靚女

Veronique

大家好！

想問吓，靚女呢個講法喺廣州有冇特別嘅意思呀？啫係話香港同廣州有冇用法上嘅分別呀？
原來係一個探住喺廣州親戚嘅女仔（佢哋都唔係廣東人）講喺廣州大家都講靚女唔講小姐。佢講係因為小姐有妓女嘅意思所以啲人唔好意思用小姐稱呼女仔。佢暗示講呢個避免講小姐嘅趨勢特別係廣東呢區嘅習慣。甚至講用普通話嘅人亦都講靚女（讀liang4 nuu3)。

我好清楚好多字喺特別嘅情況下可以有第二個意思，之不過睇嚟喺香港靚女嘅意思重係美女。所以真係冇諗過用靚女稱呼一個陌生嘅女仔禮貌過講小姐！我原來以為係相反嘅喎。
係咪真?？ 你哋點諗呀？

羊城惜花人

發錯版啊你。

廣州同香港一樣，記得嗰時TVB江華演嗰齣《九五至尊》入面，有條友話，逢佬就叫靚仔，逢乸就叫靚女。呢個都算係一種交際用語，雖然感覺係有啲輕佻，但人哋聽到你話佢靚，心裡面自然開心啦，佢開心，有咩要講都易話為啲啦~

Veronique

真係唔好意思喇！查實我唔知揀邊版至得。

你意思係咪一個女仔行街買嘢，售貨員講靚女稱呼佢好正常吖？

 

[此帖子已經被作者於2007-7-16 19:06:58編輯過]

卢总

我唔会乱叫“靓女”——真系入到我眼嘅，我先会噉叫。

乱咁叫“靓女”或者“靓仔”，除咗对嗰啲真正嘅“靓女”或者“靓仔”唔公平之外，重系一种非常之虚伪嘅表现！

所以我而家一般都系叫“姑娘”，既避咗某啲人对“小姐”嘅忌讳，又唔使有愧于自己个良心！

羊城惜花人

以下是引用卢总在2007-7-17 0:54:28的發言：

我唔会乱叫“靓女”——真系入到我眼嘅，我先会噉叫。

乱咁叫“靓女”或者“靓仔”，除咗对嗰啲真正嘅“靓女”或者“靓仔”唔公平之外，重系一种非常之虚伪嘅表现！

所以我而家一般都系叫“姑娘”，既避咗某啲人对“小姐”嘅忌讳，又唔使有愧于自己个良心！

十leng4廿歲女，有幾多個唔靚，冇理由要你叫啲啊婆做靚女噶~

可能我聽慣有啲麻木咗，總之我覺得叫靚女係時下好正常嘅交際用語~

你叫姑娘，人哋反而覺得唔自然添啊~

H3

护士同啲社工先叫姑娘啫.

李四

香港一般會稱呼為小姐，唔會將「小姐」諗成特種行業從業員。如果隨便叫人靚女，會令人有輕佻感覺。

lienshine

通常一間鋪頭有不止一個顧客，一個撈佬去買也，撈佬比人叫靚仔，我繫隔離寧願人地叫我先生，“靚女”同理

紫凤凰

靚女、小姐都唔啱聽嘅話，咪講姑娘囉。

gboss

靓女呢个词喺北方要慎用

唔三唔四蠢魚

广东嘅靓女都唔靓嘅，所以你叫人做靓女就等于闹人地唔靓。

卢总

以下是引用H3在2007-7-17 21:00:27的發言：
护士同啲社工先叫姑娘啫.

“姑娘”系一种对得住自己良心，而又唔会侮辱到人哋嘅安全叫法。

粵嚟粵掂

原帖由 卢总 於 2007-8-28 01:29 發表 以下是引用H3在2007-7-17 21:00:27的發言：护士同啲社工先叫姑娘啫. “姑娘”系一种对得住自己良心，而又唔会侮辱到人哋嘅安全叫法。

 

北邊嚟嘅姑娘，簡稱北姑。  

紫凤凰

無論南北，統稱姑娘。

smallcat2006

小姐

李四

唔明點解唔可以叫『小姐』！ 以前啲才子佳人，個個都係叫對方『公子』、『小姐』啦。 如果紫釵記李益見到霍小玉唔叫『小姐』叫『靚女』，幾殺風景呢！！！

卢总

“煞”风景。

書生

原帖由 smallcat2006 於 2007-9-12 12:56 發表 小姐

 

我地要保持著，保持返少少文化與禮貌呀　！

芬1012

原帖由 紫凤凰 於 2007-9-10 02:34 發表 無論南北，統稱姑娘。

 

落 order 啊？

芬1012

凡係女仔我都叫小姐，我從嚟冇見過一個本土女仔會反感嘅。

 

請大家唔好將啲撈佬嘅思維方式套喺自己身上。