文化與政治

羊城惜花人

如果有人問我：“你覺得魯迅係個點嘅人？”我諗我會答：“佢係個好可憐嘅人！”
點解我噉講呢，大家試諗吓，一個對政治反感，對統治者採取不合作態度嘅人，死咗之後仲要畀政治利用，人生最悲哀之事莫過於此！聽講有人問過毛柒窿：“如果建國後，魯迅仲未死嘅話你會點？”毛話：“叫佢一係收聲，一係坐監。”
喺文人心中“政治強姦文化”係千古不變嘅定律，所以文人係最唔想講政治，但講講吓就會身不由己噉講到政治（當然係負面嘅多）。所以毛澤西話：“知識越多越‘反動’。”
記得喺網上睇過首嘢反駁“八榮八恥”嘅：
沒能力危害祖國，沒理由背離人民。沒資本好逸惡勞，沒本事損人利己。沒機會見利忘義，沒膽量違法亂紀。沒鈔票驕奢淫逸，只好愚昧無知了~
講得非常好，我都覺得“愚昧無知”嗰句冇必要駁佢，因為CCP根本就係喺度採取緊愚民政策，從我哋嘅教育、新聞各方面都可以睇得出。當然而家係開放咗好多，如果唔係，我呢篇嘢都唔敢寫啦！
“政治”呢個詞喺中國好多地方都係同“色情”、“暴力”擺埋一齊，作為禁止談及嘅內容。我本來都唔想講政治，正如我自己所講，唔知點解講文化講講吓講到佢啫~~

為何要講政治
發洩亦沒意思
由那些騙子
講出天大名字 
           ——林夕《只談風月》   

[此帖子已經被作者於2007-7-8 13:31:00編輯過]

auyeung

即你係企“左”邊啦。。。[em03]

唔發言住[em12]！！！

UngooChan

魯迅活多廿年，一定會畀人整得好慘。如果佢有機會走嘅，絕對唔敢走去臺灣，只能走去日本。