《撥亂反正》之十八：年、月、日嘅表述

highyun

　　前面已經有人撥正返鐘數時間，今日我撥正埋年月日呢啲相對較長時間。

　　本來，年、月、日嘅表述，係小學生都知曉嘅事情，無奈，自幼稚園開始接受普語單一教學嘅當代小朋友，卻冇幾個人可以正確講出地道嘅粵語表述方式。就連大人，都開始迷惘喇。。。見此現狀，實在心痛，唯有大力撥亂一番，望能爲迷惘者或有心學粵語者撥開一點雲霧。
　　天，所有人都知道粵語對應講“日”，“今天”者，“今日”也。然而“明天”、“昨天”卻唔係對應“明日”、“昨日”，而係“聽日”、“禽/尋日”。
　　而“月”，大體同國語相同：這個月——今個月  下個月——下個月 上個月——上個月。
　　至於“年”，現時大多只能聽到與普語“接軌”之“明年”、“上年”，而甚少聽到更有粵語感嘅“出年”、“舊年”喇。

rainiell

我当日学习之时，好似被告知「昨日」应写作「琴日」

唔知正确应该点写呢？

卢总

“寻日”、“琴日”、“沉日”、“禽日”……至今尚未有一个定案。

风之子

南寧好多人講“明年”都係直譯嘅，好少人講“出年”。

講“尋日”講成“zok9,  mat9"