[轉貼]廣州有望建世界第一高塔

Wai

廣州有望建世界第一高塔

中國南部城市廣州有望下月破土動工興建世界第一高塔：新廣州電視塔。

 

廣州市政府目前已經基本選定三個設計方案。其中名為"公里塔"的一個方案在不久前舉行的市民投票中，以588米世界第一的高度奪得廣州市民青睞。

 

BBC駐北京的記者林慕蓮說，如果一個國家的自豪感可以用建築物的高度來衡量的話，中國絕對有可能成為勝家。

 

據中國的官方媒體報道，新的廣州電視塔預計今年12月可以進行前期施工，將與2007年8月-9月竣工。

 

如果新塔確實採用高度達到588米的設計方案，竣工後將超過現有世界第一高塔紀錄保持者、位於多倫多的加拿大國家鐵路塔。

 

同時，588米的高度還將超過計劃修建的新的紐約世界貿易中心，該中心的高度為541米。

 

林慕蓮說，中國城市的面貌日新月異，廣州電視塔只不過是中國為數眾多、雄心勃勃的建築項目之一。

 

但她同時還說，一些名氣最大的項目最後都被外國公司奪走，這一現象也在中國受到廣泛微詞。在北京，為2008年奧運會興建的幾所體育場館預算已經被削減。

 

儘管如此，林慕蓮認為，現在在中國建築項目之多，使得中國成了世界建築商大顯身手的遊樂場。

 

轉載自BBC中文網

[此帖子已經被作者於2007-8-22 20:46:24編輯過]

Wai

呢個係好耐之前嘅新聞，覺得個概念圖幾正，喺呢度貼返嚟：

初步選定的設計方案之一（新華社圖片）

卢总

概念图几正都假啦－－揾我哋广州人笨实嘅嘢！唔明你有乜咁自豪！

大陆灿

中国人就係有种摩天大楼情结，以为起多啲摩天大楼就係国家富强嘅象征。要知道依家嘅建筑所追求嘅係环保,节能.......

Wai

以下是引用大陆灿在2007-8-23 0:22:19的發言：
中国人就係有种摩天大楼情结，以为起多啲摩天大楼就係国家富强嘅象征。要知道依家嘅建筑所追求嘅係环保,节能.......

中國而家係有好多人鍾意摩天樓嘅，喺廣州亦有好多人想廣州嘅天際線越高越好。呢啲係城市發展嘅趨勢。

冇錯，而家建築係追求環保建築，而家世界嘅潮流都係噉。

起初我都擔心廣州電視塔嘅規劃會唔環保，可能我過份悲觀，佢哋出嚟嘅規劃效果居然出其咁好，環保概念占好大比例。從規劃到招標設計都好重視環保呢個概念。而家出來嘅效果，亦好令人滿意。

佢哋嘅建築工藝好高難度，高出國際水平好多班。

環保綠化帶占好大比例，用於消閒文娛區。

建築以鋼結構為住，減少污染（對比於石屎，水泥）。

當然，實有反對嘅聲音。

望佢出嚟嘅效果，會畀人有好嘅心情。

 

Wai

 

[轉貼]廣州有望建世界第一高塔

圖片來源：廣州城市建設

紫凤凰

高樓一棟棟，有幾座實用？

卢总

以下是引用大陆灿在2007-8-23 0:22:19的發言：
中国人就係有种摩天大楼情结，以为起多啲摩天大楼就係国家富强嘅象征。要知道依家嘅建筑所追求嘅係环保,节能.......

