嚴重鄙視公司要求開會摒棄本地話使用外來語

余OK

　　今日公司開會，經理要求下週開始，每日早會國內部使用普語發言，國外部使用英文，並派專人進行監督。查實呢樣咁荒謬嘅建議提出咗個幾月嘞，今次先嚟眞，理由係有客戶投訴公司職員普語唔掂以致影響交流，另外經理認為本地職員書面表達慣於廣東話思維，影響文筆，認為喺公司內部多啲使用普語講嘢會有所改善。好彩我隸屬國外部，否則我祇會一走了知，而家用英文開會都幾好，可以鍛鍊吓口語，不過話時話，我諗我唔會喺啲噉樣睇低自己母語嘅部門繼續踎得耐。眞係戥國內部班同事唔抵，講本地話居然畀客戶同經理冠之以影響溝通嘅罪名，的麼了嗎式嘅書面語又唔夠嶺北人gaang3，搞到有種輸蝕感，可悲可嘆。
　　80前嗰脫本地人係就係講普語帶唔少方音，但普遍嚟講唔似得上幾輩人普語唔曉講幾句，因為接受嘅係雙語式教育，所以普語交流絕對係冇問題嘅；80後獨沽一味式嘅普語教學，啲哇鬼係就係講普語講到lok1 lok1聲，但本地有特色嘅講法經已喺佢哋口中蕩然無存，查實重更加得不償失。至於書面文章，的麼了嗎寫得好唔好在乎就學時學嘢到唔到家，唔係普語教學所能左右嘅。舊時讀??齋，夠係用本地話教學，寫嘅書面文字都唔係本地話文字，廣東人都唔會寫得輸蝕畀人。當然對普羅大眾嚟講，完全掌握普語寫作嘅框框條條都有啲難度，畢竟始終係嶺北人較親切嘅用語文字，但亦唔至於話寫得不堪入目，使唔使淪落到講多啲普語嚟增進書面表達能力嘅地步呢？普語都有吸收粵語嘅文法同詞彙啦，完全毋須產生一種使用本地話嘅低下感。之一般百姓對此有冇深刻嘅思考唔係一味聽從人哋話乜就乜（使用普語思維對口頭同書面有益處），而唔懂得自我本土文化嘅可貴之處並為之堅持，呢個先係最大嘅隱憂。
　　為公司此不人道之倡議鳴不忿！

卢总

放心！呢啲咁横蛮无理嘅要求好快就会收皮！

卢总

我谂到个办法！

揾人扮客，打电话投诉国内部嗰班人成日讲角乳，影响沟通！吹咩？

唐伯牛點蚊香

確實係一個好辦法！

highyun

聽講呢間係香港公司？香港人為咗錢，越嚟越自卑喇，為咗錢連自己母語都出賣，所以香港真係好快死得。

羊城惜花人

書面表達，我寧願用文言好過~

Wai

呢啲嘢, 兩年幾前, 我喺廣州一間國企做嘢, 每個禮拜嘅例會都係用普通話, 個個都係廣州人, 面對面講普通話好鬼尷尬, 我哋間唔中加幾句廣州話喺啲專有名詞。我就因為短期合約，就冇限制我講乜。我見到佢哋一句國語一句粵語咁辛苦，真係覺得呢啲嘢真係影響交流。

會議結束，成班人又講返廣州話：“等陣去邊間茶樓呀？”

[此帖子已經被作者於2007-7-17 7:23:35編輯過]

廣州人喺圖盧茲

香港人仲學咩人搞高風格啊,連廣東話都可以唔要.

zhyj615

这的确是一种歧视

不过也是很无奈的现实主义，和机会主义

IAB

确实讽刺兼无聊，不讲母语讲捞话，但为生活所迫也是无奈。

07-07-07

卢总果然高招！！[em17][em49]

