純粵語家園

矇矇鬆鬆

麥田網，純粵語家園。

MT目標：粵語作為一種完整嘅語言，理論上可以有場合（如網站等）喺完全冇北話輔助嘅情況下，依然正常運作而唔會出現混亂。

MT解讀：簡單、易記、健康、自然、親切、隨從、純真、理念、收穫、守望。

MT網址：www.mtmong.com

[此帖子已經被作者於2007-9-6 1:57:16編輯過]

卢总

寡人过去踩咗下场。

有一个好大嘅问题，南越／粤地区基本上系冇乜“麦田”噶噃！

矇矇鬆鬆

嘿嘿多謝卢总踩場。關於呢個問題，我喺呢度解釋吓。

一樓經已解釋咗，“麥田”嘅寓意係：簡單、易記、健康、自然、親切、隨從、純真、理念、收穫、守望。尤其是“守望”。

對於好多常見網站名來講，執著表面文字反而容易理解錯誤，舉例如下：

  “搜狐”並唔係動物研究與保護網站；

  “163”同1、6、3冇任何關係；

  “新浪”並非沙灘度假旅行社招牌；

  “21cn”成立於20世紀；

  “六間房”（視頻網）唔係搞房地產嘅；

   “土豆網”（視頻網）亦唔係搞網上農貿嘅；

  “google”如果按字面理解，亦唔會得到乜具體意思，因為呢係由另一個詞“錯拼”而來。

可見，網站名追求嘅係簡單易記、寓意美好。麥田網係取其自然、純真、收穫、守望等寓意。

多謝卢总關注[em01]

芬1012

《麥田守望者》？

矇矇鬆鬆

嗯，，呢個嘛，《麥田守望者》個名我係有聽過嘅，但同mtmong.com係冇乜直接聯繫嘅。事實上我都唔可以肯定《麥田守望者》係一本書定一出戲。

而且太過強調守望而忽略其他寓意（純真、收穫等），好似畀人一種大勢已去、夕陽在西嘅感覺。

重係嗰句：唔好太執著字面意思~

感謝關注~

[此帖子已經被作者於2007-9-6 2:04:18編輯過]

矇矇鬆鬆

粵協係學術網站，麥田網係生活網站，兩者會保持良好關係。

Lucciora

叫“守望木棉”可能重好噃，越南好耐之前就講過，凡係有木棉嘅地方就係交趾，即大粵（越）

矇矇鬆鬆

感謝樓上建言~。我哋嘅睇法係：粵語類生活網站唔見得個名一定要同粵語、南粵掛鉤。（當然如果係學術網站又唔同講法）

如果網站名太過拘泥於語言、區域，反而失咗大氣。----有幾曾何時見中文網站名強調與中文嘅關係？又有幾曾何時見英文或日文網站名強調與英文或日文嘅關係？

呢個就好似將一個書店設計成一本書嘅形狀噉，聽落好似好有創意，其實係頗俗、頗冇想像力嘅方案。

感謝關注` [em01]

[此帖子已經被作者於2007-9-6 1:55:06編輯過]

卢总

“幾曾何時”系咩结构？真有此句，还是“曾几何时”嘅错手？

卢总

我哋无论如何都无法从“ＭＴ”解读出：簡單、易記、健康、自然、親切、隨從、純真、理念、收穫、守望。

《麦田守望者》的确系一本书，亦有人组建过呢个名嘅乐队，出过唱片。

南越／粤地区基本上冇麦田系不争嘅事实，从市场推广嘅角度嚟讲，你个网难以令人产生共鸣，而你又揾唔到卖点嘅话，好难吸引到人气！

矇矇鬆鬆

感謝建言`

簡單、易記、健康、自然、親切、隨從、純真、理念、收穫、守望，呢八個詞，具體係邊個詞冇辦法解讀出，可以單一提出來，send mail 畀我哋，mt@mtmong.com。

你嘅意見或建議，係我哋嘅重要參考與努力方向。

阿边個

啱注册著個ID    好似好少嘢喎個網

矇矇鬆鬆

感謝關注``網站而家處於宣傳階段，由於多數廣東人上網根本冇使用粵語嘅習慣，所以宣傳難度甚大。故此共同努力建立一個純粵語環境網站，更顯得有必要。 [ 本帖最後由 矇矇鬆鬆 於 2007-9-12 10:18 編輯 ]

leon_jeng

而家中國仲有邊啲地方係純粵、純客、純閩嘅咩？到處都係有胡人進入咗。

矇矇鬆鬆

事在人為啫，一句到尾都係習慣問題，

睇返香港，都開始流行起所謂學煲冬瓜風潮，大家如果再唔做啲實事，嶺南文化就會被噉和平演變掉嘞，

呢幾十年來，粵語經已極大地向煲冬瓜靠攏咗，好多數十年前重有使用嘅詞彙，今日經已被丟棄咗，再噉落去，連祖宗語言都丟埋， [ 本帖最後由 矇矇鬆鬆 於 2007-9-12 10:19 編輯 ]

leon_jeng

原帖由 矇矇鬆鬆 於 2007-9-10 20:28 發表 事在人為啫，一句到尾都係習慣問題，睇返香港，都開始流行起所謂學煲冬瓜風潮，大家如果再唔做啲實事，嶺南文化就會被噉和平演變掉嘞，呢幾十年來，粵語經已極大地向煲冬瓜靠攏咗，好多數十年前重有使用嘅詞彙，今日經已被丟棄咗，再噉落 ...

喺吓國內嘅廣東人不如海外廣東人噉樣咁叻，人哋喺他人嘅國家但係一樣都能講得一口好流利嘅廣東話，唐人佳入邊就唔使講啦到處都係廣東話。但你睇啦，而家嘅廣東又點啫？連廣府大本營嘅廣州都有好多人講緊北撈話，廣東人唔講北撈話，但係廣東嘅外地人或者學校、政府機構似乎係正在壓迫緊廣東人放棄母語改口講北撈話嘅。

[ 本帖最後由 leon_jeng 於 2007-9-11 07:10 編輯 ]

矇矇鬆鬆

係體制問題！泛廣東人漂泊到人哋嘅國家反而會自由好多，喺自己嘅國家講自己嘅語言卻受到諸多限制。真係夠晒諷刺！

ps：粵協可唔可以設置為自動使用個人簽名吖``！
[ 本帖最後由 矇矇鬆鬆 於 2007-9-15 01:24 編輯 ]

leon_jeng

所以先講中共嘅共產制度實在對人苛刻過頭，真係逼人太甚囉。

卢总

原帖由 矇矇鬆鬆 於 2007-9-12 10:24 AM 發表 係體制問題！泛廣東人漂泊到人哋嘅國家反而會自由好多，喺自己嘅國家講自己嘅語言卻受到諸多限制。真係夠晒諷刺！ps：粵協可唔可以設置為自動使用個人簽名吖``！ ...

个人签名系要去到一定级数先可以自动显示嘅——呢一点，好多论坛都系噉做，以鼓励啲人多啲留喺个论坛，多啲发帖、回帖，为个论坛提高人气。

矇矇鬆鬆

如果民眾嘅自覺性高，zingfu係冇咁易洗腦嘅，www.mtmong.com嘅目的係建立一個純粵語環境，