唔好以为有环保、节能嘅概念就系好嘅建筑！

唔搞呢啲建筑先至系最好、最环保、最节能嘅建筑－－因为搞亲呢啲工程就系产生污染、造成浪费嘅开始！

爱攀比嘅风气唔止喺上一代，而且已经蔓延至下一代，更何况系你哋呢一代？

卢总

以下是引用紫凤凰在2007-8-23 23:49:27的發言：
高樓一棟棟，有幾座實用？

唔整多啲高楼大厦出嚟，嗰啲读“建筑”嘅人又边有饭开啊？

高楼大厦一座座就意味住要消耗好多资源－－于是ＧＤＰ就不断增长，跟住个官职又一路一路噉上升……

一举几得，真系认真够晒实用啰！

Wai

以下是引用紫凤凰在2007-8-23 23:49:27的發言：
高樓一棟棟，有幾座實用？

摩天樓嘅發展，市場係好重要嘅因素，冇市場，點會起呢？

有幾座有用？呢張帖嘅發展項目就好有用。整體對廣州嘅國際形象好有好處，目前已經起碼有兩間國際品牌入駐投資起鏈鎖店。

對於吸引外商呢點係好嘅，反過來，對本地就業需求亦有好處。

睇法有好多種，唔係自己用唔到就唔實用。

大陆灿

从好嘅方面諗亦可以促进经济发展，增加就业机会。

卢总

点“促进经济发展，增加就业机会”法啊？

起呢个噉嘅烂鬼垃圾电视塔要使几多钱啊？

将来起好之后又要花几多钱同资源去维护佢呀？

连最基本嘅电视发射功能都起唔到咩大嘅作用，靠其它设施嘅运营就一定可以赚返啲投资返嚟嘞咩？

Wai

以下是引用大陆灿在2007-8-24 16:04:14的發言：

从好嘅方面諗亦可以促进经济发展，增加就业机会。

高層建築係唔隨便起起到，當然亦唔到隨便話起就起。

建築嘅過程係將各種概念同能力結合起來創造出新嘅物體，以呢個物體係建立係市場同城市發展嘅基礎上。

好嘅方面，你講嘅係啱嘅。

建築物唔係代表一個面子，係體現出呢個城市發展過程嘅標記（同樣道理，民國時期嘅建築都係反映當時嘅城市發展）

好嘅建築物，唔單止對經濟有幫助（譬如話吸引商業機會，目前廣州已經吸引咗幾個國際品牌），重可以對國民嘅價值觀提高。

當然乜嘢都有唔好嘅方面，城市發展，會對前期嘅成果拆除，角度可以話係浪費，只能減低。所以選擇地點好緊要。

平衡好與唔好，得出嚟嘅先係可行。

當然唔係話起得高就係好，係起得有品味，有內涵先係好，呢個同規劃有關。

 

大陆灿

以下是引用卢总在2007-8-24 16:09:05的發言：

点“促进经济发展，增加就业机会”法啊？

起呢个噉嘅烂鬼垃圾电视塔要使几多钱啊？

将来起好之后又要花几多钱同资源去维护佢呀？

连最基本嘅电视发射功能都起唔到咩大嘅作用，靠其它设施嘅运营就一定可以赚返啲投资返嚟嘞咩？

阿Wai 帮我答咗。

卢总

你噉叫做答咗我呀？！

你唔觉得佢答非所问嘅咩？！

你唔觉得佢啲逻辑好有问题嘅咩？！

大陆灿

促进经济发展

阿Wai答:譬如話吸引商業機會，目前廣州已經吸引咗幾個國際品牌

增加就业机会

噉大嘅工程要请好多人做嘢,仲唔增加就业机会。

卢总

噉你都睇唔出个问题有几严重咩？！

重要攞啲废话嚟当道理？阿灿唔系咁冇水平系嘛？

大陆灿

嗱!講明先，我都唔赞成起埋啲型象工程，凡事更有利弊,问题係利大于弊亦话弊大于利，我不过试图从好嘅角度諗。电影“国产007”嘅司令话:“就算一嚿卫生巾，一块厕纸都有佢嘅作用。

Wai

以下是引用大陆灿在2007-8-24 17:08:11的發言：
电影“国产007”嘅司令话:“就算一嚿卫生巾，一块厕纸都有佢嘅作用。

真係好嘢，真係得。真係有希望。

卢总

首先浪费一大笔资金同好多资源去建设一啲形象工程，然后再将佢嘅好处无限放大一下，将啲衰嘢就收收埋埋。

如果有成果当然就可以歌功颂德啦，如果冇效果就再睇下点样补镬，反正起好之后又唔会拆咗佢嘅－－呢啲就系嗰班人嘅思维！

所以你攞嗰句说话做思考嘅角度就唔系咁啱嘞！