紫凤凰

對爾間公司嘅老總，我只能講句：我香蕉你個蘋果橙。

粵嚟粵掂

以下是引用余OK在2007-7-14 22:42:17的發言：

　　今日公司開會，經理要求下週開始，每日早會國內部使用普語發言，國外部使用英文，並派專人進行監督。查實呢樣咁荒謬嘅建議提出咗個幾月嘞，今次先嚟眞，理由係有客戶投訴公司職員普語唔掂以致影響交流，另外經理認為本地職員書面表達慣於廣東話思維，影響文筆，認為喺公司內部多啲使用普語講嘢會有所改善。好彩我隸屬國外部，否則我祇會一走了知，而家用英文開會都幾好，可以鍛鍊吓口語，不過話時話，我諗我唔會喺啲噉樣睇低自己母語嘅部門繼續踎得耐。眞係戥國內部班同事唔抵，講本地話居然畀客戶同經理冠之以影響溝通嘅罪名，的麼了嗎式嘅書面語又唔夠嶺北人gaang3，搞到有種輸蝕感，可悲可嘆。
　　80前嗰脫本地人係就係講普語帶唔少方音，但普遍嚟講唔似得上幾輩人普語唔曉講幾句，因為接受嘅係雙語式教育，所以普語交流絕對係冇問題嘅；80後獨沽一味式嘅普語教學，啲哇鬼係就係講普語講到lok1 lok1聲，但本地有特色嘅講法經已喺佢哋口中蕩然無存，查實重更加得不償失。至於書面文章，的麼了嗎寫得好唔好在乎就學時學嘢到唔到家，唔係普語教學所能左右嘅。舊時讀??齋，夠係用本地話教學，寫嘅書面文字都唔係本地話文字，廣東人都唔會寫得輸蝕畀人。當然對普羅大眾嚟講，完全掌握普語寫作嘅框框條條都有啲難度，畢竟始終係嶺北人較親切嘅用語文字，但亦唔至於話寫得不堪入目，使唔使淪落到講多啲普語嚟增進書面表達能力嘅地步呢？普語都有吸收粵語嘅文法同詞彙啦，完全毋須產生一種使用本地話嘅低下感。之一般百姓對此有冇深刻嘅思考唔係一味聽從人哋話乜就乜（使用普語思維對口頭同書面有益處），而唔懂得自我本土文化嘅可貴之處並為之堅持，呢個先係最大嘅隱憂。
　　為公司此不人道之倡議鳴不忿！

去啲粵資港資美資歐資企業做喇！

我並唔反對喺公司開會嗰時規死用英文，畢竟佢係世界通用語言！

粵嚟粵掂

以下是引用卢总在2007-7-14 22:48:39的發言：

我谂到个办法！

揾人扮客，打电话投诉国内部嗰班人成日讲角乳，影响沟通！吹咩？

講妳就易！人家做緊正經生意有單據業務往來咖！妳估喺街市買樖菜投訴個檔主呃秤咁易咩！妳條橋冇乜操作性！

不而妳開會嗰時特登將啲撈話講到唔清唔楚，等啲高管知道撈話喺公司推行並唔會促進溝通，反而仲會影響交流，降低做嘢嘅效率，進而影響生產力，最後使啲高管知難而退！不過呢條橋唔單止要妳有一定膽色，仲要有一定嘅扮嘢天份至得！

[此帖子已經被作者於2007-8-19 11:53:34編輯過]

zhyj615

理解中。。。

世界上物种灭绝严重

粤语也是其中之一

芬1012

以下是引用粵嚟粵掂在2007-8-19 11:42:37的發言：

講妳就易！人家做緊正經生意有單據業務往來咖！妳估喺街市買樖菜投訴個檔主呃秤咁易咩！妳條橋冇乜操作性！

不而妳開會嗰時特登將啲撈話講到唔清唔楚，等啲高管知道撈話喺公司推行並唔會促進溝通，反而仲會影響交流，降低做嘢嘅效率，進而影響生產力，最後使啲高管知難而退！不過呢條橋唔單止要妳有一定膽色，仲要有一定嘅扮嘢天份至得！

好主意啵。

不過，除非公司冇咗你唔得啦，如果唔係，你老世實聽炒Q咗你。

自己開公司啦。

Wai

扮唔識講國語，噉就要借用《戲劇之王》啲橋喇。

調轉頭諗吓，

喺公司講國語好過個老細，好過晒其他人。粵語交流又冇問題，英文重好掂添。噉唔係重好，粵語得，英文得，連國文都得。邊個夠你嚟呀，老細。

余OK

以下是引用Wai在2007-8-20 12:43:17的發言：

調轉頭諗吓，

喺公司講國語好過個老細，好過晒其他人。粵語交流又冇問題，英文重好掂添。噉唔係重好，粵語得，英文得，連國文都得。邊個夠你嚟呀，老細。

　　有道理，目前本人精通德（順德話）、粵（廣州話）、普，熟練英，了解日，假以時日再學吓其他語言。

Wai

以下是引用余OK在2007-8-20 22:47:08的發言：

　　有道理，目前本人精通德（順德話）、粵（廣州話）、普，熟練英，了解日，假以時日再學吓其他語言。

Good attribute.

人哋淨係識用國語開會，又如何，我識得講，重講得好過你添。shame on you mate.

 

H3

咁真係要同佢讲delay no more.