《撥亂反正》之二十二：估 vs 猜

auyeung

當有人問你問題嗰時，你唔確定，但係你又要答佢噃，呢個時候你會點回答呢？

提供兩個答案：

一：我估。。。噉噉噉

二：我猜。。。噉噉噉

好，買定離手。噉究竟應該點講先至啱呢？而家開估。

睇過超級無敵獎門人嘅朋友都知道，當年呢個節目紅到幾勁。而入邊有一個環節叫做超級無敵估歌仔，係請一啲外國人聽啲音樂跟住唱返出嚟，要來賓估歌名！由此可以知道，喺粵語表示猜測時，應用估字。。。

但問題係，亦有部份，具體有幾多我唔係清楚，反而表猜測時係講我猜。我估呢啲人士肯定係睇得我猜多勒，人哋節目名叫我猜，佢哋耳濡目染。一係無知當有趣，一係轉唔返過嚟，再者嚴重啲係忘祖。跟住人講我猜。。

所以正確答案就係一勒，唔知你有冇估啱呢？暫時寫住咁多，諗到再補充。。。

冬至

估有根據，猜喺亂來？

UngooChan

我用得最多嘅係“我諗。。。”，表示“猜測，唔確定”嘅意思有時我都會用“估”，至於“猜”，只用喺猜拳、猜枚嘅場合。

auyeung

以下是引用ungoo在2007-8-1 12:44:23的發言：

我用得最多嘅係“我諗。。。”，表示“猜測，唔確定”嘅意思有時我都會用“估”，至於“猜”，只用喺猜拳、猜枚嘅場合。

人在變，時代在變，語言也在變。

諗都算係新講法喇。

youngfs

标准讲法系：断估

羊城惜花人

唔需要“由此可知”

“估”又係粵語中一個好古樸嘅用語~

而“猜”就真係好難考究喇~

唐伯牛點蚊香

我諗。。。。如果如粵語嚟講嘅話用到“我猜”完全都好唔順口噃。。。。