吹水坊是否需要保持嚴肅性（投票）

Lucciora

禁止駡戰及人身攻擊，投票後可以提出意見

[此帖子已經被作者於2007-9-2 13:59:18編輯過]

大陆灿

话明吹水坊，点解唔畀讨论性?只要唔講激嬲阿爷嘅嘢,其它嘅就宽容啲,以免打击人发帖嘅积极性。

zhyj615

宽容一些　：）

H3

无我冇想要嘅选项,

吹水唔需要严肃, 但唔代表一啲低级趣味同低俗嘅嘢可以大肆咁讲.

smallcat2006

tou piao le

粵嚟粵掂

以下是引用smallcat2006在2007-9-3 17:18:33的發言：
tou piao le

撈話拼音？？！！！

粵嚟粵掂

以下是引用大陆灿在2007-9-3 4:50:04的發言：
话明吹水坊，点解唔畀讨论性?只要唔講激嬲阿爷嘅嘢,其它嘅就宽容啲,以免打击人发帖嘅积极性。

若果淨係討論性，噉不而整番個情色版畀妳發到夠喇！

而咖呢啲噉嘅嘢唔淨止齋喺吹水坊泛濫，仲漫延去其他版（諸如時事版）！

假如係為咗討論一啲關乎性嘅字眼（例如屌，鳩，屄，索）嘅用法，噉仲情有可原。但係睇下而咖啲帖，齋睇個標題就充滿挑逗性！庸俗不堪！

[此帖子已經被作者於2007-9-3 19:42:08編輯過]

阿边個

话明吹水囉    应该宽松啲嘅

大陆灿

唔觉性就系庸俗,性亦都可以系高雅,况且都冇人有发过讨论关于性嘅帖,如果有请举出几个案例嚟。虽然有部分嘅帖摄及咩充气娃娃;买槟榔送口交;某某街边露毛等字眼，但可唔可以话噉系叫讨论性,噉就系庸俗不堪?庸俗不堪如何介定?我觉得呢啲系一种花边新闻,报道一种社会风气，仲使呢种系不良嘅社会风气。新闻报道当然无可避免摄及到有性含意嘅字眼。好似媒体报道港台台长朱培庆叫鸡事件噉,可可以话又系庸俗不堪?以朱培庆为例，如果媒体将叫鸡事件刻意只大篇幅报道细节,如性交价钱，性交时间，用咩招式,相方有咩感受，有冇达到高潮,呢啲就系庸俗不堪。

仲有如果以粵嚟粵掂嘅标准,楼主Lucciora都发咗篇庸俗不堪嘅嘢,不过楼主就自打嘴巴，Lucciora投咗第一项

http://bbs.cantonese.asia/dispbbs.asp?boardID=111&ID=7814&page=1

最后引用《金瓶梅》作者兰陵笑笑生嘅话:读《金瓶梅》而生怜悯心者菩萨也,生畏惧心者君子也,生欢喜心者小人也,生效法心者禽兽也!

芬1012

《吹水坊》啲話題幾乎都係轉過嚟嘅，而且一轉就係幾篇甚至十幾篇，基本上就係ctrl+c，ctrl+v就算數。

可唔可以修改一下，簡明扼要噉打上嚟呢？至少個標題都可以自己用粵文改一下咖。

 

就算同老友去茶樓飲茶傾偈吹水，都冇人會攞張報紙出嚟，成篇嘢一字不漏，甚至“的么了”都讀哂出嚟，之后先至再開始傾咖。

[此帖子已經被作者於2007-9-7 20:16:54編輯過]

芬1012

之前我都轉過一篇嘅，大家可以參考一下：

85%香港人唔愿意深圳人自由出入香港

85%嘅香港人唔贊成深圳人自由出入香港。喺兩邊當局就合作嘅議題討論去到高潮嘅時候，點知《明報》喺網上調查就得出噉嘅結果。據悉，接受調查嘅網民有15521人，預設答案有「贊成」、「唔贊成」、「冇意見」三個。結果顯示85%嘅人選擇咗「唔贊成」。

而家當局將此原因解釋為：香港人怕深圳人搞壞香港治安。呢個原因肯定係有嘅，因為香港人都有眼見嘅，嶺南（尤其係珠三角地區）嘅治安就係俾啲深圳人嘅老鄉搞壞嘅。除咗治安原因之外，應該重有其它原因嘅，我諗嶺南人都唔會贊成嘅。

[此帖子已經被作者於2007-9-7 20:21:53編輯過]

卢总

应该系啲所谓嘅“深圳人”－－而家佢哋最兴讲嘅一个词：新客家人。

“吓”家人，所以搞到“心震”！

Lucciora

以下是引用大陆灿在2007-9-3 21:34:41的發言：

唔觉性就系庸俗,性亦都可以系高雅,况且都冇人有发过讨论关于性嘅帖,如果有请举出几个案例嚟。虽然有部分嘅帖摄及咩充气娃娃;买槟榔送口交;某某街边露毛等字眼，但可唔可以话噉系叫讨论性,噉就系庸俗不堪?庸俗不堪如何介定?我觉得呢啲系一种花边新闻,报道一种社会风气，仲使呢种系不良嘅社会风气。新闻报道当然无可避免摄及到有性含意嘅字眼。好似媒体报道港台台长朱培庆叫鸡事件噉,可可以话又系庸俗不堪?以朱培庆为例，如果媒体将叫鸡事件刻意只大篇幅报道细节,如性交价钱，性交时间，用咩招式,相方有咩感受，有冇达到高潮,呢啲就系庸俗不堪。

仲有如果以粵嚟粵掂嘅标准,楼主Lucciora都发咗篇庸俗不堪嘅嘢,不过楼主就自打嘴巴，Lucciora投咗第一项

http://bbs.cantonese.asia/dispbbs.asp?boardID=111&ID=7814&page=1

最后引用《金瓶梅》作者兰陵笑笑生嘅话:读《金瓶梅》而生怜悯心者菩萨也,生畏惧心者君子也,生欢喜心者小人也,生效法心者禽兽也!

