《撥亂反正》之二十三：速食麵、即食麵 Vs 方便麵

highyun

 
　　呢輪大國崛起前嘅通貨膨脹，加價熱潮，上至樓股醫學，下至鹽油肉米，乜都貴晒，連麵都唔例外。新聞報道話：“方便麵馬上大幅漲價，群衆搶購方便麵……”。

　　報紙爲咗全國統一嘴型，保持政治正確，用“方便麵”都不足爲怪，奈何頗多市民都缺少獨立思考能力，人云亦云。其實麵唔係愛嚟“方便（特別係北方話嘅‘方便’）”嘅，係愛嚟食嘅，所以廣東人會叫“速食麵”、“快食麵”或者“即食麵”，而香港人往往會根據麵嘅品牌或者包裝物嚟稱呼，分別有“公仔麵”、“出前一丁”，或者“杯麵”。

　　下次食嘅時候，記住“三分鐘即食得”呢句話，就會記得講“即食麵”而唔係“方便麵”架喇。

卢总

无论“即食”、“快食”，抑或“速食”，由于冇乜益，即使佢有几“方便”都好，寡人都绝对唔会加入呢个抢购潮！

啲人都“黐黐地”嘅，居然去抢购啲冇益嘅垃圾食品－－家阵打到嚟咩？

不过，我唔系否认呢啲面嘅“即食”性，但各位都系“少食多滋味”为好！

Wai

窮嗰排食得最多。

不過喺大陸會寫“即食面”。噉“方便面”有搞笑咗啲喇。