地版，史地版論述大粵嘅本土歷史同粵地嘅地理風光，我做大粵史地版嘅版主。

 

 

我嘅大粵史地水準雖然唔算得好醒，不過做呢個版嘅版主仲係夠班嘅。而咖嘅問題係，啲人放唔放心啫。我同粵協裡頭好多人政治理念大相徑庭，係眾所周知嘅事實，坦白講，我並唔可以確保所有嘅議題都啱人哋心水。

 

 

芬1012

建議增設“市場信息”欄目。 大家都知道，信息就係金錢。當今社會，信息溝通非常重要。此欄目相信會吸引更多人加入本網站，并會用更多嘅時間逗留。網站嘅作用亦都會更大，亦都可以畀到網友切實嘅幫助。而且各位網友會因此喺現實社會之中互相認識，互相了解，進而互相信任。而網站嘅知名度亦會大大提升，甚至可能有廣告收益。

大家可以發布自己嘅供求信息，又可以互相切磋一下工作上嘅經驗，譬如講下四核AMD嘅CPU點配好，部車出咗問題應該點樣檢查，有冇必要買1000萬像素嘅相機，買嘅時候應該注意啲乜嘢，等等。

(但係一定要用粵文寫嘢）

如果開呢個欄目，我做版主啦。

[ 本帖最後由 芬1012 於 2007-9-12 22:23 編輯 ]

芬1012

我會將大家嘅特長整理好，然后永遠置頂。如果有網友想揾partner做嘢咯，就可以上嚟睇下囉。揾到錢咯，捐返多少心意畀粵協囉，噉就你又好我又好，係唔係噉講啊。

粵嚟粵掂

原帖由 芬1012 於 2007-9-12 22:19 發表 建議增設“市場信息”欄目。 大家都知道，信息就係金錢。當今社會，信息溝通非常重要。此欄目相信會吸引更多人加入本網站，并會用更多嘅時間逗留。網站嘅作用亦都會更大，亦都可以畀到網友切實嘅幫助。而且各位網友會因此喺 ...

 

好吖！我支持妳！

 

 

barbara

系0既~

支持饮食版:

民以吃为天,吃能补身心,吃呢个动作日日做, 不过我地又有无做岩?! 吃什么,怎么吃,吃几多,好紧要,U R WHAT U EAT, 至于斋与5斋,中意边个,本身就系自由选择.身心互补,求个舒泰和平衡;

又或者有朋自远方来,10 个着紧9个都知道吃在广州,身为主人家又点无翻2道LUN手?再退一步,5做得都要讲得出来,知道去边开饭,粤吃文化系甘时甘日已经有好深的内涵和广博的外延,不可轻视;

支持地理版:

吃完要郁动,先可以相互化解噶嘛....

支持市场版:

有理想,同时要粮草先行,不过呢, 都要好好把握....

支持外语版:

一句讲晒:有容乃大~

卢总

阿“拉姑”，我就当然系支持你啦！ 不过以后喺庶就少啲讲“吃”，因为广州话系讲“食”，好少讲“吃”。 “广州酒家”个招牌都唔会写住“吃在广州”啦！系唔系？

粵嚟粵掂

原帖由 卢总 於 2007-9-16 16:12 發表 阿“拉姑”，我就当然系支持你啦！ 不过以后喺庶就少啲讲“吃”，因为广州话系讲“食”，好少讲“吃”。 “广州酒家”个招牌都唔会写住“吃在广州”啦！系唔系？ ...

 

真正老一脫土生廣州人大把人都係講吃飯（jaak faan）咖！

卢总

唔该你搞清楚个字，了解清楚真正嘅情况先讲啦！

barbara

恩! 最紧要系个思维要改下！唔好再用普通话思维。 收到!

粵嚟粵掂

如果jaak唔係寫成吃，噉 jaak 又應該點寫呢請問？

 

我係用粵協出品嘅輕鬆粵拼輸入法打出呢個吃（jaak）字嘅。

卢总

原帖由 barbara 於 2007-9-16 04:48 PM 發表 恩! 最紧要系个思维要改下！唔好再用普通话思维。 收到!

阿“拉姑”真系冇得弹啦！

学嘢又快脆，态度又端正！

将来我一定举荐你做“行政总厨”！

唔係人噉品

點解時事版冇Q咗？