其實我冇投到票，我係睇你哋嘅結果啫

卢总

吹水坊最需要嘅就系保持言论嘅独立自由性！ 只要发言唔系破坏国家统一、违反有关法律法规，所有管理人员都唔应该随便修改人哋嘅发言！

粵嚟粵掂

原帖由 卢总 於 2007-9-14 19:19 發表 吹水坊最需要嘅就系保持言论嘅独立自由性！所有管理人员都唔应该随便修改人哋嘅发言！

 

唔淨止係喺水版，而係成個論壇都應該係噉！

粵嚟粵掂

原帖由 卢总 於 2007-9-14 19:19 發表 只要发言唔系破坏国家统一、违反有关法律法规 ...... 

 

至於妳又喺中間整句咁嘢，噉仲有乜“独立自由性”可言吖？？？

卢总

你冇嘢系嘛？

任何社会，“自由”都系相对嘅，冇话绝对嘅。

如果乜都讲要绝对嘅自由，噉就即系冇自由！

粵嚟粵掂

原帖由 卢总 於 2007-9-19 22:36 發表 你冇嘢系嘛？任何社会，“自由”都系相对嘅，冇话绝对嘅。如果乜都讲要绝对嘅自由，噉就即系冇自由！

 

 

我梗係冇嘢喇！真係多謝盧生嘅關心啵！

 

盧生妳喺度同我講絕對相對，不過妳似乎連運動時效呢啲概念都未透澈瞭解清楚啵。妳幾時學識辯証呢家嘢？

 

定義任何一件事物，都有一個度，而呢個度固定喺某一位置係有一個時效性嘅，呢個度嘅範圍唔會永遠一成不變。睇現時嘅態勢，定義“自由”呢個度係越嚟越闊。

我呢度所講嘅“自由”，唔淨止係言論噉簡單，而係言論背後思想上，思維方式上嘅自由，有諗法先至會有感而發，假如連一啲激超嘅諗法都冇，噉畀個言論自由妳都冇鳩用喇。

 

妳而咖係緊守著妳以前畀自己劃落嘅圈裡頭，根本唔清楚呢個圈嘅界限喺度不斷嘅外拓延伸，所以妳會對一啲先進嘅理念持懷疑拒絕嘅態度，唔敢諗，唔準諗。而呢啲先進嘅理念啱啱好已經進入咗呢個圈嘅新界限範圍之內，妳仲喺度固步自封，唔肯邁出跨越舊界線嘅關鍵一步！

老實講，以左中右嚟分，妳係中右，妳嘅立場經已喺舊圈嘅最邊緣，好多嚟粵協嘅人情況都好似妳噉，呢關鍵一步唔敢諗唔敢行，自己唔畀自己去諗去行，自己限死自己。噉永遠都唔會有真正嘅覺醒。

 

芬1012

原帖由 粵嚟粵掂 於 2007-9-20 20:25 發表     我梗係冇嘢喇！真係多謝盧生嘅關心啵！   盧生妳喺度同我講絕對相對，不過妳似乎連運動時效呢啲概念都未透澈瞭解清楚啵。妳幾時學識辯証呢家嘢？   定義任何一件事物，都有一個度，而呢個度固定喺某一 ...

冇錯，所有想拯救粵語啲人都有可能“犯法”，除非乜嘢都唔做，否則就肯定會觸犯某啲人設定嘅“法”。

 

當有人要殺死你嘅時候，如果你細細聲、偷偷呻兩聲，人哋可能唔理你，就因為人哋唔理你，所以你唔算犯咗佢哋嘅“法”。但係如果你掙扎幾下，你就已經係“犯法”。當然，面對要殺死你嘅人，你可能會選擇離開佢（呢個係人之常情），但係你噉樣做就係嚴重“犯法”：“你點解要走啊？你點可以走啊？你點解唔乖乖哋留喺度畀我殺啊。”我舉住把菜刀一邊追住只雞一邊大聲叫。

粵嚟粵掂

原帖由 芬1012 於 2007-9-23 20:02 發表 冇錯，所有想拯救粵語啲人都有可能“犯法”，除非乜嘢都唔做，否則就肯定會觸犯某啲人設定嘅“法”。   當有人要殺死你嘅時候，如果你細細聲、偷偷呻兩聲，人哋可能唔理你，就因為人哋唔理你，所以你唔算犯咗佢哋嘅“法”。 ...

 

 

我哋唔係雞嚟咖，北姑先係雞！

 

當然，畀人噉追斬法，唔雞飛狗走就怪喇！

 

三十六着，走為上着！

 

真係走得快好世界！

 

仲唔快啲冇鞋挽屐走？

 

走死叱就！！！

 

 

[ 本帖最後由 粵嚟粵掂 於 2007-9-23 20:44 編輯 ]