|
紮鐵工人起義，令到沉寂的土瓜灣聲名大噪，天天高踞報章頭條。我對土瓜灣認識不深，記得有位模特兒朋友居於此、舊同事熱愛到雀會聯誼，僅此而已。近日，想打電話給舊朋友，卻沒勇氣打，就在此刻，有個沒顯示的來電。
「你近來點呀？」
「都係咁啦！你呢？」
「我最近辭咗職比較清閒……我哋都有兩年冇見咯！」
「兩年？有咁耐咩？不如約出嚟見面啦！」
兩年沒見的模特兒朋友，約會地點就在土瓜灣她家附近，離遠已聽見起義之聲，姑勿論爭取成果如何，我很佩服紮鐵工人的堅毅。行到一間甜品店外，我們被階磚仔外牆及螢光綠色椅子吸引著，我處於兩難局面——手掌係肉手臂又係肉，朋友慫恿：「食埋呢餐先減啦！」一於咁話！
看餐牌時，聽見小朋友嚷著「波波池」，少女哈哈笑說「遠離我」。一系列鬼馬的甜品名，要吃過才知其底蘊，就如「糖不甩」，古代解釋是「以糯米粉團黏著糖、花生碎及芝麻而不會甩」，現代解釋就要讓Fiona唱出來才夠傳神。甜品衝出了廚房，跨越地域、媒體、音樂、字典……要起義了！
吃甜品要先看圖片，多鮮果陪襯的，心理上會覺得健康一點，卡路里少一點。我很久沒上茶樓吃腸粉，於是點了鮮香芒腸粉。一啖咬下，不是布拉腸粉的輕薄口感，倒覺得像甜河粉，芒果肥厚鮮甜出乎意料。孤陋寡聞的我以為加了糖水，請教老闆，才知菲律賓最大的芒果，即呂宋芒，其自然甜度不用加糖水已甜到漏。
叫了鮮果拿破侖千層，怎樣吃才好？不如一人拿一層吧！兩層酥皮以自家製的Custard墊底，牛油味很香，忌廉細滑，我有幸吃到燒了焦糖的上層，感覺像小時候吃的麥芽酥餅般鬆脆，拌吃鮮果甚是滿足。
朱古力黃金磚，面層有點金箔，看似重量級的甜膩。由於餅芯是用朱古力、朱古力醬、鮮忌廉及冧酒製成，加上蛋白混和果仁做的蛋糕底，軟綿不膩，朱古力味純，水準甚高，博覽會熱賣的瘦身朱古力及曲奇也給比下去。
鮮雜果水晶凍丸，我揀了一粒紅豆餡的。老闆解釋，凍丸是將蒟蒻煮溶後涼凍，再包著紅豆、蜜瓜或芒果。個人經驗，吃丸狀物體不能斯文，要整粒吃，有試過吃爆漿牛丸的就會明白。較甜的紅豆混合高纖低卡的清淡蒟蒻，味道得以平衡。
所謂眼闊肚窄，見到甜品便失控的我們，誰叫了卻吃剩的，便要罰帶回家。
作者：Kim & Doris
轉載自http://hk.where.yahoo.com/a/article.html?id=231
[此帖子已經被作者於2007-8-20 20:42:45編輯過]
| 
發表於 2007-8-21 04:24:08
