其實係咪真係有必要咁"正字主義"呢??

阿8

我覺得其實語言只係一種溝通工具
最緊要係方便
但係成日都搵埋晒d無乜人知既"正字"
咁唔係仲麻煩咩?
例如"屎窟"個窟字
大部份人已經用慣睇慣係"屎忽"
突然見到有人噉用會覺得怪怪地
又例如個"尐"字
好多人都會用"d"代替
有d人望到個"尐"字根本唔知係乜野黎既
分分鐘以為係粗口添
與其係噉
不如用拼音表達好過啦
我唔係唔贊成要正字
但我覺得唔好太過"正字主義"
有時d正字知就好喇
你明唔代表個個都明
最重要係方便溝通丫嘛

[此帖子已經被作者於2007-8-5 15:45:43編輯過]

阿8

以下是引用阿8在2007-8-5 15:40:54的發言：

我覺得其實語言只係一種溝通工具
最緊要係方便
但係成日都搵埋晒d無乜人知既"正字"
咁唔係仲麻煩咩?
例如"屎窟"個窟字
大部份人已經用慣睇慣係"屎忽"
突然見到有人噉用會覺得怪怪地
又例如個"尐"字
好多人都會用"d"代替
有d人望到個"尐"字根本唔知係乜野黎既
分分鐘以為係粗口添
與其係噉
不如用拼音表達好過啦
我唔係唔贊成要正字
但我覺得唔好太過"正字主義"
有時d正字知就好喇
你明唔代表個個都明
最重要係方便溝通丫嘛

唐伯牛點蚊香

我覺得有必要執一下，而我都咁多人唔知，過得幾年米冇人識？有心你就學，我哋應該慶倖好有幫我哋執出嚟，費事成日用別字代替。關鍵可以真正咁實現“我口寫我心”。

唐伯牛點蚊香

以下是引用唐伯牛點蚊香在2007-8-5 17:14:06的發言：

我覺得有必要執一下，而我都咁多人唔知，過得幾年米冇人識？有心你就學，我哋應該慶倖好有幫我哋執出嚟，費事成日用別字代替。關鍵可以真正咁實現“我口寫我心”。

我覺得有必要執一下，而家都咁多人唔知，過得幾年米冇人識？有心你就學，我哋應該慶倖有咁多人幫我哋執出嚟，費事成日用別字代替，關鍵可以真正咁實現“我手寫我心”。

卢总

牛牛就讲得啱嘞！

阿８嘅心态虽然同好多人一样，但始终都系唔多妥当！

自己好好反省一下牛牛嘅说话！以后唔好再传播呢种思想或者观念！

tcwilson

本人認為 「識」 和 「用」 是兩回事，識了未必一定用，如樓主所言，不能夠達到溝通目的， 故，使用之文字必須可被大眾認識，方可成溝通工具，要不然，撚『正』 又何用？。

 

highyun

樓主嘅說話代表咗相當一部份網友嘅觀點。

其實我哋一直都係主張喺正字嘅基礎上盡量從俗，例如彭志銘《正字正確》中所講到嘅好多字，都冇可能廣泛推行嘅，我哋唔主張平時使用。但有啲字，例如“5得”“甘既”“距地”呢啲，絕對要正！

tcwilson

認識正音正字，實有需要，但非須要。 恐曲高和寡時，成獨唱矣。

Lucciora

起碼每個音每個字都備案先，適當係時候用就要用，適當係時候推廣就推廣

阿8

以下是引用唐伯牛點蚊香在2007-8-5 17:14:06的發言：

我覺得有必要執一下，而我都咁多人唔知，過得幾年米冇人識？有心你就學，我哋應該慶倖好有幫我哋執出嚟，費事成日用別字代替。關鍵可以真正咁實現“我口寫我心”。

我個人就將"正字","正音"睇作一門興趣, 又或者學問
有d發音, 例如: k/t韻尾, n/ng韻尾, 又或者有w既複聲母
我就會好著重發得正確
但有d字, 例如我聽聞"橙"字係第4聲
我諗100個人裡面有100個都讀做第2聲
如果我真係讀做第4聲既話
d人一係就聽唔明
一係就覺得好造作
另外, 我覺得呢d字我地細細個就開始咁讀
而且個個都係咁讀
突然間叫我地改口
的確係好難接受
所以我會選擇將"正字","正音"視作興趣
知就好, 唔會逼人同我一齊"正字","正音"

題外話....有無得del自己發過既帖傢? 唔識..........

