|
广州电视台节目《新闻日日睇》之《七点点一点》（节选）
时间：2007.8.27.
主播：陈SIR
今日嘅《七点点一点》点过上海嗰一边。话题就系个旧话题，不过今日嘅《人民日报》第十版有长篇报道，睇嚟有“点’嘅必要。报道题目系《上海地铁尝试方言服务引争议》。前不久，上海轨道交通3号线上海火车站站公开征集闽南话、广东话、温州话、武汉话和长沙话等5种方言的服务用语，期望提供“方言服务”。此举引来争议，遭到上海市语言文字管理部门的质疑。反对者认为此举违背国家通用语言文字法，妨碍普通话推广。
人哋上海地铁要培训自己嘅员工学习各种方言，更好咁为人民服务，结果居然成为挑战普通话，甚至成为违法之举，真系令人百思不得其解。... ...
讲老实话，推普的确好有必要，但系近年嚟种种霸道嘅话语方式，已经令人十分反感。边个唔系阿妈生呢，边个嘅阿妈唔讲方言土语呢？就算北京人，讲嘅都系北京话而唔系普通话呀，大哥！自然界嘅人们都知道要保护物种嘅多样性，社科界嘅人们都知道要保护文化嘅多样性，方言嘅多样性就系文化多样性一个最直接嘅命题。嗰的对方言土语立心要赶尽杀绝嘅所谓专家，同嗰的滥杀藏羚羊的强盗，实际上冇乜嘢太大嘅区别。都系为咗一个“利”字，而绝非为咗乜嘢崇高嘅理想同埋抱负。藏羚羊唔通可以将只狼食咗去？你总唔能够话：为咗保护狼，去杀绝藏羚羊啩？方言能够将普通话食咗咩？地方文化早已日渐式微。而普通话借助国家力量同传统媒体嘅强大力量，家阵系如日中天，咁样嘅语言生态嘅不平衡，唔知有几个专家能够睇得到呢？
今日嘅《七点点一点》就系推普不能恃强凌弱。我哋就系要好似保护藏羚羊一样，保护我哋亲爱嘅方言；好似保护藏羚羊一样，保护我哋已经衰败得不能再衰败嘅一切方言。
| 
發表於 2007-8-29 08:22:54
發表於 2007-8-29 23:40:30