[讨论]學武之人一定捱過唔少苦~~

Kathy

學武之人一定捱過唔少苦~~ 你地學武過程中有咩係好深刻嫁?? (1) 我最記得 n 年前踢沙包... 但係個沙包入面個層全部係鐵珠...!!!!!!! 個陣見到d 大師兄踢到"拍拍"聲...個沙包都蕩黎蕩去... 點知我踢極都唔郁...仲痛到我死...成隻腳背瘀晒...... 嗚嗚~個陣諗我又唔係去學泰拳... 嗚嗚...做咩搞到咁慘......... (2) 打比賽打到隻腳變左豬蹄~返學"踼拖"~~ 哈哈~不過我當然知我呢d 叫小兒科...

highyun

其实我一直都唔觉得我好苦，可能最苦就系练雙節棍被打亲个头。 噉讲法我啲训练强度都未够啊，唔怪之我而家未够好打啦。

ping师弟

吃的苦中苦，方为人上仁啊～

Kathy

一諗起你俾自己條雙節棍卜親自己個頭就想笑~~~~~~ em2: em2: em2:

highyun

唓，自己被卜过先知道点卜人加嘛 em20:

鬼王泼扇

噤自己唔爆缸咪打唔到人爆缸？ 有人练功会好开心，因为练嗰阵唔喺以某个目标为惟一目的，只喺要不断去超越自己，而唔喺去超越某一段时间嘅某一个人；而觉得练得辛苦嘅某一群人为咗训练或者为咗比赛而训练，使整个训练过程变到机械化、动作化而忽略自己嘅感受，唔识响训练中寻找乐趣，噤嗰d人捱嘅苦只会喺人哋嘅两倍。 以前有句话流传落嚟，一个武术家嘅每一个动作每时每刻都响度练紧功，即喺话练功唔一定要响练功房对住某一种器械死练，无论何处都可以练功！ em7:

姐姐仔‰

我就觉得几好玩ar..虽然成日打亲自己～！

highyun

今日劈桥劈到好痛，不过好有充实感，感觉几好啊。

Kathy

今日整親隻腳...嗚嗚...

High_Hand

无伤筋骨受少少伤就无乜所谓啦，伤筋骨就惨d，好长手尾架！~ em6:

Kathy

我個師弟前排跳jump kick 時整親...入左醫院...仲要做8個星期物理治療~~~ 之前有個師弟打比賽又傷左下體...又入醫院... 哎...呢d 可大可小...仲有呢d 一定有後患嫁嘛~真慘....... 連我都會時不時膝蓋關節痛~個關節實磨損晒啦~~~嗚嗚~咁就一世嫁啦~~~ 所以勸大家小心d¬盡量唔好受傷...受左傷千其唔好唔理佢...因為後患無窮..... em8:

highyun

听落真系好似好高危喎

姐姐仔‰

我个师兄上排练功啊时跌左落梨整亲只脚脚啊～！ 我琴晚整琴个鼻啊，流左d鼻血同埋淤左d～！

SSSSSEGAAAAA

我看过学泰拳既人训练，真系好鬼恐怖架！看来我都要努力练习！！！ 不过，我想知道，如果整瘀左，唔揸药酒，会唔会有后患架？

Kathy

學傳統泰拳個d 搵命搏嫁...踢刨尖既竹等等 我就唔敢啦~~~ 不過運動化左既泰拳好左好多, 我表弟學左一排都唔見佢話有受傷~~~ em12:

SSSSSEGAAAAA

哦？不过，我觉得，练泰拳既人肤色都很黑……

highyun

查实中国古代好多传统功夫都几辛苦架，例如嗰啲鹰爪、虎爪、铁掌之类，日日要揾只手插落啲沙度，不过而家有鬼几多人揾条命嚟校飞咩。 重有醉拳都几辛苦，练饮酒都练到你傻啦

铁丐

想唔苦咪练太极罗，见d阿伯日日朝早响度打，唔苦啊，不过唔打得之嘛 em11:

姐姐仔‰

下？咁都得啊？ 踢拳道果d好恐怖嘎～！我林实练得好辛苦嘎皆～！

highyun

铁丐在2004-10-04 15:28:51说道：[br]想唔苦咪练太极罗，见d阿伯日日朝早响度打，唔苦啊，不过唔打得之嘛 em11:

傻啦，太极好打得架，要练好太极，一样需要付出好多努力。