[此帖子已經被作者於2007-8-6 0:46:49編輯過]

youngfs

"橙"字係第4聲，光橙橙、橙眼

卢总

以下是引用tcwilson在2007-8-5 21:55:06的發言：

本人認為 「識」 和 「用」 是兩回事，識了未必一定用，如樓主所言，不能夠達到溝通目的， 故，使用之文字必須可被大眾認識，方可成溝通工具，要不然，撚『正』 又何用？。

想问下你，你上呢个论坛嘅动机同目的系乜嘢？

如果研究到嘅结果唔运用，噉重研究嚟做乜？

tcwilson

以下是引用卢总在2007-8-6 11:09:59的發言：

想问下你，你上呢个论坛嘅动机同目的系乜嘢？

如果研究到嘅结果唔运用，噉重研究嚟做乜？

瀏覽至此平臺，談不上“動機、目的”，旨在交流罷，用“研究”這詞.....未知會否過了位？

至於正音正字之 認識與運用，是兩碼子事；文字、文章不能廣泛化被認知，皆不可長久，可見於今時力倡正音正字者所證之正字，泛皆孤芳自賞者也。

 

殺人王

每個人對"正字"嘅態度都可以唔同,對我而言探求白話本字只不過係我自己對自身文化嘅了解同興趣啫.

有時通過睇書研究,可對粵語用詞有更深一層"透視",對自身母語嘅語音演化同語義變遷會得到更真切嘅理解.

探求本字並非要教人寫出遵古字形,尋求"正字"亦非用來作為現代書寫嘅規範.

況且網絡咁開放用"E+" "D"等字符代替都好正常......係大家睇得明嘅情況底下你用字有你嘅自由.

tcwilson

有理。

 

首先，請容本人一表對‘正音正字’之態度.....絕對支持。

 

爾等應目睹在下於加入 貴處數天已答問多題，用意乃望能引起注意及應題討論，須知倡導‘正音正字’絕非易事，必先能引起他人興趣始可進行。 但可嘆者，在下初到貴境，即感被敵意眼光所窺，頓覺不明所以。

 

言歸正傳，‘正音正字’之推行，“up”就容易，識“口翕”有幾？ 懂“言翕”者渺矣。 皆因可識者，從言已可 (見‘識’字旁)；懂者，務必從心(見‘懂’字旁)，故，倡‘正音正字’，循步漸進必不可缺，提起大家興趣，先“up”可也。 蓋文字隨時代流轉，其包容性乃必要，試想，相互不可包容，又怎能成事？

 

以上愚見，若有開罪某方，請包涵！

highyun

好認同樓上兩位嘅意見。

tcwilson兄出入論壇冇幾耐已經發表咗好多有質素嘅帖，確實係難得嘅一位站友，我哋開設粵語協會論壇嘅目的之一就係吸引有共同興趣愛好嘅朋友一齊探討粵語。

至於敵意眼光，我諗兄台誤會喇，認識盧總時間長嘅人，都知佢口氣係噉，大可不必介懷。呢度歡迎理性討論，對事唔對人，希望你會繼續發更多好帖。

羊城惜花人

我一向都話咬文嚼字係啲學究所為

好耐之前發表過一張近似嘅帖http://bbs.cantonese.asia/dispbbs.asp?boardid=117&replyid=34522&id=5161&page=1&skin=0&Star=1

Jake_ct

絕對反對樓主觀點啦。

樓主忽略社會環境。中國社會環境而家好變態，意欲滅絕方言。其中有些理由很荒謬，但畢竟是他們的論點：就是粵語字都是廣府人自己造出來的，不是漢字。追溯正字，就係要讓這種荒謬說法不攻自破。而且，學校唔教粵語字，我地仲唔自動自覺咁傳承落去，祇會讓粵語沒落。明明係政策造成嘅不公平競爭，啲pk到時候又會話：客觀形勢決定粵語沒落。喺呢個咁嘅極權國家，啲人真係噏得就噏0架！

ws227

我覺得有需要，廣東話算係使用範圍比較廣既中國方言，係一種文化，有佢既歷史，唔應該因為正字少用就放棄，相反更加應該推廣，怕其他人唔明可以加註俗字，識既人多左自然會多人用。最終目標就係粵語書面化，令到中文唔再係河北方言（普通話源自河北方言）既專利。